السلام عليكم ورحمة الله وبركاته ....
وحشتوني جدا .... لكن اعمل ايه الوحم كان مطلع عيني .... ...
الحمد لله بقيت ام خلودي ....
وحبيت لما ارجعلكم اجيب معايا حاجة حلوة .... بس يارب تعجبكم ..
وان شاء الله لما اصورها باحاول انزلها مع الوصفة ... ( جايبة كاميرا جديدة ولسة مش عارفالها اوي .... )
خليكم معايا بقى في المقادير ..
- مقادير الكيكة العادية الدسمة + ملعقة بودرة كاكاو غامق
- نصف كوب او حسب الرغبة عين جمل (جوز) مكســـر (مش مفروم)
صوص الموز:
- 2 موزة كبيرة مستوية
- 1 ملعقة ك سكر بني غامق
- 1/2 ملعقة ص فانيليا
صوص الشوكولاتة:
(انا اخدت طريقته من احدى الاخوات في المنتدى ولكن للأمانة مش فاكرة مين هي ؟؟ )
- 4 ملاعق ك حليب بودرة
- 3 ملاعق ك كاكاو غامق
- 1 ملعقة ص نسكافيه
- 1/2 كاسة زيت
- سكر للتحلية حسب الذوق
الطــــــــــريـــــــــــــــقة:
- نعمل الكيكة عادي خالص وقبل ما نصبها في الصينية نضع ملعقة الكاكاو ونلفها مع العجينة قليلا ... حتى يصبح اللون غير موحد يعني زي الحلاوة ام الشوكولاتة
رخامية يعني .....
وتصب في القالب المدهون لسهولة فصل الكيكة منه بعد الخبز.... وتدخل الفرن الساخن من قبل على الرف الوسط .... ودرجة الحرارة 170 تقريبا ...
معــــــــايــــــا ولا نمتوا ؟؟؟؟ ( نمتوا اخت فيمتو ..... )
طريقة صوص الموز (الحشو ):
نهرس الموز بالشوكة ونضيف السكر والفانيليا مع بعض مع مراعاة عدم المبالغة في هرس الموز ... حتى لا تصبح سائلة ... ونتركها جانبا لتستخدم لاحقا
طريقة صوص الشوكولاتة:
نضيف كل المكونات على بعض ونقلب حتى تتكون عجينة لينة (قوام سائل) ولو كان الصوص خفيف جدا نضيف حليب البودرة حتى يظبط القوام معك ولو كان يابسا ضيفي القليل من الحليب السائل حتى يصل للقوام المطلوب.
الشكل النهائي:
بعد خروج الكيكة من الفرن نتركها تبرد ثم نقسمها من النص ونضع حشو الموز ...
نزين الوجه بصوص الشوكولاتة بشكل عشوائي .... ونرش الجوز المكسر على الوجه .. ..
خلاااااااااص الوصفة انتهت .....
يارب حد يطبقها .... ويقولي على النتيجة ....
تحياااااااااااااااتي للجميع وعليها موزة .....
الروابط المفضلة