السلام عليكم يا بنات طمنوني انشاء الله كلكم بخير ترى والله اني احبكم
وجبت لكم حلى والله من مقاديرة يجنن خلاص اترككم مع الحلى بس امانه يا بنات انكم تجربونه
والله انكم بتعيدون الكرة الف مرة من حلاته(يوة علي طولتها وهي قصيرة)
المقادير
كيك امريكانا بالكاكاو مقطع دوائر ونحطه في صينيه التشيز كيكفي القاعدة وعلى الجوانب
بعدين نحط في الخلاط علبتين قشطه و2 بكت دريم ويب و2 بكت كريم كراميل البودرة وجبن كيري 6 حبات
اذا خلصت نصبها على الكيك ونحطها على طول في الفريز
وناخذ 8 حبات مارس او سنكرس مع ربع اصبع زبده ونص كاس حليب بودرة وكاس جبن بوك الصغير
ونحطها على النار او حمام مائي والافضل ترى المائي ونحركها كلها سوى لحد ما تتجانس بعدين نخليه يبرد شوي
ونطلع الكيك من الفريز ونحط خلطه الكاكاو عليها وندخلها الثلاجه ونتركها لحد ما تبرد ونزينها با الفليك الابيض
وتقطع مثلثات ونقدم معها القهوة
والله يا بنات انها تجنن واذا تبون تاكلونها في العصر او بعد العشاء صلحوها الصباح بنات لا تفوتكم والله العظيم انها حلوة وشكلها فخم
واذا مو مصدقين خلو وحدة تصلحها وتصورها لكم (طرارة وتتشرط )
ويالله با العافيه عليكم
منقول من موقع حواء
الروابط المفضلة