السلام عليكم يا بنات
عارفه اني والله مقصرة معاكم ولانزلت من فترة شيء جديد
وعلشان كمان عيون الغاليه طيوفــــــــــــه
جبت لكم حلى (بس لايكون احد كتبه من قبل عاد وجهي يطيح....بس انشاء الله انتم تلقطونه لي)
الحلــــــــــــــــــــــى اسمه (حلى الهلل)وانا سميته (حلـــــــىالهبل)(وحده فاضيه تسمي)
الطبقـــــــه الاولـــــــــــــى
نحط في الخلاط(5بيضات+كاس سكر خشن+كاس حليب محمص+نصف كاس زيت+
ملعقه بكنج باودر+شوي نسكافيه)بعد الخلط نحطه في صينيه تيفال وندخلها الفرن من تحت وبعدين من فوق
الطبقـــــــه الثانــــــــــــه
نحط في الخلاط(فنجال سكر خشن+وفنجال حليب سائل+7حبات جبن كيري)نخلطها لحد مايدخون قصدي يتجانسون
ونحطها على الطبقه الاولى وندخل الصينيه مرة ثانيه بس في حرارة الفرن(يعني مانولع الفرن)لحد مايتماسك
الطبــــــــقه الثالثـــــــــــــــــه
نحط في قدر على النار(ثلاثه ارباع الكاس مويه+ملعقتين كبيرة كاكاو بودرة+3ملاعق كبيرة حليب بودرة+
ظرف كريم كرميل)نحركها مع بعض حتى الغليان وبعدين نصبه برفق(تراني رقيقه) يعني بشويش لاتخربون الحلى
على الطبقه الثانيه وبعدين بعد الحوسه هذي كلها ندخلها الثلاجه حتى تبرد
ولما تجون تقدمونها تقطعون الحلى بقمع دائري(اللي ماعندها تصرف عمرها تروح تشحذ من الجيران
ولا تاخذ فنجال شاي(مساكين فناجيل الشاي )
ليه علشان تحصلون على قطع دائريه وتحطونها في ورق التقديم
وسلامتكم
اقول طيوفه وانتم يا بنات عندي حلى با الاناس تبون اكتبه بس تراة ملطوش بس مجرب
الظاهر كل حلوياتي ملطوشه
يالله الله معكم
الروابط المفضلة