اخواتى حبيباتى ....
وحشتونى كتير ووحشنى المنتدى اكتر ...واعترف انى مقصرة فى المشاركات واعترف ايضا انى ألجأ اليه لما بيضيق بيا الحال واحتار فى اى امر من امور الدنيا ... ولكن فى كل مرة اعرض فيها مشكلتى لا اجد غير ردود مرضية ومريحة وفعلا فيها الرأى الصائب

ولذلك عندما احترت فى أمرى فتحت المنتدى فورا عشان أخد رأيكم ويارب يارب اوصل لقرار صحيح
ادخل فى الموضوع ... انا عايشة ف جدة من 9 سنين ودخلت اولادى مدرسة عالمية (وللعلم دى كانت احدى مشكلاتى انى الاقى مدرسة عالمية كويسة فى جدة والحمد لله وبفضل الله ثم فضل بنات المندى وتفاعلهم معايا ربنا وفقنى لمدرسة ممتازة ) المهم وانا مدرسة انجليزى وباشتغل الحمد لله ... ثم يشاء رنا وجوزى يتنقل لشغل فى المدينة المنورة وكان ده بعد بداية العام الدراسى بحوالى شهر ونصف ، وكان صعب انقل الولاد من مدارسهم خصوصا انه كان لسه غير مستقر فى شغله الجديد ... فأستحملت السنة الدراسية انا فى جدة مع الولاد وهو فى المدينة رايح جاى كل اسبوعين .... وعلى اتفاق ان السنة الجديدة هننقل المدينة ................وهنا المشكلة مفيش مدرسة عالمية كويسة فى المدينة ابدااااا .. عارفين طبعا جو المدينة غير جدة فمفيش لزوم للمدارس العالمية الكتير ،، يعنى للدقة هما 3 مدارس وكلهم اسوأ من بعض
ففكرت أنزل مصر ادخل الولاد مدارس عالمية هناك ... ومبررى ان مصيرنا لمصر ...بس خايفة من مصر وجوها الحالى وخايفة من تحمل المسئولية لوحدى وخايفة من البعد عن جوزى ولا قدر الله يحصل جفاء بينى وبينه بين الولاد ... وبرضه خايفة ربنا يعاقبنى انى بأضيع فرصة للعيش بجوار النبي عليه الصلاة والسلام
ولو قعدت فى المدينة ... خايفة اكون ظلمت الولاد بانى هأدخلهم مدرسة سمعت عنها بلاوى مسبقاً ...وخايفة مالاقيش ليا شغل هنا وده أكيد .وخايفة من سنين الغربة اللى بتجرى ولسه الواحد معملش اى حاجة لمستقبله

المهم محتارة ... ارجوكم انصحونى كأنكم بتنصحوا أنفسكم

السلام عليكم
حياكي اللله غاليتي ام يوسف وحمدالله علي رجعتك لنا
بالنسبه لموضوعك استخيري الله وادعي لله ان يفرجها عليكم
من جهتي اختاري الافضل للاولاد
انا ما بعرف شو وضع مصر حاليا انت ادري مني بذلك تقدري تنزلي اجازه الصيف وتشوفي الوضع هناك
وبالنسبه لنقل للمدينه وانت عارفه انه ما في مدارس كويسه للولاد ومستواهم ينزل وامورهم حتتخربط خليكي في المدينه لانه السفر لمصر غربه بينك وبين زوجك واطفالك والسفر زوجك للمدينه وانت بجده كمان غرفه تعتبر وبعد بس علي الاقل ابوهم جنبك تقدري تتفقي معاه اذا بقدر في نهايه الاسبوع او كل 10 ايام
انا بعرف انها صعبه بس عبال ما الله ييسر له شغل اخر بس علي الاقل تقدري تطمئني انه الصغار بمدرسه ممتاره وما في اي شئ تغير علي مستواهم وانت بتشتغلي يعني مع الصغار بتكوني بره البيت وبتروحوا مع بعض من جهتي هذا رايئ وانت شاوري واسالي وتحري واستخري وان شاء الله البنات يساعدوكي اكثر
والله ييسر لك امورك ويفرجها عليك

أبشرى يا غالية
إستخيري إستخيري إستخيري ... والله المستعــــان

اختى ام يوسف
كان الله فى عونك وهداكى الى الخير
طبعا اولا استخيرى وتوكلى على الله

طبعا الحال فى مصر من سىء الى اسوأ واسفه ان اقول لك ذلك ولكنها الحقيقه
طبعا المدارس الدوليه فى مصر ممتازه وكل حاجه لكن المقابل عدم امان ورعب
حتى بعود اطفالك للبيت وانت ايضا وانا شخصيا افعل ذلك
وطبعا اسعار المدارس اصبحت مرعبه لا اعرف اذا كنت تعرفين ام لا
ممكن ترجعى وتقعدى الولاد فى البيت من الرعب من الاجواء المحيطه بيهم
طبعا غربتك بسبب اولادك وتحسين مستواهم فحاولى ان تفعلى ذلك

صدقينى انا بنصحك لوجه الله انا شخصيا لا انام ومنتظره عوده زوجى بفارغ الصب ولكنى لن اقعد فى مصر بدونه

