السلام عليكم يا بنات المنتدى باركولي أخيرا دخلت الأنترنات في البيت (شوفو الفقر......)
لكن ما حبيت أستقبل تهانيكم من غير ما أحضر لكم طبق عندنا في توني نحبو برشة برشة
وها الطبق كان طلب الأخت حنان ليبيا اللي حاولت ألبيه وان شاء الله يكون واضح

ما نطولش عليكم وراي

نبدأبسم الله الرحمان الرحيم

1- العصيدة:
رطل زقوقو
350 غرام فرينة
400 غرام سكر دقيق
2 لترات ماء

أولا ننظف مليح الزقوقو وننقيه ثم نغسلو ثم نحمسو فوق النار أو في الفرن حتى نشن الريحة طالعة
IMG]http://www.lakii.com/img/all/Mar08/dRXcAC03191040.jpg[/IMG]


ثم نحط نعجنو في عجانة اللحم أو اللي نستعملوها للعجين مع شوية ماء نظيفو بالشوية بالشوية (نكونو حطينا قربنا الكمية الالازمة حتى ما نفوتوها) لين نتحصلو على عجينة


ناخذ غربال جيد ونحطو فوق ماعون واسع ونحط نصفي مع زيادة الماء بالشوية بالشوية ونحرص أن نخرج من هذس العملية قلب اازقوقو لأنو القشور ما لنا حاجة بيها
ونعيد العملية عدة مرات حتى ينتهي الماء ونحس أنو ما بقي فوق الغربال (جيد) الا القشور

عندها نصفي للمرة الأخيرة ونتخلص من القشور ويصير عندنا سايل



عندها نضيف الفرينة (أو دقيق) ونغربل بالغربال

ونطبخها على نار لينة مع التحريك المتواصل إلى أن تصبح قاسية شوية

في ها المرحلة نضيف السكر ونعيد تطييبها حتى تصبح مثل الكريمة
نوزعوها على أصحاف أو أكواب نظيفة ومنشفة مليح (ما نفوت 2 صم علو) ونخلي تبرد

وتكون كما يلي


يعني إذا طابت ولقيتوها قاسية شوية ممكن اضافة شوية ماء ثم اعادة طبخها

وممكن أيضا تضيفو السكر من الأول

2- تحضير الكريمة اللي تتحط فوق العصيدة
2 لترات حليب سايل
8 ملاعق أكل نشاء
14 ملعقة أكل سكر (وكل واحد وذوقو)
8 أصفر البيض

نخلط الجميع مع بعض ثم نعديهم في صفاية
ونحطهم يطيبو على نار لينة فوق الغاز مع التحريك المتواصل
لما يبدا القوام يغلض نضيف ملعقتين زهر أو عطرشية أو ماء وزد
ونبقى نحرك خارج النار حتى تبرد

3- نتأكد انو العصيدة بردت ونحط فوقها تقريبا أصبع كريمة

4- ننتظرو يبرد ونزين بفواكه مرحية: لوز مرحي أو فستق ,,,,,
وشوفو النتيجة



ان شاء الله تعجبكم وبالهناء والشفاء

باين عليه لذيذ ,لكن انا ما عرفت ايش هو (الزقوقو)

تسلم يدكِ حبيبتي على العصيده الرائعه وبأنتظار المزيد من الوصفات بس عندي سؤال نفس سؤال الغاليه بنت سليمان ماهو الزقوقو جزاكِ الله كل خير

الف شكر شكل ذووووووووووووق

يعطيك لصحة أختي ام آمن
وأكيد ات تقصدين بالزقوقو الصنوبر

تسلم ايدك اختي

الزقوقو يا جماعة هو حبات الصنوبر

بنت سليمان شكرا ليك والزقوقو هو حب الصنوبر وعصيدتو عندها مذاق خيالي وكل اللي ذاقوه اندهشوا

حنان البحرين ألف شكر على مرورك والزقوقة كما قلت هو حب الصنوبر الي نعجنو حتى نستخرج منو ما يعمل العصيدة وخسارة أنكم ما تعرفوه حقيقي روعة

ساندروس أهلا بيك وشكرا