قبل امبارح انا كنت نايمة يابنات وفجاة مش عارفة من وين طلع عبالي اعمل حلو من تأليفي

وقعدت اتصور المقادير من هون وهون وطلعت تأليفة مزبطة


جبت المكونات التالية :::نسكافيه - حبة مانجو - تانج بطعم المانجو- شوكلاتة جالاكسي سادة - كاكاو - سوس رول - حبتين جبنة كيري -حليب سائل - حليب بودرة - ظرفين كريمة - علبة قشطة - حليب مكثف
كيس جلي النكهة الي عمزاجك :::



المهم هلأ انا شو المكونات تعت الكريمة ::: اول شي انا بالاول كنت حاطة شغلات بمقادير حسب تأليفي بعدين زدت عليهم لغاية مازبط الوضع والي هما :::علبة قشطة + 5 ملاعق حليب مكثف
+ حبتين جبنة كيري + كيسين الكريمة + نص فنجان حليب سائل + 5 ملاعق حليب بودرة حطيتهم عالغلاط لغاية ماصار لزجين زي الكريمة وهي شكلها وطعمها مممممم :::



هلأ قسمي الكريمة 3 اقسام وسيبي شوي عجنب للتزيين وهلأ حيصير عندك تلات اطعام اول شي بتضيعي للطبق الاول كاكاو و بتقطعي لوح الشوكلاتة مربعات وبتخلطيهم سوا وهي شكلها:::



بعدين بتجيبي الصحن التاني بتخلطي معاه مسحوق تانج وبتقطعي المانجو قطع صغيرة وبتحطي معههم وصار عنا نكهة مانجو :::



وبعدين الصحن الاخير بتحطي فيه نسكافيه وبتخلطي منيح وصار عنا نكهة نسكافيه :::



وهلأ جبت صحنين في كل واحد منهم عمل التالي اول شي حطيت طبقة من السويس رول بعد مقطعتو شرايح :::



بعدين جبت حطيت طبقة شوكلاتة وفوقيها طبقة مانجو وهي الشكل :::



بعدين حطيت كمان طبقة سويس رول :::



بعدين كمان طبقة نسكافيه :::


بعدين بتجيبي الجيلي وبتعمليه بالطريقة المعتادة وبتحطي فوق اخر طبقة ، في نقطة يا بنات انا ماخليت الطبق كتير بالتلاجة يعني القصد ماتتلجت الطبقة الخارجية كتي لهيك لما حطيت الجلي وهوة سائل

راح فات جوة الطبق ودخل جوة باقي الطبقات يعني ماعمل طبقة مستقل لحالي ، اناكنت بدي يكون طبقة لحال بس عموما اعتقد انو هيك برضو بيعطي رطوبة للطبقات الي جوة وبصير هيك
الز و انو طري كتير ...اعتقد لو خليتو يجمد ويتتلج كان مافات الجلي لتحت او انا يمكن الطبقات مش كتير سميكة بالتالي في فراغات عموما هي الشكل الي طلع معي :::


وزينتو بالكريمة :::





وكمان هي طبق جلي من الي زاد لانو مش كلو استعملتو :::



ملاحظة ::: هية دسمة كتير بس لزيزة الكريمة كتير
طبعا ممكن تألفو اطعام تانية

عموما انا والله امبارح عملتها لكن للان مااكلناها انا وزوجي لانو تعشينا متاخر
يعني مش عارفة طعمها لسة
بس اعتقد انو زاكية كتير حتطلع مبين عليها من المقادير والطريقة صح؟؟؟

تسلم ايدك عليها
فعلا شكلها طيبه كثير
بس الصور كثير كبيره ياقمر حاولي تصغيرها شويه

تسلم اديكي وبما اني اول وحده بترد بيطلعلي قطعه

والله مش عارفة كيف
بس اتمنى المشرفات يصغروها
ويارب اخد تميز بستاهل صح؟
مخترعة انا

نجمة المساء اتفضلي كل الصحن لعيونك

شكرا على الوصفة دى
بس عايزة اعرف ازاى عملتى الصورة الاولانية الفيها كل المقادير
ولا صدفة طلعت المقادير كلها اللى فى دماغك موجودة فى صورة واحدة

اهلا
كيف يعني كيف عملت الصورة؟؟؟
المقادير هاي انا الي مصوراها يعني هاي صور من مطبخي انا الي عملت الصورة
حطيت كل شي وصورتو متل ماصورت باقي الخطوات
ااااه ولاانت مفكرة اني غاشة الوصفة من منتدى تاني؟
!!!!
لاوالله انا الي عاملاهم عادي يعني عندي جوال كاميرا صورت المقادير وين الغريب
شرفتي بالموضوع

لالا مش قصدى اختى بس انا كنت مستغربة
دلوقتى خلاص فهمت
تسلم ايدك ان شاء اللة تطلع جميلة
وبالهنا والشفا وابقي قوليلنا الاخبار

تسلم ايديكِ سوسو
مبين عليه اختراع لذيذ
ويستاهل التميز

شكرا جزيلا