ياحياتي يا مروا حقك على راسي قلت منتسلى لبين ماحدى يعبرنا بس بتعرفي بعرف كثثثثثثثثثثثثثير نسوان نفسهن يرجعن البلاد بس مكيفات عالبعد عن بيت العم او اذا مش بيت العم الاسلاف والاقارب يعني كل واحد عنده حدى هربان منه لاخر الدنيا احيانا زوجي كان يقولي لو فيه ابعد من اميركا بروح ههههههههه بقوله المشكله ان الارض كرويه يعني كل مابعدت من جهه بتقرب من الجهه الثانيه ............

تسلميلي يا مايا شو دمك خفيف هو كل مكان فيه مشاكل والواحد ما بيرتاح شو ما عمل
بس الاساس هي شخصية الإنسان كيف يتعامل مع الأحداث ومع الناس
طبعا ما يكون فظ وغليظ ولا يكون أهبل والقط بياكل عشاه
لا بس يعرف يتعامل مع الناس بحدود ويحطلهم حدود بأدب ويساير ببعض الأحيان

انا رح احكيلكم شوي عن شخصيتي وشو الايجابيات يلي طرقت عليها وشو السلبيات

انا كنت قبل الزواج طالبة جامعية وكنت بدرس جامعتين كلية شرعية وأدب عربي
وطبعا حياة الجامعة خلتني كون بنت نشيطة وحيوية وشخصيتي قوية الحمد لله
بس كنت ساذجة بالتعامل مع الناس يعني بحكي على طبيعتي وبسأل أسئلة عن براءة حتى في كتير ناس صادفتهم بحياتي قبل الزواج وبعد الزواج بينادولي طفلة بريئة وبيقولولي ما تفكريها اهانة بالعكس منحس براءة بتصرفك وعفوية
وفي ناس نصحوني غير شخصيتي بس يلي فيه طبيعة ما بيبيعها
المهم أفكاري قبل الزواج بتقول انو الزوج هو المسؤول عن البيت من شوبينغ وشغل وقرارات والمرأة مسؤولة عن الولاد وكيف تدلع زوجها وبس

لما اتزوجت لبريطانيا كان عمري ٢٣ وكنت بأول سنة اعتمد على زوجي وانتظر منو المبادرة بكل شي وشخصيتي تراجعت لورا بحكم ما كنت بعرف حدا هون فهديت وصرت اجلس ببيتي وما اطلع الا شوبينغ ومع زوجي وكنت لو بدي اطلع وفوت اسالو ممكن اعمل هيك وفيني اطلع وفيني ...............؟ وكنت حس انه مستغرب
المهم بعد سنتين غربة فهمت أشياء كتيرة لازم اعملها
اني ما اعتمد على زوجي كتير ولازم تكون شخصيتي قوية فصرت اطلع وفوت رحت اسواق ومحلات واكتشفت اشياء وصرت نظم امور بيتي بطريقة احلى وصرت مرا عملية اكتر وغير اتكالية يعني المرا هون لازم تكون نص رجال كمان

ايضا تعلمت بعد ما قابلت الناس وخصوصا العرب وحطو تحتا ميت خط اني ما اثق بحدا فيهم وامن اي منهم على سر وما اتخالط فيهم كتير لانو ما منهم الا وجع الراس والتعب النفسي واني ما ورجيهم طيبتي الا اذا الموقف محتاج طيبة غير هيك بياكلوك
اتعلمت لو ما انا اسعدت نفسي وغيرتلها جو ما حدا رح ينتبهلي لهيك الاكتئاب والضجر حلهم بايدي وبس وما انتظر من حدا اي شي
بيت حمايي عايشين هون طبعا ( رجعنا لبيت الحمى ) هههههههه هنن ناس طيبين وحبابين وتعاملي معهم علمني كيف كون انسانة مسامحة ومسايرة بس طبعا مو على حساب صحتي او بيتي

هي بعض الاشياء يلي احدثتلي تحول او تحسن بشخصيتي والسبب الرئيسي الغربة لاني لو كنت مع اهلي رح تكون حياتي غير برايي
اضافة لاني مزاجي صار رايق وهادي وكتير بعدت عن المعاصي متل الغيبة والحكي على الناس يلي منتشر ببلادنا كتير
وحتى أغاني ما عاد سمعت بحكم مافي باصات وتكاسي ولا جيران قليلين زوق بيحطو المسجلة على العالي وبتخليكي تحفظي الغنية غصب عنك هههههههه

بس بنفس الوقت صرت انسانة منطوية اكتر على نفسي وانعزالية وثقتي بالناس قلت لهيك صرت خاف من اي صديقة جديدة تدخل حياتي

المهم لو اي وحدة فكرت انها تتغرب بسبب ظروف دراسة او زواج لازم تعرف انها تكون قد حالها وشخصيتها تكون قوية ومنفتحة وتحاول تفهم قوانين البلد وما تكئي حالها وتندب حظها وايمتى بدي ارجع لبلدي بالعكس تحاول تستمتع بكل لحظة هي موجودة فيها هون


لي عودة ان شالله

مروة نفس الاشي صار معي عن جد كانك بتحكي عني

طبعا باستثناء دار الحما

كل اشي صار معي من اول ما حكيتي ولغاية انك صرت انعزاليه و بتخافي من اي حدا جديد
انا كمان صرت هيك و مش من السهل اني اصادق حدا
ما بعرف شو صارلي على قد ما كنت اجتماعية

