"شعارالحلى المتميز"زنود الست مصورة من مطبخي واكيد خطوة خطوة
السلام عليكم ورحمة الله وبركاته
بسم الله الرحمن الرحيم
مساء الخير يا بنات كيفكم كلكم وحدة وحدة
اليوم راح قدملكم زنود الست وبصراحة طلعوا معي بجننو
وانشاء الله تعجبكم
المقادير
باكيت من عجينة زنود الست الجاهزة
مقادير الحشوة
6 ملاعق حليب انا سويتها مع حليب بودرة
3 كبايات ماء
3 ملاعق سكر
3 ملاعق نشا
ملعقة طحين
واذا احببت ملعقة صغيرة من ماء الورد او الزهر
طريقة تحضيرها:
نضع جميع المواد في طنجرة على النار ونحرك جيدا حتى لا يتكتل الخليط ونفضل نحرك لحتى يجمد الخليط ونسكبه في صحن لحتى يبرد
وهاي صورة الحشوة
والقطر:
انا حطيت 3 كاسات سكر كاستين ماء رشة ليمون حامض تركتهم يغلو لحتى يتشكل القطر وكمان اذا جبيتي تحطي ماء ورد او ماء زهر انا عملتو خفيف
اما هلق بننتقل لعمل زنود الست
اول شي بنجيب العجيينة وهي بتكون طبقتين انا فتحتها وهي مقسمة بالطول لاربعة اقسام قطعت كل وحدة على حدة
وبالفرشاة بنحط على العجينة زبدة او سمنة سائلة بهلالشكل هيدا بدها تكون
وبعدين بنحط ملقعة من الحشوة
وبعدين بنسكرها بهل الشكل هاد
وبعدين بنفلها على طول الورقة ممكن انك تحطي ثلاث طبقات بدل طبقتين كل ما كان عليها ورق كل ما كانت اطيب
انا لفيتهم كلهم وحطيتهم بالصينية بعدين حميت ازيت منيح وحطيتهم لازم تضلي منتبهة عليهم وهن على النار لانو فورا بتحمر
وبس طلعيهم من الزيت بتحطيهم فورا بالقطر
وبعدين انا بحطهم بالمصفاةمنشان يتصفو من القطر
تابعوني
رد مع الاستدلال
.
كتبت بواسطة shahdmylife
الروابط المفضلة