:
السلام عليكم ورحمة الله وبركاته
حياكم الله جميعاً
شخباركم ان شالله طيبين
هذي اول مشاركه لي معكم في هالركن والمنتدى بشكل عام
ان شالله أقدر أفيدكم باللي عندي . وانشالله ماراح أقصر
اليوم ا ن شالله راح نتعلم [ حلى المالتيزرز ]
هـ الحلى لذيذ وسهل
اخترته لكم من كتاب الطبخ [ النخبه ]
طبقته اليوم وحبيت أنقله لكم .. وصورت لكم خطواته
بالصور خطوهـ خطوهـ
ومابي لكم الا الفايده
ومابي منكم الا الدعوهـ الحلوهـ
يالله بسم الله نبدا
المقادير
راح نحتاج :
بسكوت شاي أولكر أو أي نوع
بودرة كاكاو
حليب نستله
شوكلاته هيرشي السايله
شوكلاته مالتيزرز
الطريقة :
أولاً نفتت بسكويت الشاي لما يصير ناعم
ونحطه في زبدية عميقة شوي
بعدين نضيف له ملعقتين كبار من بودرة الشوكلاته
ونخلطهم مع بعض
الحين نضيف لها شوي من حليب النستله
ونعجن الخليط باليد مع بعض
هذا شكل الخليط بعد ماعجناهـ
والحين نسوي كور صغار من هالعجين
ونسوي حفره صغيره بالنص ونحط كل كوره
منها في اكواب ورقيه
والحين نحط في الحفره الصغيره اللي سويناها عالكور
شوي من شوكلاته هيرشي السايله [ شوي بس ]
والحين وصلنا لآخر خطوهـ
نحط في كل حفره حبة من شوكلاته مالتيزرز
بهالطريقة ..
وتحطينه على طبق التقديم
والف عافيه على قلوبكم
ان شالله يكون الطبق عجبكم
وأنتظر ردودكم الحلوهـ
الروابط المفضلة