الحمد لله على سلامته يا بطوطة
بصي يا بنتي الإهمال أساسا من المدرسة
لإن لازم يكونوا فيه مشرفين وقت البريك ويكونوا مركزين مع الأطفال
يعني إيه طفلين يضربوا بعض لحد لما راس واحد تتفتح ,, مش منطقي ومش مقنع
تعرفي السنة اللي فاتت عمر راح رحلة تبع المدرسة
وكلموني في وسط اليوم يقولوا لي عمر وقع من على المرجيحة وهناخده نعمل له آشعة على إيده
لكن الولد كويس ومتقلقيش ,, وطبعا بقيت هاتجنن وخصوصا إن باباه كان مسافر قبلها بيوم
وكل شويه اتصل ويقولوا لي كويس مفيهوش حاجة
وكلمت بابا ورحت له وعرفت إنه إيده حصل فيها شرخ في الكوع وجبسوها له
والكارثه إن الغلطة كانت غلطة المشرفة
لإنها كانت بتدور لهم المرجيحة ولفيتها جامد راح الولد متزحلق واقع
طبعا اتكلمت معاهم في الموضوع ده ,, لكن معملتش مشكلة كبيرة ,, وحمدت ربنا إن الولد محصلش ليه حاجة تانية
الروابط المفضلة