السلام عليكم بنات

جايبة الكو اليوم تشييز كيك مفتخرة وزابطة ولزيزة زي الي برة
اخدتها من اختي الاغلية mahmouds angel
فقلت انزلها موضوع بالمنتدى

المقادير

1-بسكوت دايجستف او اي بسكوت عادي مفتفت ومحطوط عليه زبدة ومعلقة عسل في الوعاء تبع التشييز كيك وبتحطي في الفرن شوي

2-اما الطبقة الفوقانية ::: 250جم لبنة + 2.5ملعقة زبادي + كيس كريمة + 6 مثلثات جبنة (انا استعملت 6مربعات جبنة كيري لانها ازبط للتشيز كيك وزودت )

+ 100مللي حليب سائل + اقل من نص كوب سكر + 2 بيضة + فانيليا ...

بتخلطي الكل عالخلاط وبتحطي فوق البسكوت وبتحطيه عالفرن عنار هااااادية لغاية متجمد قوامها وممكن تستدلي عالموضوع بانك تغرسي عود خشب جواها ان طلع نظيف معناتو خلص استوت

بتطلعيها من الفرن وبعد متبرد عالاخر بتحطيها بالتلاجة عاعلى رف عشان تتماسك كتييييير

والطبقة الفوقانية عبارة عن صوص التشييز كيك الجاهز ...

بس انا ماكان عندي والسوبر ماركت بعيد الي ممكن اشتري منو

فعملت التالي ::: جبت جلي فراولة ودوبتو بمية سخنة وحطيت عليه اكم معلقة مربى فراولة من الي فيه قطع وخلطتو منيح وحطيتو عالوش

صار قال يعني فيه قطع فراولة ...

بس صدقا طلع زاكي وزبطت تمام

بعدين صبيتو عالتشييز المتلج البارد جدا انا كنت تاركاه من بالليل لتاني يوم الظهر يعني جمد مزبوووط

وهي الصور لعيونكو الحلوة ...

قبل ادخالها الفرن :::




بعد مطلعت من الفرن ، والخربشة الي عالوش هاي صراحة كحتة باصبعي كنت متشوقة كتير اشوف طعم التشييز زي الي برة او لا



وهي شكلها بعد محطيت طبقة الجلي والفراولة المخترعة :::




وهي القطع الي قطعتها للتقديم

والدنيا كانت ليل وكنت خايفة الصور تطلع معتمة شوي فصوت كزا صورة وكرمال عيون تكرم مرج عيون ...الفتافيتا لي فوق هاي من البسكون بالغلط وانا بقطع اجت اه يعني مش تفكرو اني زيتنها

بفستق حلبي ولاشي










اتمنى تكون عجبتكو وصحة والف هنا عقلوبكو يارب

جربوها ماراح تندمو زاكية كتير عنجد زي الي برة

يسلموووووو سوسو

ماشاء الله عليكي كتير حلو وباين شهي يعطيك الصحة اختي

روووووووووووووووعه
تسلمممممممممم يدددددددددددج

يسلمو فعلا شكلها شهية وتسلم دياتك وديات انجولة

سوسو مشاءالله كتير طيب شكلها

بس لي مو مسوياها خميله شوي لما تكون سميكه اطيب طبقه الجبنه
بس بصراحه شكلها طيب

يا عم عالإبداعات الملطوشة
بس تسلم ايدك شكلها زاكية كتير
بس زي ما قالت طيف المفروض خملتي طبقة التشيز شوي

تسلم ايديك سوسو شكلها بشهي
صحة وعافية على قلبمبكم يا جميل .

ميرسي بنات عالردود الحلوة

طيف وانجل حبيبتي هية دسمة كانت وامبارح حسيت حالي مش قادرة اتحرك من كتر مشبعتني
بس معك حق انا حتى لاحظت انو التشييز رفيعة شوي
بس هيك المقاديروماكنت عارفة حتطلع هيك
المرة الجاي بضاعف الكمبة او بصغر البايركس للي اصغر منو

ام ليانة تسلمي ياعسل

تسلم ايديكِ حبيبتي سوسو
على التشيز كيك اللذيذه
وتسلم ايد انجل