السلام عليكم ورحمة الله وبركاته..

إن شاء الله يوم الجمعة نحن معزومين على رأس الخيمة على الغداء وأنا في دبي ( قصة حياتي) , أبغي أسوي حلاوة تتحمل مسافة الطريق وحر الظهر بس غير الكيك, لإن إن شاء بنسوي كيك بس أبغي شي ثاني..يعني ما تحتاج إلى ثلاجة ..


في إنتظار إقتراحاتكم

هلا بيك أحب زايد
انشالله بتنبسطو بالعزومة
خذي هذا الرابط زانشالله يعجبك الحلو

http://www.lakii.com/vb/showthread.php?t=261168

هي البسبوسة أكلة فيها قطر وهو الشي اللي يظل بدون ثلاجة لو يومين وهذا رابط لكل انواع البسبوسة من هالمنتدى تفضلي:

http://www.lakii.com/vb/showthread.php?t=113162

بس يا أحب زايد الرابط الاول في بسبوسة بالقشدة ويمكن ما يزبطمع الحر بس اذا حطيتيها بالسيارة من الداخل بتزبط

حبيبتي حلاوه الطحين ما تحتاج الى الثلاجه خليها يومين او اكثر ما عليها شي اذا تحبين اكتبلج المقادير ادللي

هلا ام زايد
فيه حلويات بسيطة بس شكلها روعه وطعمها ولاتحتاج براد
(حلى مسترلز و تويكس) اعملي عجينة (2 باكيت بسكويت مطحون وعلبة نستلة مع اصبع زبدة ) واعجنيها تمام ثم خذي كرة من العجينة واحشيها بحبات شوكولاته مسترلز على شكل كرة وضعيها في ورق بلاستيك صف مثلا واذا تحبين صبي عليها صوص شوكولاته هيرشي بسيط على كل حبة مثل النقط
والصف الثاني خذي من العجينة واحشيها حبة تويكس ثم برديها شوي بعدين قطعيها سويس رول ورصيها في الاوراق البلاستيك ويصير عندك طبق حلو و مرتب مرة

كل الشكر وتقدير لـ أم صائب um feras وstarlight

كل الأفكار حلوووة ..وأختي starlight ممكن طريقة حلاوة الطحين..

فعلا حلاوة الطحين تقاوم وممكن تشوفي طريقتي في حلاوة الحليب نفس الفكرة

لكن لا تخلي مبروش النستلة عليها حتى ما يذوب ممن تستبدليه بالمكسرات للتزيين