تحبون اللقيمات ( لقمة القاضي ) تعالوووووا
السلام عليكم ورحمة الله وبركاته
كيف الحلوووووووات .. وكيف الصيام معهم
اللقيمات أو لقمة القاضي صنف مشهوووووووور برمضان
وماتخلو سفره منه
عاااااااااااد سلمكم الله أنا بأقول لكم طريقتها
وإن شاء الله تعجبكم
وهذي الطريقة اللي أنا أستخدمها
تطلع مقرمشه مو لينة
تعالوووووووووووووووا شوفوا الطريقة معي
المقادير ..
3 كأس دقيق ( كأس جبنة كرافت )
2ملعقة كبيرة نشا
4ملاعق حليب نيدو
شوية ملح
ملعقة متوسطة خميرة فورية
الطريقة ..
حطيهم كلهم على بعض وأعجنيهم بمويه فاتره
العجينه لازم ماتكون خفيفة حييييل ولا ثقيلة وتخلونها تخمر ممكن ساعتين أو 3
أنا بصراحة أسويها الساعة 3 العصر وأقليها قبل المغرب
بتلاحظين بعد ماخمرت أن العجينه صارت خفيفة يعني لو مسكتيها بأيدك تنعصر معك من غير
ماتسيح
بعدها تأخذين من العجينة بقبضة أيدك وتعصرين العجينة واللي يطلع بين أبهامك تشيلينه بالملعقة
وتحطينه بالزيت بشكل سريع
<--------- شفتوا كيف التفصيل الممل
والحين أهم نقطة علشان تصير اللقيمات مقرمشه
اذا حطيتي اللقيمات بالزيت خلي النار وسط أميل يكون مقصر عليه
وأستمري بتقليب اللقيمات الين تحمر
مو تحطينها وخلاص تقلبينها مره ومرتين وبس
لاااااااااااااااااااااااااااااا قلبي وقلبي وقلبي يعني حركي حركي حركي الين تشقر
معليش بتتعبين ( بس من بغا الدح ماقال أح ) هههههههههههههه
وأتمنى لكم وجبة لقيمات شهية
واللي تسويها تبشرني .. وتقول لي رأيها بكل صراحة
سلاااااااااااااام حبايبي
رد مع الاستدلال
كتبت بواسطة خيوط الشمس
الروابط المفضلة