●•°حلى متميز°•● كعكة الشوكولاته الساخنه اللذيذه والمميزه .... بالخطوات المصوره طبعا
السلام عليكم
هاي اول مشاركه الي بمنتدى لك الغالي ومع الاخوات الغاليات بتمنى يعجبكن اول حلى بعملوا
اليوم رح احطلكن طريقه كعكة الشوكولاته الساخنه وان شاء الله تعجبكن وتطبقنها
رح نبدأ بسم الله الرحمن الرحيم
المقادير
4 بيض
كوب سكر
كوب طحين
علبة زبادي
كوب كاكاو بودره
كوب زيت نباتي
ملعقتين صغار فانيلا
ملعقتين كبار باكنج باودر
ملعقتين كبار سكر فانيلا ( اذا مش موجود ممكن الاستغناء عنه)
الصوص
كوب كريمة خفق ( ويبينج كريم)
200 غرام شوكولاته اسود مر (للطبخ)
الطريقه
يخفق البيض مع السكر حتى يشتد ويصبح قوامه كريمي
ومن بعدها نضيف الطحين ونخفق حتى يمتزج مع المواد جيدا ونضيف علبة الزبادي
ومن ثم نضيف الكاكاو ونخفق ومن بعدها الزيت النباتي ونخفق ومن بعدها الفانيلا والباكنج باودر ونستمر بالخفق حتى تتجانس المكونات
ونصبها في صينيه مدهونه بالزيت ومندخلها الفرن بدرجة حراره 180 لحد ما تنضج
وبعد ما نطلعها منبدا بعمل الصوص وهوي انو نحط 200 غرام الشوكولاه مع كريمة الخفق على نار هاديه لحد ما يدوب الشوكولاه ويتجانس الخليط
وبعد ما تبرد الكعكه منقطها ومنصب عليها الصوص وهوي بارد ونزينها بجوز الهند
ملاحظه : كمية الكعكه كانت صغيره عشان هيك انا ضفت كمان 2 كوب طحين وعلبة زبادي عشان تنفش معاي والكميه تكون اكبر
ان شاء الله تكون الكيكه اعجبتكن وحقوق الطبع محفوظه عند فلسطينيه 88
مع السلامه
رد مع الاستدلال
الروابط المفضلة