بتعرفو ياجماعة انا كتير مستغربة من تصرفات اعضاء المنتدى اللي كل وين ووين لما واحدة تكلف نفسها تكتب كلمتين مش ياخدو منها دقيقتين
عشان ترد على موضوع صاحبته نزلته عشان يستفيدو منو
السؤال اللي بيطرح نفسه لماااااااذا
كل هدا كسل عيب يا جماعة انا بكتب بواسطة مفاتيح عربية بالماوس واذا غلطت غلطة في الكتابة لازم اعيدها من اول يعني بكتب بغاية الصعوبة ومع ذلك لما اقرأ او اجرب شغلة من المنتدى وتزبط لازم ارد عصاحبة الوصفة وبشكرها مش بفرح عحالي اني زبطتها وبانسى السبب
وبعدين كل واحدة بتحط وصفة لازم تجي غيرها تضعنفس الوصفة في نفس اليوم يا إما تكتب شغلة مضادة لزميلاتها لازم يكون في نضوج اكتر من هيك
يعني ممكن اية واحد يدخل موضوع يرد ولو بكلمتين ياستي تعبانة والكلمتين حيكسرو ضهرك ردي بكلمة شكرا بس مش حتاخد 10 دقايق
عارفين اناقبل هيك كنت متضايقة اني في غربة واني بعيدة عن اهلي وبلدي بس لما شفت الحال هيك في المنتدى خلتوني افرح اني بعيدة لأنكو طبعا مش كلكو بس جزء كبير من البنات زكروني بالروح الانهزامية للعرب اللي انا منهم
وقلت لنفسي ليش ارجع خليني عند ناس عارفين قيمتهم كبشر
ومع ذلك انا متأكدة اني بكرة ان شاء الله لما ادخل المنتدى وافت على هدا الموضوع حلاقي الدخول يمكن 50 والردود 2 او3
انا اول ما اشتركت في هدا المنتدى كنت اكتب باحرف انجليزية ولما اكتشفت لوحة المفاتيح الربية صرت استخدمها مع انها صعبة وكنت ارد بس من غير تنزيل مواضيع والسبب الوحيد اللي خلاني افكر انزل مواضيع هو اني استفدت في اشياء كتير من هدا النتدى فقلت زي مااستفدت افيد
عالعموم شكرا انكو اتحملتوني والسماح منكم رمضان كريم
رد مع الاستدلال
الروابط المفضلة