تعرفو يا بنات صحيح متل ما قلتو انو المراة مو مجبورة تصرف وحتى لو بتشتغل ولو صرفت فهالشي بيكون تكرما منها على زوجها
انا اول ما تزوجت كنت استحي من زوجي اطلب مصروف او حتى احتياجات البيت وكنت روح معاه على السوبر ماركت واخد حاجات البيت الضرورية بس وهو ياخد شوكولا او بطاطا شيبس ويسالني ما بتحبي هدول كنت اخجل قلو ناخد من هدول بعدين هو صار يلمح قديش بيكره الشوبينغ وانه لازم انا اعمل شوبينغ ههههههههههههه وصار بالبداية يتركلي بشنتايتي مبلغ خاص فيني وبعد فترة عطاني بطاقتو وخلاها معي وصار ياخدني السوبر ماركت ويبقى برا وانا اشتري يلي بدي بس بعد سنتين زواج صار الموضوع عادي عندي بطلب وبصرف على كيفي وصرت انا المسؤولة عن البيت هههههههه ما بنعطى وش

يلي حبيت قولو للاخت حبيبة زوجها يمكن انتي متزوجة جديد وبعد شوي رح تتشجعي اكتر بس نصيحة لا تطولي الفترة اطلبي منه عادي حتى خديه معاك ينقيلك لبسة الشتا يلي بدك ياها

متسننة حبيبتي لازم تفكري عن نفسك صدقيني لما بتشتري شي لنفسك بتحسي شعور حلو وبيحسن النفسية الصراحة انا من عشاق الشوبينغ ولما بكون محبطة او تعبانة نفسيا بروح على السوق هههههه وبشتريلي قطعة جديدة او حتى اكسسوار او اي شي بلاقي حالي احسن

هلق السؤال ليش الرجال بيخاف انه المرأة تستقل ماديا او يكون الها عملها الخاص ؟ بتلاقي كتير الرجال بيحسب مية حساب لما مرته بدها تشتغل او لما بيجيها مبلغ معتبر او حتى لما بيكون الها راتب ؟

في كتير رجال بيحاول يخلي مرته تصرف على حالها وولادها من فلوسها مجرد ما حس انو الها مورد. وهو بيسحب ايده او بتلاقي عم يحارب لياخد راتبها ؟

عندي رفيقة زوجها رفع ايده عن مصروفها هي وولادها مجرد ما حس انه اهلها عطوها مصروف وساعدوهم بحق البيت . حتى ولادتها ما دفع فاتورتها بحجة ما معاه وخلا ابوها يدفع حتى هي بتحكيلي قد ما حاولت معاه وضغطت عليه ليعطيها بيتهرب لحتى صارو اهلها يصرفو عليها ومو طالع بايدهم شي

وبالمقابل في نسوان ما بتحسس زوجها بمتطلباتها لو هي عندها فلوس او بتحاول تجمع من ورا زوجها مثل تخفف من الشوبينغ وتخبي المبلغ لالها وكمان هذا غلط وماله حل ليش ما تصارحو بمتطلباتها وتفهمه انها متعودة على هيك او بتصرف هيك وهيك وحتى لو ساعدته بسبب وضعه المادي بيضل ممنون الها مدى الحياه
احسن ما يجي يوم وتطلب منه شي محرز وهو مو متعود فبيتفاجأ وبيرفض لانه مو متعود على هالشي متعود انو ما يصرف وانها تدبر امورها

إيه الموضوع الشائك ده يا مروة بالتاء .... سامعة الخناق من على باب المنتدى خخخخ
تم التصويـــت

الحقيقة الموضوع بيرجع للشخصيات ومدى التآلف والإختلاف بينها ... أنا كنت أشتغل فى مصر وزوجى كان يقول لى فلوسك ليكي ده شرع الله ... لكن أنا من الأول بأحط فلوسى على فلوسه بحساب مشترك وبنصرف على البيت والحمد لله فى أول زواجنا كانت مصاريفنا قليلة وفلوسنا كتير وقدرنا نحوش فلوس ونغير شقتنا بعد الزواج بفترة قصيرة
وبعدين أكرمنا الله تعالى بحسن وزادت المصاريف .... وربنا يبارك لنا .... ودلوقتى عندنا مع حسن عبد الرحمن وجلال وربنا يبارك لنا فيهم .. مصاريفهم زادت ومفيش تحويش خلاص بح

