المقادير:
4 بيضات
ملعقة فانيليا
كاسة سكر
6 علب جبنة فيلالفيا وممكن كيري
نبدأ الطريقة
نحط البيض مع الفانيليا في الخلاط ونخفق ونخفق ونخفق كلما زاد الخفق كلما نفش الشيز كيك لين يصير لونه أبيض
نحط السكر وبنفس الطريقة
وبعد كده نحط الجبنة خلاص ........................
جهزتي الصينية (أحسن صينية بايركس )
فيه بسكوت ينباع في السوق عبارة عن شرايح بسكوت مغلفة بالقرفة والسكر (صناعة أميركية أو كندية )
اذا ما لقيتي ممكن تطحني البسكوت وترشي فوقه السكر والقرفة
طبعا نعجنه بالزبدة
ونرصه في الصينية
نحطه في الفرن على 350 لين تشوفيه شوية شقر
وبعدين تحطي فوقه خلطة التشيز كيك وفي الفرن كمان ل45 دقيقة
لين ينفش زي الكيك وتغرسي بعود الاسنان عشان تشوفي اذا استوى ولا لأ
بعد ما يبرد ان صراحة اذا كان عندي ضيوف اجيب صوص التشيز كيك فيه بالفروالة أو التوت واحطه من الفوق
اذا كان انا وأبو العيال مربى فروالة
وبصحة وعافية
دعواتكم انه ربنا يسهل ولادتي ويقر عيني بشوفة ست الحبابيب
الروابط المفضلة