حلوات ركن الحلويات الفزعه تكفون .....وانا عارفه انكم ماراح تقصرون
حبيباتي .. مره ذقت حلا عند اخت زوجي هذا الحلا فيه سميد وطحين هاذي الحاجتين
متاكده انها موجوده فيه وينعجن ويقطع مثلثات صغيره وتحشى بقطعه صغيره من جبنة الكيري
وتلف مثل الكروسان وتقلى في الزيت لين تحمر وبعدين تغطس في الشيره وتقدم مع القهوه .
اكيد بتقولون اش المطلوب ؟
حبيباتي اللي تعرف طريقتها زين ومقاديرها تقولي عليها لاني سالت اخت زوجي عنها واتهربت مني ولما قلت لشغالتها تعلم شغالتي عليها قالتلي (مادام..... خاصم انا هي قول ماقولي كيف سوي هذا حلا) تخيلو اي والله هذا اللي قالته شغالتها...شي يضحك صح ؟
عالعموم انتم فيكم البركه وان شاء الله ماتقصرون .

هلا نوّارة(((((

احتمال تكون زنود الست00بس هي محشية قشطة0000

أو تكون اصابع سمبوسة عادية000
والله مااعرفها00حاولي تقربين الشكل؟؟
طيب انت شلون عرفت انه فيها سميد وطحين؟؟؟؟

عزيزتي ولا يهمك عند جارتي تقريبا نفس الطريقة بس تحشيها تمر اتاكد لك منها اذا رجعت من السفر وارد لك خبر.

احتمال يكون هادا الطبق هو التمرية عجينة جواها سميد مطبوخ و بعدين تقدم مقلية
اذا هو ابعثي لي سوف ارسل لك الطريقة

عندي الطريقه 0000000
اصابع الزمن0000000
المقادير : 1 كاس دقيق ، 1ونصف سميد ، 1كاس حليب سايل ، نصف كاس زبده سايحه ،
2ملعقه صغيره بكم بودر .
الحشوه : تمر او جبن كيري .
الطريقه :
تخلط المقادير وتترك لمده ربع ساعه . وانت تعرفين الباقي .
ترها لذيذله واطفالي يحبونها.

يا حبيبتي يا نوارة


يعني أخت زوجك تهربت منك

يا ريت عندي الطريقة كان كتبتلك إياها من عينيه الثنين عزيزتي

وإنشاء الله تكون طريقة nsh2002 هي المطلوبة

هذا الحلى(اصداف السميد المحلاه)
المقاديروالطريقه:
1ونصف كوب دقيق
نصف كوب سميد
نصف كوب ماء
نصف كوب زيت
1ملعقه بكنج بودر
تخلط جميع المقاديرثم تخلينها10دقائق ثم ترق وتحشى بالجبن الكيري وتلف مثل الكروسان ثم تقلى في الزيت ثم نضع عليها الشيرة وتقدم .....وبالعافيه

والله والنعم ببنات الرجال هذا العشم فيكم والله ما قصرتو
الشكر لكم وحده وحده ويكفي بس دخولكم وردكم
الاخت الريم تسلمين والله وماقصرتي بس زنود الست اعرفها ماهي هي
وانا عرفت انه فيها سميد لانه مبين في الشكل والطعم ويوم قلت لاخت زوجي انه اكيد فيها سميد قالت فيها سميد وطحين وما قالتلي عالباقي
اختي الشهلا ماقصرتي والله ومشكوره واظن الا خوات ام اثير وnsh2002 جابوها الله يخليهم ويسعدهم ان شاء الله
الاخت مي23 تسلمين يالغاليه وماظن انه اللي تقولين عليه لكن هذا مايمنع انا نستفيد من اللي عندك
واكيد الحلو ما يجي الا من الحلوين
الذواقه سينو تسلمين ياعيوني والله يكفيني دخولك وردك حتى لوماتعرفين الطريقه
وعلى فكره بسوي الوصفات اللي جابوها البنات وبعزمها بكره واقدمها لها(وحده بتنتقم )

هلا بالاخوات ام اثير وnsh2002 مشكورات على هالحلى الطيب

وانت يا nwara ان شاء الله تتقني الطبخه وتطلع احسن من اللي تسويها اخت زوجك .... وانا راح اجربها واعلمك النتائج ....بالتوفيق حبيبتي

لاخت عمانيه مشكوره على الرد
وابشرك لقيتها.
الاخت ام اثير تسلمين يالغاليه طريقتك ضبطت معاي واعتقد انها هي اللي ابيها
الاخت nsh2002 بجرب طريقتك واردلك باقرب وقت والله يحفظلك عيالك ان شاء الله
مي 23 وين طريقة التمريه منتظرينك لا تتاخرين .