مع الظروف الإقتصادية اللى بنعيشها لازم التعاون بين الطرفين ... يعنى لو بتشتغلى وزوجك يقدر يجيب مثلا قطعة ملابس واحدة لكل طفل فى الشتاء والصيف هل هتبخلى بفلوسك على أطفالك إنك تشترى ليهم قطعة ثانية من الملابس ؟؟؟؟ واللا تضغطى على زوجك ماديا علشان يشترى قطعة ثانية وهو مقدرته قطعة واحدة!!! لا طبعا مفيش أم تعمل كده

عندى صديقة بمصر تعمل وزوجها رافض يآخد ولا مليم من فلوسها .. لما ولاده دخلوا المدرسة ما يقدرش يدفع لهم غير مبلغ معين ... والمدارس بمصر غاااااالية ... إقترحت عليه إنها تحط كل سنة من فلوسها علشان الولاد يروحوا مدرسة أحسن ... تصرف سليم بالتأكيد

أنا أحب الهدايا والمفاجآت مهما كان الزوج تعبان ماديا ... ولو وردة كل شهر بتفرح الستات إحنا طيوبين وقلبنا على أزواجنا
شئ لا أحبه فى نفسى .. لما زوجى يجيب لى هدية قلبى بيآكلنى على الفلوس خخخخخ لأنى عارفة إنها صعب عليه ... وبأحاول أبطل الطبع ده لكن لازم أقول له بكام دى وليه كده ... مرات زعل منى وقال لى مفيش مرة تقولى لى الله وتفرحى من غير ما تسأليني بكام وليه ... بتحسسيني إني عاجز ... بأستخسر فعلا إنى أدفع فلوس على مش عارفة ليه يمكن من ساعة البهدلة المادية اللى تعرضنا لها والوضع عندى قلب ١٨٠ درجة خخخخخ
يللا ربنا يهدينا ويهدي لنا أزواجنا

بنات حبيبات قلبي انتوا كلكم بتناقشوا بعواطفكم وهاد ما بيجوز فيه فرق بين اننا اناقش وضع عام ووضع خاص بقوللكم انا ساعدت زوجي لحتى فلسنا احنا الاثنين لان ماكان فيه خيار بس هو دين عليه وانا مش قاعده كل شوي هات فلوسي رجع فلوسي بس هو رجل ما بيرضى يمد ايده لمرته بس لما انجبر وخلص ما فيه مخرج رضي يكون دين وانا رضيت لان حقي وبدي اياه بيوم من الايام اذا ربي افرجها

هل بتيجي وحده وضعها مزري مطلومه بتلاقيكم كلكم تقولوا مافيش ام ترضى ومافيش ام تقبل ولازم تساعده بتحس انها غلطانه ومالها حق

الشرع حدد الحقوق واحنا منحكي عن الشرع وفرق كبببببببببببير بين وحده بتشتري لحالها لبس وشنط وميك اب عن وحده ما بتشوفهم او كانت تشوفهم ببيت ابوها ولا بيقولك اتزيني لزوجك .........الزينه ببلاش يعني؟

فساعدوا واصرفوا متل ما بدكم بس يكون بخاطركم بدون ضغوط حتى لو ضغط نفسي لاهو عيب ولاحرام ولا انانيه ولا قلت ادب وانا اتفق مع توتا بنقطت انه اذا اشتغلت بعد الزواج يكون فيه اتفاق كم تساعد وكم يضل الها واللي معها ماله حق فيه بعد ما تعطيه اللي متفق عليه

وبالنسبه للقصه اللي قالتها عن زمان طبعا صحيحه وعاديه لان المجتمع زمان كان مجتمع فيه خير اكتر من هلأ كان الرجال عيب عليه يمد ايده لفلوس مره حتى لو كانت مرته ويلاقيها اهانه وعيب وبالفعل كان الاب يعطي بناته من خيره وما تعطي زوجها لانه اهانه اله ويكون صندوقها مليان مصاغ وعيب عليه ياخذ منه هاد بدال ما يجيب ويحط فوقه حتى لو فقير حتى لو معدم فلوس مره ضعيفه فقيره يعني هل ابنك صغير معاه دلر وانتي بحاجت هالدلر هل ممكن تمدي ايدك وتاخذي الدلر من ابنك؟ ما بتقولي ضعيف فرحان فيه الله بيغنيني ....


