كيفكم يا غوالي عساكم بخير
اليوم يا حلوات اعملت زياره مع اخت غاليه من البيت الفلسطيني اسمها ام مالك وعمر
ويا حرزكم وين رحنا زياره ؟؟؟
رحنا عند ست الكل وسيدة مطبخ لك الغاليه تغريد2007 أم انس
الزياره كانت بتجنن روووعه
والي حابه تعرف تفاصل الزياره تتفضل تشرفنها بالبيت الفلسطيني
هلأ نيجي لكيكة القرع بصراحه راائعه وجدا مميزه
اتفضلوا من ايد سروجتي
قدمتها الغاليه ام انس ضمن ضيافه طويله وعريضه ماشاء الله عليها
وعجبتني جدا جدا وفعلا ما كذبت خبر ورحت جبت قرعه كبيررررررررررررررررره بس رجعت البيت
شو كبيره بدها كتيبه ليخلصوها ههههههههههههه
والي شجعني اكتر انه أولادي بس شافوا القرع الكبيره كتير فرحوا وجلسوا ينظروا علي وانا اقشرها واقطعها
وهمه متشوقين جدا يعين لو سيرك مو هيك رح يجلسوا ويستنوا هالقرعه شو بده يطلع منها خخخخخخخخخخخخخخ
وهناتجدون وصفة ام انس ربي يعطيها الصحه يارب
طولت عليكم بالكلام واتركم مع تطبيقي وأضافه ضغيره مني
قطعتها وغلفتها بقصدير وادخلتها الفرن لتستوي
لونها كتير حلو بس سبحان الله بعد الخبز بغمق اللون
تركتها على شبك تبرد
وهلأ نيجي لاضافتي الصغيره
جبت كوب من القرع بعد شيه وهرسه جيدا
وضعته على النار في وعاء مه تلت كوب سكر وملعقة قرفه ناعمه وحركتهم حتى الغليان
ثم اضفت ملعقة طعام نشا مع ربع كوب ماء بارد حركتهم جيدا وسكبتهم على القرع و السك رالي بغلوا
وحركة لدقيقه حتى تماسك الخليط ثم سكبته علىالكيكه وموجته بالمعلقه
وزينتها بالجوز
تركتها تبرد شويه وقدمتها لسنافري بالعافيه قبل ما يناموا وهي لسه دافيه
اتمنى تجربوها اكيد اكيد رح تعجبكم
ام انس كلمة شكرا قليله بحقك يا غاليه
ربي يسعدك ويهنيكي وينجح اولادك يارب
وتشوفيهم بأعلى المراتب
ملاحظه " انا استخدمت زيت بس كاسه وحده حسيت انه كاسه ونص كتير
وزدت القرع ربع كاسه على الكاستين المحددات في المقادير بدل نص كوب الزيت الي رفعته من المقدار"
الروابط المفضلة