السلام عليكم ورحمه الله وبركاته





اليوم سمعت بخبر صعقني وبطلت اعرف افكر










اليوم بعد ما وصلت اولادي علي الجامع تحدثت مع معلمه بنتي عن اخبار عامه وقالت لي ما سمعتي بخبر العيله الفلسطينه التي اخدوا اولادهم
لا حول ولا قوه الابالله



قلت خير شو صار




قالت الولد عمره 6 سنوات ما بعرف شو عامل المهم مغلب ابوه وابوه جاب بعيد عنكم الحفايه وبلش يضرب فيه وبعد ما خلص دخل يتوضي



طبعا الولد راح اتصل علي الشرطه وقلهم القصه وهم بدقيقه كانوا علي البابا وفرجاهم ايده وجسمهم وطبعا لاب كان بصلي ما خلص صلاه الا حواليه الشرطه قبضوا عليه واخذوا الاولاد منه وهذا الولد كان اصغر واحد وبلشوا تحقيق مع الكبار اعتقد اعمارهم 13 وقالوا لا ما بضربونا اهلنا بس هذا اخونا لاصغير كان مغلب اهله






شايفين شو بعلموا الصغار بالمدارس


الله لا يوفقهم
لا وحاطين بالاخبار انه عائله مسلمه انا ما سمعت عن القصه غير اليوم وطلعت عيله فلسطينه
الله يعينهم وان شاء الله الله يردهم لاهلهم
يعني لو امركان او اي مله تانيه كانوا قالوا مرضي او بطلعوا حجه لهم




ديري بالكم علي الصغار صحيح هم بجنينوا بس بلاش الضرب انا بستخدم الصراخ والتهديد اكثر من الضرب علي الصغار

لا حول ولاقوة الابالله
ومن فترة سمعت عن فتاة مصرية مراهقة هنا ببرطانيا
بلغت عن ابوها لان منعها من اصطحاب صديقها للبيت

ربي يستر على بناتنا واولادنا

لا حول ولاقوه الابالله


في وحده عراقيه قبل كم سنه ابنها غرق في البحيره انا سمعت عنها بس ناسيه القصه المهم الشرطه اخذت كل اولادها وهي سافرت علي العراق ودخلت مستشفي الامراض النفسيه
الله لايوفقهم حسبي الله ونعم الوكيل فيهم وفي الافكار البحطوها بعقول اولادنا بالغربه

كتبت بواسطة amani1

لا حول ولاقوه الابالله


في وحده عراقيه قبل كم سنه ابنها غرق في البحيره انا سمعت عنها بس ناسيه القصه المهم الشرطه اخذت كل اولادها وهي سافرت علي العراق ودخلت مستشفي الامراض النفسيه
الله لايوفقهم حسبي الله ونعم الوكيل فيهم وفي الافكار البحطوها بعقول اولادنا بالغربه

طيب هي شو ذنبها الام المسكينة يعني فوق مصيبتها مصيبة؟؟؟
يعني ما هو اولادهمكل يوم والثاني حد مفقود وقبل كم يوم جريمةاطلاق النار بالمدرسة؟؟؟

لا إلاه إلا الله
اولادهم وحرين فيهم ماهذا التصرف البغيظ

كلنا نغضب على اولادنا ونضربهم احيانا ولا نتجاوز حدود الضرب طبعا

لكن توصل للشرطة وقبض وتحقيق

الله يستر أولادنا المسلمين يارب

والله اماني القصص كثيره يعني هيك احسن ارتاح لحم الولد وبدهوش يطلبله الشرطه هو ضل حدي يضرب ابنه بحفايه خصوصي بامريكا الصحيح...

شوفي اماني خليني اقولك هدول الي بتشوفيهم عندهم حوادث كلهم بيوخذوا اولادهم منهم وبيعملولهم محاكم اصلا اول ما يصير مشكله بالبيت ويطلبوا الشرطه بيجبوا سيرفيس ياخذوا الاولاد ما بيخلوهم كلهم بياخذوهم عندهم لبين ما يشوفوا شو بيصير بالموضوع وهو مادلخ بالاولاد من كتر المشاكل مجبورين يعملوا هيك والموضوع بيمشي عالكل لا تفكري بس عالمسلمين بامريكا بالذات مش فاضيين لحدى قانون بياخذ مجراه ....يعني نصير نلطش بالاولاد ونخلي جسمهم يعلم ونقول اخذوهم يعني لو ضربه ضربه خفيفه وماعملت ما رح يردوا عالولد بس شافوا علامات بجسمه اخذوه ولما المدرسه بتنبه الاولاد بيقولولهم لو حياتكم بخطر وصدقيني احنى اقل مله هون عندها مشاكل مع الاولاد لو تشوفي الافارقه كيف يادوب يلحقوا الاطفال او ما يلحقوا يعني جد حياتهم بخطر وكلهم بدون اولاد بس مو سائلين بدهمش اياهم مو متلنا كارثت الكوارث .....واللي حاذث عرضي ما بيوخذوا اولادهم هل بتيجي بوادي بتقولك بنتها وهي صغيره وفعدت من تاني طابق ولا اخذوها ولا اشي حادث ...انا بضرب اولادي بس ما بخليه يعلم فيهم وطبعا نادر جدن جدن اضربهم يعني هيك بفشها من كتفها او من فوق الملابس وهي بتكون عارفه ليش انا زعلت منها ومنتصافى وانا مفهميتهم انه بياخذوهم على ام تانيه ومنبطل فاميلي كل ولد بيروح على ناس ويمكن يكونوا افارقه ومسيحيين طبعا هاد بالنسبه الهم رعب ونهايت العالم فمستحيل يعملوها الله لا يقدر بس كمان احنا ما منضربهم والله ابوهم عمره ما مد ايده عليهم ابدن ابدن بيضل يقولي بس اروح عالشغل ادبيهم وبينجن لو يعرف اني بضربهم هو على باله اكي معهم والا احرمهم من اشي ولما بقوله ضربتها بينجن مو عشان خايف يوخذوهم بس هيك عشان الضرب مش اسلوب مش حيوانات همه ديننا دين رحمه مو هيك التربيه ...