مروه ترى الباكستانيه الله واعلم اللي لاحظته انه الصرف على المره واجب عندهم الي صاحبه باكستانيه هي وزوجها شحمه ونار بالمره ما بيتفقوا نهائي نهائي ولعى طول مشاكل بس كنت اتفجا لما تبعثلي صور حفله تكون لابسه لبس يجنن وزوجها وضعه يعني مو بزياده مش لدرجت كل حفله لبسه الها ولبسه لبنتها والزي الباكستاني غالي حتى او اجار غالي غير الاكسسوارات وشبطتها دايمن ماشاء الله ميك اب كله ماركات بسألها فلانه طيب انتي وزوجك متقاتلين كيف بتطلبي منه مصروفك بدي اشوف شو السر او الطريقه والا بتقولي ما بطلب مع الكردت وبشتري زي مابدي طيب ما بيزعل بتقول نو وي انا زوجته مفروض يجيبلي فالفلوس كلها معها برغم انه مش متفقين 99 % من الوقت وبتسخى على حالها مو طبيعي

وبنات اتذكروا ان كل ما صرف عليكي وعلى اولادك الله بيرزقه وترى رزق العيله غير رزق الفرد المفرد لحاله البركه بالعيله عمري زوجي ما جابلي شي الا احس كانن فلوسنا ما نقصت عمرنا ما اتدايقنا لاننا ااشترينا ملابس او اغراض للاولاد حتى لو العاب بتذكر مره بعز ازمه صدف عيد ميلاد بنتي الوسطى فراح على اساس بس يجيبهل هيك لعبه والا هو راجع بميت دلر العاب بدي اقوللكم شوي ويغمى علي لان بالمره كان الشهر مزحوم واصلا احنا ما منحتفل بس هي الها فتره بدها كوالا ستف انيمال وراح جايبلها الجنقل بحاله الها ولاختها ولاخوهن يومين والا فاتورة الكهربا جايه اقل النص والله ضليت فاتحه تمي مو مسدقه شو نزلها هاي؟ يعني كانت اقل 150 دلر ومن يومها ولا بساله لا بكام ولا ليش كل ماجاب شي بقوله الله يزرقك ويعوضك ويسلموا ايديدك


مسوكه بيفقسوا لما تسالي عن الهديه بكام هو قصده يفرحك انا الصراحه بضل طول اليوم اشكره لما بيتذكرني بعطر او قطعت ملابس لانه بالاصل بيضل يقولي مابعرف اشتري هاي الشغلات الك انتي اشتري بس بيتشجع صدف وبيجيب بورجيه انه ياي بيجنن زوقك ويسلموا وشكرا وعنجد فاجئتني عشان يضل يجيب يختي يعني اليوم العطر مو حلو بكره بتصدف بيطلع احلى ههههه المهم يجيب

تعرفي مايا الباكستانيات بيصرفو كتير على لبسهم ودهبهم واعراسهم بتكلفهم حق بيت اتخيلي وبيوت هون غالية جدا
بس انا مو متلهم حتى زوجي بيعلق انو انتي مالك طلبات كتير او بتصرفي كتير وهو انا طبيعتي متلكم بدور كذا مكان وباخد الارخص ؤعني هيك اتعلمنا نحافظ على النعمة
تاري الباكستانيات بالعكس وين مالقو طلبهم غالي رخيص ما بيهمهم بيشترو حتى صاحبتي الباكستانية مشيت معي على السوق كذا مرة وعلمتها كيف بشتري اتفاجئت صار زوجها حتى يعلق عليها ويقلها اتعلمتي شغلات حلوة من مروة هههههههه لانو هنن وضعهم المادي مزري بسبب دين على البنك

احيانا بحس اني لازم اتصرف متلهم بس بخاف الله الصراحة بقول لو شغلة بقدر اخدها بباوندين ليش ادفع خمسة ما بيجوز
انتو شو رأيكم ؟

يب مروا لاحظت ومستحيل وحده تكرر اللبسه مره بتقولي عندي ملابس النار ما بتاكلها كله لبسه مره وحده واقل لبسه ب200 و300 دلر لبس باكستاني مطرز ومشكوك حلو الصراحه بس مين بده يلبسه لاا لاباكستانيه فهمه هيك مجتمعهم مظاهر مظاهر ما بتتجرا تلبس اللبسه مرتين وبعدين قاسيب (غيبه واستغابه) يعني بياكلوا لحم بعض اذا البيت مش اخر موديل اثاث واللبس مو كليوم شكل وماركات وفاشن وميك اب يعني مجتمع مظاهر فكرت العرب اللي ذابحيتهم المظاهر والله ما منيجي ربعهم

