شلونكم بنات لك ... عساكم بخير ,,, و بعد :
الصراحة احترت وين أحط هالفكرة ... و قلت مالها الا قسم المطبخ مع انها مووووو طبخة ...

المهم ... مبارك عليكم الشهر مقدماً ... ما بقى على رمضان الا جم يوم ... و كلنا نعرف الربكة اللي تصير بالمطبخ ... خصوصاً للزوجات و الأمهات العاملات ... و شلون و للأسف التفكير في مائدة الفطور يلهي القلب و العقل عن العبادة !! و هذا باعتقادي من فتن الزمان ... لا حول و لا قوة الا بالله ...

عاد أوخيتكم الدار ضوت براسها فكرة ... تفكها و تفككم من التفكير كل يوم شراح نسوي على الفطور أو السحور ... أو اليوم زوجي عازم رجاجيل على الغبقة و مادري شسوي لهم ؟؟!! أو راح أتفطر اليوم عند حمولتي ... شنو آخذ لهم وياي ؟؟!!

الفكرة يا حبايب قلبي انكم تسوون منيو لثلاثين يوم ... شنو الأشياء اللي راح تسوينها .. طبق رئيسي .. شوربة ... سلطة ... حلو ... بالإضافة للمقالي و الكبب و الأطباق الجانبية ...

و تسويين منيو أو أثنين للطوارئ ... مثل اذا صار عندج عزيمة على الفطور ... أو السحور ...

و منيو أو أثنين أو ثلاثة ... للأطباق اللي بتسوينها و تاخذينها معاج اذا بتفطرين عند أهلج أو حمولتج ...

و تسوين يالغالية قاااائمة طويلتن عريضة للأشياء اللي ممكن تشترينها من الحين و تفكج من زحمة الجمعيات برمضان ... مثل : البسكوت اللي تستخدمينه للحلو / صدور الدجاج للصواني ( و ياااكثر ما نستخدمه بطبخات رمضان ) / الكريما الحمرة (يااااكثر ما ندورها و نلقاها مخلصة !! ) / التوست ( ترى ممكن يتفرزن حاله حال الخبز ..) / البف باستري / الخضار المشكلة المجمدة / اللحم المفروم /المشروم / الدريم ويب ... و الأشياء الأخرى اللي حطيتهم في المنيو بتاعك و ممكن انج تخزنينهم ...
و خلي روحتج للجمعية للأشياء اللي تحتاجينها طازجة مثل الخضراوات و منتجات الحليب ...

و باعتقادي يالغاليين ان هالطريقة راح تفكج من الحيرة و دوخة الراس ... و تخليج تفرغين مخج و تفكيرج في العبادة و قراءة القرآن و الذكر ...


هذا اللي عندي يا أحلى بنات لك... و أتمنى ان فكرتي تكون عاجبتكم ...


تقبلوا تحياتي وتقديري لكم

م
ن
ق
و
ل
ه

شكراً لك عزيزتي

على الإقتراح وان كان منقول

نحن في حالة ترتيب امور ستسركم ان شاء الله

اقتراح جيد يا أم شجون
أحاسيس ننتظرك

الله يعطيك العافيه يأم شجون
وتسلمين على اقتراحاتك