لا حول ولا قوة الا بالله

ضغط الغربه والحشره والتواجد في البيت على طول والكبت بخلينا نتصرف بتهور
واقل شئ بنعصب عليه ونضرب !! وشغلت ان كل طفل او ولد اهله ضربوه يروح
يحبسهم يعني منه منطق لان الطفل في بعض الوقت بحتاج يتعاقب بالضرب للحتى
يتعلم !! بس منه مفهوم الضرب يعني المبرح لا تخويف بس !! بس احنا الله يهدينا
يا العرب لما نضرب ما بنقوم عن الطفل الا وهو مستوي !! والمدارس كمان الهن
دور في زرع الشئ هذا في عقل الطفل لان بفكروا ان كل التربيه مثلهن لا ذمه ولا ضمير
وبيكون خايفين على الاولاد لان الاب والام بيكونوا يتعاطوا او سكرانين فبنبهوا على الاولاد
اذا كنتوا في خطر تلفونوا على 911 واحنا ما شاء الله اولادنا تعلموها بسرعه
عني والله بضرب اولادي بس تخويف مش بخلي يعلم عليهم او بصرخ عليهم
ومرات انا بخوفهم ب 911 ان اذا ما سكتوا او جلستوا مناح راح يجوا ياخدوكم
مني وما في اب وام الكم وبتروحوا عن الاولاد الوسخين والي ما الهم بيوت حلوى
فرد فعلم صار انهم كرهوا شئ اسمه 911 .
الله يعينهم ويهدي بالهم بجد مواقف لا نحسد عليها هذا ضريبة الغربه
يا بنتحملها ونحسن التصرف فيها او نرجع لبلادنا وهي سترنا وغطانا
ربي يردهم لابوهم وامهم ويهدي بالهم

والله شئ رهيب فعلا
كثير بسمع من هالقصص اللى تشيب الراس
شوفوا يابنات هالقصة اخدوا من الاسرة طفلها عمره سبع اسابيع عشان بالخطأوقع من امه من مقبض الباب للارض وباقى الاطفال مهددين بعد اخد جوازاتهم
وتخيلوا الام تحصلت عالاطفال بعد عمر كبير يعنى عمرها 47 سنة والزوج رقم وخامسين تقريبا56
اقسم بالله بكيت من قلبي ودعيتله هذه ضريبة الغربه

يابنات اجتنى رسالة او شكوى من الجيران من منظمة حماية الاطفال عشان اولادى يلعبوا قدام البيت اطفالى اعمارهم 7 سنين 5سنين ونص و3سنين ونص
عشان اولادى يلعبوا قدام البيت بالصيف بالدراجات احيانا زوجى بيوقف معاهم واحيانا انا ومرات بشوفهم من الشباك والجيران اولادهم كمان برة وبيشوفونى انى من الشباك
بس كل شوي اشق عليهم المهم بعد فترة اجت هالرسالة وطلبونا يكلمونا بالهاتف فكلمناهم وخبرناهم ان الجيران قاصدينا عشان احنا مسلمين وكدا مرة بنكلمهم عشان كلابهم اللى برة
وبيعملو البو بالباكيارد تبعنا فكل شوى نكلمهم وهم يطنشوا مو عاجبهم كلامنا المهم قالت اه كتير حالات بتجى متل هيك عشان مشاكل مع الحيران بس فقالوا اخر مرة والمرة الجايه بتشوفوا شئ تانى
هده الرساله من الصيف بس الحمد لله ربنا ساعدنا وسبحان الله نفس الست اللى اشتكت علينا اجتها شكوى واجاها البوليس عشان اولادها يلعبوا برة وماتهتم بيهم وغيره من الشكاوى من حدا تانى

فممكن تخبرونى على القوانين شوي يعنى امتى اخللى ابنى يلعب بره لوحدة او امتى يكبر الطفل وبقدر اخليه بالبيت ومن هالشئ

الله المستعان ربي يردهم ردا جميلا يارب.
اختي ملكة كيف تخلينهم يلعبون برا البيت؟ مامنة عليهم احد لاقدر الله يجي ياخذهم برمشة عين؟ طيب غير كذا اجاكي تلفون منهم اقصري الشر ولاتطلعينهم بعد يابنت الحلال ، الله يحفظهم ليكي