اطباق حلو وهي حلوه لرمضااان
في اطباق جديده توني ما جربتها بس قلت اكتبها لكم تجربون معاي مو بس انا
المطلوب لهذا الطبق :
كيك سارالي ، جلى أحمر ، رمان ، 6 قطع جبن كيري ، 1 قيمر ، 1 دريم ويب ، 1 كيس جلاتين مذاب في 1/2 كوب ماء حار
الطريقة
اول شيء قطعو الكيكه شرائح وحطوها في طبق بايركس وفوقه نحط الخلطه ليه هي (الكيري والقيمر والدريم ويب والجلاتين) طبعا تظربونها بالخلاط مو تحطونها كذا
بعدها سوي الجلى الاحمر وحطيه فوق الخليط طبعا تحطونه لما يبرد الجلى وله يصير شوربه لو حطيتوها حاره وحطوها بالثلاجه وقبل لا يجمد حطى عليها حبات الرمان الكميه اليه انتى تبينها ورديها الثلاجه ليما تجمد واكلوا وادعو لي

كيكة السفن اب
1 كيك سارالي ، 1 علبه اناناس مقطعه ، 2 علبه كريم كرمل ، 1 قيمر ، 1 سفن اب

اول شيئ نطبق الكيك باقاع الصينيه وترش بالسفن اب تخلط المقادير الباقيه بالخلاط وتصب على الكيكه وتوضع بالثلاجه ثم تزين بالسكر المحروق .

ميل فيه
1/2 علبه قيمر ، 1 علبه عجينه بف باستري ، 1 علبه كريم كرمل ، 2 ملعقه اكل عسل ، سكر ناعم
الطريقة
توضع قطع البف باستري بالفرن وترش بالسكر البودرة حتى يحمر
يخلط الكرمل والعسل والقشطه
تكسر العجينه بعد ان نخرجها من الفرن وتوضع في اناء بايركس ثم يوضع الخليط فوق العجينه .
الطبق هذا اليوم واصل لي بس ما جربته جربوا وقولو ليه حلو وله لا

حلو سريع
7 سويس رول كاكاو بترا يقطع ويصف في صينيه بايركس نضع بالخلاط 1 قيمر + 1 دريم ويب + 1 كريم كرمل بعدها نضعها فوق الكيك ونزين الكيك بكاكاو أرو أو فليك

وهذا طبق هم ما جربته بس يقولون اليه جربوه انه لذيييييييذ
حلو الفيمتو
كيك سارالي ، 1 ملعقه كبيرة نشا مذاب بقليل من الماء ، 1 قيمر ، 1 كوب فيمتو مركز ، 6 قطع جبن كيري ، 1 كيس دريم ويب ، 1 كيس جلاتين مذاب في 1/2 كوب ماء حار
الطريقه يوضع الفيمتو في قدر على النار وعند اول قلوه له نضع عليه النشا مع التحريك حتى يثخن
تكونين طبعا مقطعه الكيكه وصافتها في الصينيه وفوقها حطي الطبقه الثانيه اليه الخليط اليه حطيتيه بالخلاط (الكيري والقيمر والدريم ويب والجلاتين) الطبقه الثالثه راح تكون طبقه الفيمتو وحطيها بالثلاجه وصحه وعافيه بعدين اكمل معكم باقي الاطباق

يعطيك العافية

الله يعطيك العافية ..

تسلم يديك وربي مايحرمنا منك

,,, الله يعطيك العافيه ,,,,

مجهود رائع ....................مشكورة

تسلمي على هالاطباق مبينه زاكية خصوصا الفيمتو رح اجربها و اقولك .
الى اللقاء.

تسلم ايديك.....

حلى الفيمتو لازم اعمله ..اكيد لذيذ

الله يعطيك العافيه وانا من فتره ابحث عن حلويات سريعه واتمنى من الاخوات المزيد

مرحبا عبير.....
تسلم ايديك على الاطباق الحلوه......وكل عام وانت بخير ....