+*+ حلويات من صنع جروح وبالصور لايفوتكم +*+
السلام عليكم ورحمة الله وبركاته
انا عضوة جديدة معاكم وحبيت أشارككم ببعض من أطباقي واتمنى تنال على رضاكم
الطريقة ( 1 )
المقادير :
ورق سمبوسه باكيت كامل - جبن لحشو السمبوسة (كرفت الجامد أو أي نوع ثاني ) - زيت للقلي - دبس
طحين مع ماء للزق السمبوسة .
الطريقة :
نقسم ورق السمبوسة إلي قسمين طوليا . ثم نلف السمبوسة
بالجبنة إلي ينتهي المقدار .
نضع زيت في قدر عميق ونقلية علي نار هادئة حتي يصير لونه ذهبيا
ثم نضعة في صحن التقديم ونصب عليه دبس ونحركة جيدا
وهذه النتيجة .. وبالعافية *_*
الطريقة (2 )
المقادير : عجينة السبرينغ رول الجاهزة تجدينها في السوبر ماركت والجمعيات
عسل - لوز مقطع
حشوة المكسرات : زبيب - لوز مقطع صغيرا ( بيذام ) - سكر - قليل من الجرفة
هال مطحون - زعفران
في حركتين تقدرين تعملينها حركة الفيونكة أو الوردة
تحضرين ورقة العجينة وتقطعينها اطوالا للف الوردة
وتحضرين ورقة ثانية وتلمينها وتضعين عليها قطعة صغيرة من العجينة
وتلفينها وتلصقينها بطحين وماء مخلوط
أن شاء الله فهموتها *_^
والتشكيلة الثانية الي بالمكسرات
نخلط خلطة المكسرات جيدا
ونحضر ورقة من العجين الجاهز ونلفه علي شكل صرة
ونضع عليه شريط من العجينة مقطع سابقا ونلصقة بالماء والطحين المخلوط
ويقلي في قدر عميق علي نار هادية
الي ان يكون لونه ذهبيا
ويرش بالعسل واللوز المفروم
ويقدم بالعافية *_^
أدعو لي عاد مب تنسوني هههههه
والطرق سهلة وايد ويمكن شرحي إتشوفونه صعب بس أي سؤال أو أستفسار
أنا حاضرة *_^
أختكم /جروح القلب
الروابط المفضلة