انا اول فترة اتعقدت انه الحياه كانت مختلفة
وجوزي مش فاضيلي
فكنت بدي اي حدا يكون معي ويساعدني
بس شو
كل العربيات اللي تعرفت عليهم عقدوني بحياني
كلهم مفزلكات
عن جد كنت متل الضايعة

انا انعجنت وانخبزت مرة ثانية ..الكلام في الشخصية لازم له روقان وانا الان خلصت المسح والتلميع والترتيب ونفسي في نومة للفجر ...يلا تصبحو على خير

-انا فلسطينيه والغربه كتبها الله سبحانه علينا وقال تعالى {عسى ان تكرهو شيئا وهو خير لكم}
-خسرت في الغربه الاهل والاحباب ورائحه وطني فلسطين
-تزوجت وجئت بعد اسبوع على الاردن وعملت انا وزوجي هنا
-كسبت انني عملت في بلد اسلامي وعلمت بنات مسلمات
-زوجي اكمل تعليمه وعلمت جميع ابنائي وتخرجو من الجامعه
-اكتسبت صفة الصبر والخبرة في اشياء كثيرة
-تعلمت العادات الجميله لانني مخيرة بحكم الغربه اختار ما يناسبني من الصديقات المحترمات فقط حيث تعرفت على كثيرين بحكم عملي
-ربيت ابنائي حسب ما اريد من غير ان يؤثر عليهم احد من الاقارب لانني اعيش لوحدي ويتلقون المعلومات عن طريقي ومن والدهم ايضا
-انا احب الاستقلال ولا احتمل تدخل احد بحياتي وزوجي مثلي تماماً وهذا تحققلي في الغربه
_الغربه تحتاج لمن يقويك على تحملها والحمد لله ربي رزقني بزوج حنون ومؤدب اعانني على ذلك
يقول الإمام الشافعي – رحمه الله تعالى –:
ارحل بنفسك من أرض تضام بها ولا تكن من فراق الأهل في حُرق
مـن ذلّ بيـن أهاليه بـبلدتـه فـالاغتراب له من أحسن الخلق
فالعنبـر الخـام روث في مواطنه وفي التـغرب محمول على العنق
والكحل نوع من الأحجار تنظره في أرضه وهو مرميٌّ على الطرق
لما تغرب حـاز الفضل أجـمعه فصار يحمل بين الجفـن والحدق

عجورية من مواضيعك كنت اتخيلك ماتفوتي 30 ما شاء الله عليك

تعرفي مروة الواحد لما يتغرب مثل الطفل الي يخرج للدنيا بعد 9 شهور حمل
يلاقي نفسه لازم يتعلم كل شيء فكذلك المغترب يتعلم اشياء كثيرة بنفسه ويتعلم يكون شخصية تانية حسب ظروفه
يصير قوي وعارف انه لو ما اشتغل وبذل مجهود مافي اهل يسندوه هناك

كتبت بواسطة *سهام الليل*

عجورية من مواضيعك كنت اتخيلك ماتفوتي 30 ما شاء الله عليك

تعرفي مروة الواحد لما يتغرب مثل الطفل الي يخرج للدنيا بعد 9 شهور حمل
يلاقي نفسه لازم يتعلم كل شيء فكذلك المغترب يتعلم اشياء كثيرة بنفسه ويتعلم يكون شخصية تانية حسب ظروفه
يصير قوي وعارف انه لو ما اشتغل وبذل مجهود مافي اهل يسندوه هناك

انا اصلا مش مبين علي اني في اواخر الاربعين ولما بمشي مع بنتي بفكروها اختي
الانسان لازم يحافظ على سلامة نفسيته هذا اهم اشي ويكون غير متسرع
وانا مؤمنه بان كل شئ ترتيب من رب العالمين عشان هيك انا رايقه عالاخر وما بستعجل اي شئ ومن هيك انا الحمد لله ما عندي مشاكل ولا مع حد

ماشاء الله عليكم يا بنات الغربه صح هي مره بس بتصقل شخصيه الفرد وبتنقيه من الشوائب التي كانت فيه طبعا بوجود سند زوج واصدقاء اوفياء
الغربه بتعلم الوحده انت تكون شخصيتها قويه مش علشانها بل علشان اطفالها لانها قدورتهم
وبتعلم الاستقلاليه في الحياه بعيد عن التأثر باي شخص
وكمان بتنمي عنده مواهب وصفات ما كان بعرفها من قبل
وكمان ان يكون حذر بالتعامل مع الاخرين وخاصه من نفس جنسيه او بلده وما يؤمن بسرعه لهم ولا يخرج اسراره لبره حتي لو كان فضفضه

موضوع جميييييييييييييييييل جدااااااااااااااا
تسلموا على كلامكم كله حكم

و كلامك صح يا امانى الغربة بتعلم الانسان الاستقلالية فى اتخاذ قراره
و قوة الشخصية لابد منها فى الغربة زى ما قلتِ علشان الاولاد و علشان علاقتنا بالاخرين

و الانسان فى الغربة لازم يكون حذر جدا لانه سوف يتعامل مع اجناس مختلفة و ثقافات مختلفة و عادات مختلفة
بقدر الامكان تكون العلاقة فى حدود حتى لو كان من جنسيتك

و هذا اسلم للجميع
و ماننسى نتحلى بالاخلاق الحسنة و المعاملة الطيبة حتى نعكس صورة جميلة للاسلام

تسلموا يا بنات على ردودكم القيمة
ولى عودة ان شاء الله