السلام عليكم ورحمة الله وبركاته
جايبه لكم حلى جديد جدا جدا وهذي صورته
إذا عجبكم اعطيكم الطريقة بس انتم قولو لي
هههه ....... ما احب هذي الحركة
المقادير:
اصبع ونصف زبده غير مملح
8 شوكولاته جالكسي سادة
1ونصف كؤوس دقيق ابيض متعدد الأغراض
1/3 كأس سكر واذا ما كنتي تحبي الحلى حطي ربع بس
1/2 ملعقه الشاي ملح
2 ونصف كؤوس حليب كامل الدسم درجة حرارة الغرفة
6 بيضات درجة حرارة الغرفة
1 ملعقه طعام فانيلا
والطريقة:
اخلطي الدقيق والسكر والملح مع بعض
في وعاء اخر اخفقي البيض والحليب والفانيلا
ثم ابدأي بإضافة الدقيق والسكر والملح بالتدريج مع التحريك بشكل دائري
والآن ذوبي الزبدة على النار
ثم اضيفي لها الشوكولاته
ثم اضيفي هذا الخليط على خليط البيض والدقيق
هاتي مقلاة وادهنيها بالزبدة
ولما تسخن صبي من الخليط دوائر بالحجم اللي تحبيه لحد ما تتماسك وما تاخذ وقت طويل مثل القطايف
ولما تخلصي كل الكمية اتركيها في الثلاجة عشان تبرد واعملي لك في الخلاط خليط ( 6 حبات جبن كيري + علبة قشطة + 2 باكيت دريم ويب + علبة لبنة بنيار الحجم الصغير + نصف كأس عصير اناناس ) او اي خليط على كيفك
وتبدأين تطبقينها على بعض طبقات مثل الصورة
وهذا هو الشكل النهائي
ايش بقى ؟؟؟؟
بقى طريقة التزيين .... طبعا الشوكولاته السائلة ما تحتاج شرح شوكولاته جالكسي مذوبة مع قليل من الزبدة عشان تعطيها لمعة .... اما هذي الدوائر اللي فوق فحكايتها حكاية وهي كالتالي:
هاتي لك بندق واغرسيه في اعواد مثل الصورة
واعملي شيرة ربع كوب ماء وع كوب سكر واتركيه يغلي لحد ما يتحول لونه للون البني يعني مثل الحلاوة تبع نتف الشعر وانتم بكرامة بس تكون اخف شوي
وبعدين اغرسي فيها حبات البندق واتركيها على طرف رف المطبخ عشان تسيح الشيرة وتكون شكل الخط مثل الصورة
واخيرا بعد ما تتماسك فكيها من العود وحطيها فوق الخلى
وبالهناء والعافية
الروابط المفضلة