أنا دخلت الموضوع المهم جدا دا متأخر بس هاحط رد اكيد عشان اللى عايزة تستفيد للعيد القادم ان شاء الله
وتسلم ايديك على الموضوع التحفة
بالنسبة لى - فى سيدنى - ملابس الولد من تارجت او من Big w والاخير عنده اقطان ممتازة عشان الملابس الداخلية للاطفال لازم قطن كويس
واحيانا mother care ولو انه غالى بس اجيب منه جاكين او هات عجبتنى مثلا
بالنسبة لى طبعا Millers ولو مكنتش فى استراليا كنت قلت دا محل بيع ملابس محجبات
احيانا اجيب من بعض محلات الصينيين فى الاحياء المسلمة بس الجودة مش تمام لكن ميلرز جودة عالية جدا واسعار مش غاليه اوى ( نظرا لان استراليا غالية جدااا لو قارننا بامريكا مثلا )
المشكل الكبيرة اللى كنت واجهتها اول ما جيت هنا ان السكيرتس او الفساتين مالهاش بطانة ومايعرفوش يعنى ايه بطانة هنا فا روحت فصلت واحدة عند واحدة صينية وخليتها منفصلة بحيث تتلبس تحت كل الفساتين ونفعت الحمد لله فا كررتها تانى
اهم نصيحة انصح بيها المحجبات فى استراليا يجرو دلوقتى ( اغسطس - سبتمبر) يشترو البلوزات او الشيرتس القطنية من المحلات لان مع دخول الصيف مش هتلاقى اى حاجة كمها طويل اطول كم هتلاقيه 2/3 كم .. فا دلوقتى انسب وقت لشرا البلوزات
دمتم بخير