فلا طبعا انتي اصح اذا زوجك هيك مريك وبيعطيكي اشتري مصاغ او اعملي حساب توفير والله يامروا الايام دواره الله لا يغير عليكم يارب بس خذي منه وخبي الفلوس رايحه رايحه لا تريمها بالسوق وبالملابس اشتري الك ولاولادك المعقول وكلوا واشربوا بدون اسراف والباقي بتفتحي بالارض طاقه وبتخبيه (انتي فاهمه علي) بيضل الكم كلكم الذبان الازرق ما يشوفله طريق اذا زوجك بيعطيكي الاوكيه وبيشيل الفلوس المخبيه من راسه قوليله خطتك اذا كل ماكثرن بده يقولك هاتي لا ولا تخليه يعرف عنهن او الافضل تشتري مصاغ همه بيحبوا الذهب وما بيمانعوا قوليله للايام السودا الباكستان والعنود بيكونوا عريانين من الفقر والرجال والنسوان عندهم مصاغ قال شو لليوم الاسود وهي عيشته كلها سودا بتلاقيني اقول اسود من هيك شو ههههههههههههه خصوصا الهنود

تعرفي دايما بقلو لزوجي ان. ليش دايما اهلك ما عندهم سيرة غير اللبس والدهب هههههههههههههه بس تعرفي بيت حمايي اخف من غيرهم ما بيهتمو غير بلبسهم بس وبالفعل ما بشوفهم بيلبسو مرتين الا لبس البيت العادي

بس تعرفي الدهب عندهم لازم تدفعي عليه زكاه كل سنة ولما بيسالوني بتدفعي على دهبك بقلهم لاء بينصدمو وبيعملو قصة وحكاية بقلهم المذهب يلي انا عليه انه الدهب يلي معي للزينة لهيك ما بيندفع عليه اما دهب التخباية لوقت الحاجة يعتبر مال ولازم يندفع عليه فياما داخلة بنقاشات على هلموضوع

بس تعرفي انا ولله الحمد ما طبيعتي مبذرة بشتري بالمعقول وضد فكرة انو الوحدة ما تصرف على حالها لانو نحنا حتى شباب وبكرة الولاد بيكبرو ورح نتحسر على حالنا انو نسينا حالنا وما استمتعنا

بس اكيد رح ادخر للايام السودا الله يجعل ايامنا كلها بيضا وانا فاتحة حساب خاص فيني ووقت كنت درس كنت حط فيه راتبي وجمعه فيه

يعنى هو فعلا موضوع صعب بس واضح يامايا من كلامك ان اغلب خبراتك فيه مش كويسة انا حالى زى متسننة جوزى ياخد مرتبه يدينى مصروف البيت اللى حددته مسبقا بالاتفاق معاه واهو شهر اخد من زيادة شهر اوفر منه واشترى حاجات للبيت او للولد او ليا انا وهو على حسب الظروف والاحتياجات........
على فكرة لو اشتغلت هاقبض فلوس كويسة عندى كاريير كويس الحمد لله ومتوسط مرتباته من اعلى المرتبات فى اى بلد لكن جوزى مش عايزنى اشتغل هو حابب اهتم بيه وبالبيت والولد اكتر ولو كل الناس بنظريتك يامايا كان خلانى اشتغل واصرف مرتبى وكان حوش هو مرتبه واهو التحويش ( الادخار) هدف كويس برضو لكن صوابعك مش زى بعضها
الحمد لله حمدا كثيرا على مارزقنى به ولا قوة الا بالله

مابعرف انابيلا انا الحمدلله زوجي كريم وبيعرف الدين كويس وانا ماكنت احكي عن حالي بس حولي قصص جد بتجلط مو بتقهر بحب كل الناس متلي كل وحده تعرف ايش الها وايش عليها مابحب العاطفه الزايده يعني اذا حوش مرتبه وصرف مرتبك انتي هيك بتكوني مبسوطه ؟ طيب ليش مش العكس يكون مرتبك انتي تحويش ؟ وتصرفوا من مرتبه وهيكم مبسوطين ......