السلام عليكم ورحمة الله وبركاته

طبعا هاي اول مشاركة لي بقسم الحلويات وان شاء الله ما رح تكون الأخيرة

اولا المعمول او القراص بعجوة

المقادير

كاستين دقيق ابيض
نص كاسة فرخة
نص كاسة زبدة او سمن
نص كاسة ماء والافضل ماء زهر بس انا ما كان متوفر عندي فإكتفيت بالماء وعوضت عنها بملعقة صغيرة فانيليا
رشة صغيرة سكر
رشة صغيرة bp

طبعا هذا ربع المقدار الاصلي للمقدار الي اخدتو لان انا ما بيجيني ضيوف بس عملت من شان حس انو عيد

بتخلطي المقادير كما يلي
اولا بتحطي الدقيق على الفرخة وبتخطليهم ليتناسقو وبتضيفي الزبدة وبتخليهم منقوعين ع طرف شي نص ساعة هيك السميد ما بيقرط لانو بيتشرب الزبدة

وبهالاثناء بتحضري الحشوة الي هي تمر وزبدة وجوز ولوز هاي اضافة من عندي هو بالعادة زبدة وتمر بس انا بحب الجوز معاه بيطلع اطعم وبتشكليه على شكل كور

[IMG][/IMG]

بعدها بترجعي للعجينة بتضيفي باقي المقادير وتقيدي بالمقادير لانها بتطلع ازبط بس بتدعكيه مليح وادعكي جيدا ولا تضيفي شي تاني لاني بالبداية بيتهيألك انها بحاجة للدقيق بس على الدعك بتشوفي انو العجينة بتاخد كل الماء وبتصير كويسة كتير وسهلة التعامل هاي العجينة بعد ما خلصت اول صينية تذكرت اني ما صورت العجينة

[IMG][/IMG]

وهاي هي الطريقة طبعا بتشكليها حسب القالب المتوفر عندك

هاي بعد التشكيل

[IMG][/IMG]
بعد الخبز بالفرن بتاخد حوالي تلت ارباع الساعة حطتها على حرارة 170 طبعا ما بحبها محمرة اذا بتحبي تحمريها ممكن تخليها للتحمر

وهاي بصحن التقديم

[IMG][/IMG]

وكل عام وانتو بألف خير وينعاد علينا وعليكم بالخير واليمن والبركة

منجي لجوز الهند

المقادير سهلة وبسيطة انا اخدت كمان ربع المقدار الاصلي
10 بيضات
كيلو جوز الهند
نص كيلو سكر
بس كتيرة هالمقادير فأخدت بيضتين كبار
وكاستين ونص جوز الهند
وكاسة سكر

الطريقة بتخلطي المقادير مليح
هاي العجينة
[IMG][/IMG]

وبتحضري الصينية وبتحطي بأرضها ورق زبدة او جرائد اذا ماتوفر عندك او اي ورق تاني بس الصحي ورق الزبدة
وبتعملي العجينة على شكل كور وبتضغطيها لتحصلي على شكل قرص وبتصفيها وخليها بعيدة عن بعضها لانوحجمها بيكبر

[IMG][/IMG]

وبتحطيها بالفرن على حرارة 180 و وبتخليها ليحمر وجهها وبتطالعيها من الفرن وبتحضري صينية مبلولة بالماء ليسهل انتزاع الاقراص دون ان تتشوه وتتكسر
وبتجيبي الصينية الي فيها اقراص لا تلميسها بايدك حتى تحطيها على صينية المبلولة وذلك بسجب الورق برفق لتوصل للصينية التانية هي مارح يوقاع ولا قرص لانو الاقراص بتكون ملزقة بالورق ولما بتحطيها على الصينية المبلولة بيكون الورق امتص الماء وصار سهل انتزاع الاقراص يا ريت يكون الشرح واضح

وهاي شكل الاقراص مغري جدا جدا والطعم رائع لدرجة اكلت عضة ههههههههههههه

[IMG][/IMG]
وعوافي على قلوبكم

طبعا انا ما عملت غير هالشكلين من الحلو
وعملت كعك بمحلب طبعا هو مالح ومنزلته بركن المعجنات وهذا شكلو

[IMG][/IMG]

وهذا الر ابط لطريقة عملو
http://www.lakii.com/vb/showthread.php?t=303697

وهذا الي عندي

ولاتنسوني من خالص دعاكم

تسلم يدكِ حبيبتي على الوصفات الرائعه وكل عام وانتِ بخير

والله انك متلي ما بيجي عندي حدا وانا بروح عند كل الناس واول عيد الي لما تزوجت عملت كعك للكبار وعملت حلو للصغار وزينت البيت بالبلالين ولكن للاسف ما ايجا عندي ولا اي انسان مع ذلك بعمل كعك وبزين البيت وبس يجو عندي الناس بكونو البلالين منفسين يييي طولت عليكي ما شاء الله عليكي تسلم ايديك يا رب على المعمول وجوز الهند

يسلمو إيديك على هالحلويات الطيبة متلك ..

الله يعطيك ألف عافية ..

تسلم أيدك
الله يعطيك العافيه

شهود تسلم إيديكي الحلو بياخد العقل و سامحيني ما أنتبهت أنك حاطتيه بموضوع لأني صارلي كام يوم ما عم بدخل عالأقسام بكل الأحوال ألف شكر و كلعام و أنت بخير

شهود بس معلش في عند يسؤال بشرحك للأقراص بعجوة ذكرتي السميد ..بالمقادير ما في سميد و لا بتقصدي الفرخة هو سميد

يسلموووووو

كتبت بواسطة حنان(البحرين)

تسلم يدكِ حبيبتي على الوصفات الرائعه وكل عام وانتِ بخير

وانتي بالف خير واعاده الله علينا وعلكي بالخير والبركة

الله يسلمك اختي حنان