صديقاتي حبيباتي في المنتدى يمكن مو غريبة عليكم هالأكلة الطيبة الرائعة لكن هل عمركم جربتوها بالمستكة اللي بتعطيها الرائحة الزكية واللي ما بتخليكي تبطلي تاكليها..
صديقتكن الجديدة انا (أم الكابتن) أدعوكن لتنناول الحلوى الفضلة لدي ليالي لبنان وعن جد بتمنى كلكم صديقاتي تشرفوني فبيتي لأدوئكم اطيب وازكى أكلاتي
طريقة عمل ليالي لبنان مقدمة من أم الكابتن...
* 7اكواب من الماء
*معلقة صغيرة مستكة مطحونة ناعمة
*1 كوب سميد
*1كوب ونصف حليب بودرة
الطريقة...
1- ضعي الماء والحليب والسميد والمستكة على نار في وعاء
2- استمري في تحريك الخليط وكلما اقترب من الغليان كلما غلظ قوامه
3- لا تتركي الخليط بينما تحركيه والا ظهرت لكي كتل صعب ازالتها وشكلها مو حلو عالصينية
4- اسكبي الخليط بعد الغليان في صينية مستطيلة واتركيها تبرد
5- اخفقي علبتان من القيمر أو القشطة ووزعيها على وجه الخليط السابق
6- رشي الفستق الحلبي عليها وضعيها بالبراد
7- بعد ساعة اخرجيها وقطعيها بشكل مربع أو معيني وضعي القطر أو الشيرة عليها وصحتين وعافية
ملاحظة.
انا عندي بالبيت بحب كتير ألون القطر والطريقة سهلة جدا بتجيبي الصبغات الصناعية بطعم الفانيلا مو بطعم تاني عشان ما يغطي على طعم المستكة وهيك بصير عندك احلى ليالي مع لبنان ومعكم..
صاحبتكن
أم الكابتن..
الروابط المفضلة