●•°حلى متميز°•● كيكة لمناسبه خاصه بالصور
السلام عليكم
كيفكم ياخواتي وحبابي
قبل كم يومين كان ندنا مناسبه وانا كل سني متعودي اجيب كيكه جاهزي من برا بس السني حبيت اعملها بيدي وتكون زي الجاهزي
والحمد لله الله وفقني صحيح تعبت كتير فيها بس طلعت جنان
نبلش في
المقادير
ثلاث بيضات
كاسي ونص طحين
ملعقة اكل بكم باودر
كيس فانيلا
كاسي سكر
ربع كاسة حليب
ربع كاسة زيت او زبد
اربع ملاعق كبار كاكاو باودر
للحشوة والزينه
كيسين من كريم شانتيه
علبة اناناس
كيس من حبات الجيلاتين
علبة نوتيلا
الطريقه نخلط البيض والسكر بالخفاقه الكهربائيه لمدة 5 دقايق
وبعدين بنضيف باقي المقادير ماعدا الطحين والبكم باودر
وبعدين بنضيف الطحين والبكم باودر بالتدريج
بنسخن الفرن درجة حرارة 150 لمدة ربع ساعه
وبنحط الكيكه لمدة اربعين دقيقه
بنعمل الكريمه نص كاسة حليب سائل لكل كيس كريمه وبنخلطها لمدة خمس دقايق وبنحطها بالثلاجي
وبنطلعها بنستناها لتبرد وبنقسمها نصين بالسكيني
بتكون بردت الكريمه وبندهنها النص من الداخل بالكريمه
وبنحط سلايزات الاناناس
وبنغطيها بنص الكيكه التاني
وبنغلفها بكريمه بيضه من كل الجوانب
واستعملت الة التزين وحطيت فيها شكولاتة نوتيلا وزينت الكيكه بخطوط بالطول تقريبا 5 خطوط
وثلاث خطوط بالعرض
انا بنتي بتعشق الجيلاتين حتى اكسر لون الابيض والبني في الكيكه اخدت واحد من كياس جيلاتين بنتي اللي كل وحدي شكل الوانها زاهيه وحطيتها بداخل كل مربع وهيك صار شكلها[/size]
ان شاء الله تعجبكم
الف صحه وهنا
رد مع الاستدلال
الروابط المفضلة