فكما قلت لك الحال من سىء الى اسوا ولا تعتقدى ولا تتعشمى فى احد ان يكون بجوارك فمعك الله الكلام حلو واللسان حلو

لانك بعيده ولكن بعد شهر واحد ستكونى فى غربه داخليه اتمنى لم شملكم حتى لو ان زوجك فى مدينه وانت فى اخرى

لكن عنصر الامان موجود ولو اتصلتى به وانت فى مشكله لقدر الله ستجديه وحتى يتحمل مسؤليه الاولاد معك

وهذا رايي والله يهديك للصالح

مشكورة يا اخت shrwet على نصيحتك الغالية ... بس ما فهمت يعنى انتى فى مصر؟؟ وبأى محافظة وياترى الاجواء مرعبة للدرجة دى انا بقالى سنة ونص منزلتش مصر بس باسمع النناس بتقول الدنيا ماشية عادى ومفيش اى قلق .

عزيزتى ام يوسف انا حاليا اعيش فى الاسكندريه وانا لا اعيش جانب القائد ابراهيم

اعيش فى منطقه راقيه شكلا بعيد عن الاحداث الداميه معى طفلين انا مدرسه لغه انجليزيه وفى اجازه رعايه طفل

ابنى فى مدرسه خاصه لغات kg2 لم يوافق زوجى ان ادخله مدرسه انترناشونال بسبب يعد المدارش وكلها على الطريق خوفا من عدم الامن والامان موجود خطف لاطفال كتير وطلب فديه وهذا حدث اكثر من مره

وللاسف اناس نعرفهم ولو بالسمع خطفوا الاسبوع الماضى بنت فى 3 اعدادى وفى طنطا طفل 6 سنوات

وحالات كثيره ربنا يعافينا انا اذهب اسلم ابنى فى المدرسه واذهب اخذه كل يوم عندما اصل الى المنزل بطفلى اقول الحمد لله انى رجعت يالسلامه بيهم خطفوا من ضابط كان فى الحديقه بابنه ابنه 4 سنوات ولم يرجع حتى الان وهكذا اصبحت مرعوبه من كل الاحوال المجرمين اصبحوا فى الشوارع سواء نعرفهم ام لا

الان حتى عندما تتصلى بالشرطه فلا يرد احد سرقه السيارات بالاكراه على الملا ولا احد ينقذ احد كل واحد نفسى ثم نفسى انا التوكتوك دخل فى العربيه وانا وقفه وجرح السياره وخفت انزل من سيارتى السياره تتعوض لكن الطفل لا يعوض ممكن تقولى انى متشاءمه ولكنى عمرى فى حياتى محسيت بالخوف زى الايام دى

كان الواحد بيخرج فى اى وقت ونرجع الفجر حتى حاليا لالالالالالالالا ولا اطلب حتى دليفرى بعد الساعه 3

انتظر سفرى لانى لم اعد احتمل المسؤليه بمفردى وكما قلت لك كل واحد محتار فى حاله ومشغول بنفسه

مش عاوزه اقولك الاسعار الى كل يوم بتزيد ومن الاسبوع للاسبوع

انا لا اخوفك ولكن ربنا يجمع شملكم كاسره الاطفال مسؤليه ربنا يعنا عليها

تى الكريمه انامن مصر من المنصورة انامش شايفه انم مصرمش حلوه انامغتربه فى النمسا
هى مشكلة مصر الدخول قليله والاسعار غاليه ولكن ليس بالصورة المرعبة بالنسبهه للمدارس الدولى غاليه جدا والخدمه مش قوى بنتى كانت فى الكولدج وكنت بعطى دروس مع المدرسة ثانيا اسمحى لى ماذا تقدم المدارس الدولى اشعر ان الفرق ليس فى المحتوى ولكن فى مظهر المدرسه اشعر وانه تعليم بلا هوية انا بنتى فى النمسا والمناهج تحتاج بردهلحفظ ومذااكره ولكن الكم خفيف عن مصر لو المشكله فى المدرسه ماتفرق كتير يكفى ان انا بنتى بترجع بكم مخالفات ل تصلح لنا كمسلمين ماذا قدمت المدارس الدولى لنا اشعر انهاتنتج شخصيه بعيده عن الله فى فى القاهره مدارس جيده ولكن شوفى مصلحة الاسره ككل ويكفى هتكونى بجوار سيد المحبين والمحبوبين
لسه راجعه من اجازه قصيره لمصر الحال مااااااشى بس شوفى كده الامور وربنا يرزقك الخير

السلام عليكم
اسمحيلى
اقترح عليك تروحى المدنيه وتزورى المدارس شخصيا وبعدها تشوفى وتقارنى
والله يختارك الخير
موفقه

حبيبتي
الله يعينك يارب
استخيري
وبالنسبه للمدينه فيها مدارس الفصحى تعليمهم ممتاز
ومررره حلوه بس غاليه جدا جدا
للاسف
ابحثي عنها واسالي
بالتوفيق

الاخت تم نم ... شكرا ع ردك بس اسالك مدارس الفصحي اظن انها مش عالمية يعني مناهج سعودية

Sent from my HTC One X using منتديات لكي النسائية