اليوم جبتلكم معي حلى أصابع زينب على طريقة الشيف أسامه السيد وأن شاء الله تعجبكم .

المقادير:

-ثلاثة وثلاثة ارباع الكوب من الطحين
-كوب وربع سميد
-كوب واحد من الزيت
-2 ملعقة صغيرة يانسون مطحون
-رشة خميرة صغيرة
-كوب وثلاثة ارباع ماء تقريبا او حسب حاجة العجينة .


الطريقة:

- يخلط جميع المقادير الناشفة مع بعضها البعض ثم يضاف
كوب الزيت ويخلط مرة اخرى باستعمال اليد بطريقة الفرك.

- ثم يضاف الماء ويعجن ويترك حتى يرتاح ومن ثم يقطع
لقطع صغيرة وعلى شبك ( معدني او بلاستيك ) يشكل
بطريقة اللف ويقلي بزيت حار ويوضع فوق قطر بارد ويصف
بطبق التقديم ويزين بالفستق الحلبي

وصحتين وعافيه

يا حرام
وتقعد زينب من غير اصابع

يسلموا هذه اولادي بيحبوها وجاراتي بيطلبوها كثير
بس شخصيا ما بحبها ...
بس حبيت اضيف اني بلفها على المبشرة اسهل واسرع

سملت يداك
وكل الشكر

حتى أنا وعودة بلفها على المبشرة

وبعدين وعودة حرام زينب تظل بلا أصابع نسيتي إن بنتي اسمها هيك

وشكرا حبيبتي لوز على هالتعب

الله لا يحرمنا من مجايبك

يا بنات شوي شوي علي شو يعني بتلفيها عالمبشره هي مش شكلها مثل الاصبع يعني فارغه من الوسط ؟؟؟؟؟؟؟؟؟اي مبشره تقصدون ..............مش ممكن نلفها عالاصبع

وعود :-

وايديكي ان شاء الله

شو هالحكي هيه زينب طلعت بدون أصابع

اكيد بيحبوها الأولاد والجيران مش من ايدين وعود .

لبلبه :-

في البدايه بشكرك على مرورك وبحب أحكيلك الله يخليلك بنتك

والله ما يحرمني منك

أختي الفتاة الطويلة :-

أشكرك على مرورك

بالنسبه للف الأصابع انتي بعد ما تعجني العجنه وتخمر بتكوريها الى كور وبعدين بتمديها وبتمرريها على المبشره فبتاخد الشكل وبتنلف تلقائيا مع التمرير على بعضها البعض ومن الوسط بتمها فارغه .

أرجو أنك فهمتي على شرحي وأي خدمه أنا جاهزه .

لبلب... حقك علي يا قمر
وتحياتي لزينب
قولي لها ما تخاف
خالتو وعود بتحب اصابيع البوبو يا خيار.

تسلمي يا لوز على الطريقة الحلوة و باذن الله بجربها

لنوشه :-

الله يسلمــــــك يـــا رب

أنا بنتظـــر تجربتك

وبالعافيه مقدما .