انا من فترة صار معي هالموقف
فحبيت اشارككم فيه
واحدة من جاراتي اتعرفت عليها صدفة
بقروب الاطفال
بيحكوله مدر اند تودلر قروب
فلقيتها حبابة وفريندلي
وكانت واخدة اجازة النفاس وبتكون طويلة نوعا ما
فاتفقنا كل اسبوع نروح مع بعض
الاشي المهم انه هي اسمرانية شوي بس فاتحة
يعني مش زي الافارقة
فاتحة كتير عنهم
فانا بسالها انت من وين
بتقلي انه ابوها مسلم من كينيا
وامها انكليزية
ولقيتها انوعارفة رمضان واللحم الحلال واشياء كتير
وانا شفت كزا مرة جوزها مبين انكليزي خالص
فانا بحكي معها بقولها يور هازبند
بتقولي مش هازبند هادا ماي بارنتر
ياويلي دبت انا من خجلي خفتها تحسبها مقصودة
لانه هون مش لطيفة انك تحكي هازبند لانه مش الكل متزوج
فصرت اعتزر واقولها مش قصدي وهيك
حكتلي لا عادي انا بعرف انتو لازم يكون الواحد متزوج ما في بارتنرز
المهم الا ضلينا نحكي
سالتني عن الحجاب وكيف شعوري
وامتى لبسته
وهيك اسئله
الا بالاخر بتقولي انه عادي يعني تكوني ماشية معي وانا مابلبس حجاب
يعني مابتتدايقي
انا ساعتها عن جد مش عارفة اوصفلكم شعوري
انه عايشة مع واحد بالحرام مافيه مشكلة
وبدها اياني اتاثر انها من غير حجاب
عالم غريبة

[QUOTE=mayaaa;12946754

نيو لايت انا عندي عربي احسن من امريكاني بس وقت الواده لو بتطلع روحي مابخلي زلمه يفوت خلص الله والغني منجد موقف غبي تكوني بهالموقف ويسمحوا لرجال يدخل او تتضطري انك تسمحيله يدخل لان لو غطيتي رقبتك الابره بتيجي باخر الظهر وكله ح يبان[/QUOTE]

انا من الاول حاكية انه لازم يكونوا فيميل ومشددة على هالموضوع واصلا هما بيتفهموا هيك اشياء
بس دكتور التخدير ابدا ما بقدر اتشرط فيه لانه عددهم محدود وكتير بزي

مواقف جديدة تفطس من الضحك ههههههههههههههههه

الله يسعدكم

والله نعنشة اللي بدخل هنا

نيو لايت ايش هالموقف بس عارفه صاحبتي باكستانيه بتموت عالقاسيب يعني هي عايشه حياه اجتماعيه اصحابها عالفيس بوك بالميات وبتسولفلي فلانه صاحبت وجوزها اكتشف وفلانه مش عارفه شو وهدول مسلمين يختي ايش هاد بحكي ياطولت بالك انا ماليش بالهسوالف بالمره ولا بحب القاسيب تبع الفضايح بضل اقوللها حرام وهيك استري وهي بتقولي انا ماقلت اسمها بس اعتبريها قصه عابره بس برضه بتدايق من التعارض مع الدين فيه ناس كثير عاشوا بعائلات مسلمه وملتزمه وبيلخبطوا بالخياه كثير وبيخبصوا الله يستر علينا وعلى اولادنا واولاد المسلمين يارب......

نسيت اقولك بالنسبه للتخدير مزبوط لما يكون المناوب رجل خلص مافيه الاهو صارت معي ببنتي وكنت قريب اولد والمخدر وير اوف صرت احس خفيف بالالم واخترت اتحمل ودعيت ربي انه ما يعذبني واني اولد قبل ما يروح عالاخر المخدر وبالفعل ربي فرجها والممرضات يترجوا فييه انه مارح يلمسك رح يحقنه بالكيس المعلق وانا اقول ولا يعتب غرفتي زوجي يقولي منلبسك حجاب وهيك وانا اقول خليني اصبر واشوف وداعي الله انه ما اضطرله بس بتعرفي اول ما صحيت ثاني يوم والا هو فايت عالغرفه ممرض وانا بلا طرحه ونايمه اشوى متغطيه انبهلت بقول هل طول الليل وانا بالالم والعذاب بديش اشوف خلقت ميل تيجيني انت على صباح الله بالخير ههههههههههه كلشي نصيب بس الواحد بيحاول شو اقولك الله يغفرلنا يارب ولا يحيجنا انا حامل والله شايله هم اضطر لموقف يدخل زلمه عالغرفه وبضل اقول الله يستر علي يارب ولا يحيجني ......

مايا جارتي مش مسلمة ولا الها علاقة بالاسلام طبعا انا ما سالتها انت مسلمة عشان ماتحسبني عنصريه
بس هالاشي بيبان مس محتاج لسؤال
وهي ما كانت عايشة بجو مسلم اصلا مجرد ابوها مسلم ووخلص ماحسيت اله تاثير عليهم
من هالناحية مع انه كتير بتحبه وعطول موجود عندها

اما عن الممرض ههههههههههه عن جد خليتيني افرط من الضحك يحرق حريشه مابيعرف يستازن
تعرفي هان لازم يستازنوا بيراعوا هالنقطة اني محجبة ومابرضى حدا يشوفني من غير الحجاب او يمكن الام بترضع بيراعوا هالنقطة كمان

بس خدي عندك انا شو بعمل بخاف من هيك مواقف يعني يمكن ينسوا ويدخلوا هيك
فانا بضلني طول الوقت بالحجاب حتى بنام فيه

ههههههه مايا ونيو لايت ضحكتوني تعرفي انا باول ولادة اجتمعت بدكتور مسلم قبل الولادة وقلتلو ما بدي ياه يدخل قلي اوكي رح خلي الميدوايف تتولى الامر واذا احتاج الموضوع انا لازم ادخل
صرت ادعي ربي ما يدخل المهم كنت حاطة حجابي على راسي وغطا على رجليي المهم تعسرت شوي الولادة بس لما نقلوني لغرفة الطوارئ صرت ادفع لحالي فالدكتور لسا ما عندو علم انو بدت تتسهل فكان جاية وانا مو عارفة رحت قمت حجابي لاني شوبت واذ بيدخل وانا صرت اصرخ وقول لزوجي عطيني الحجاب وتخيلو المنظر رجلي مفتوحين زوجي اطلع باستغراب عليي وصار يقلي التهي بيلي انتي فيه والميدوايف متفاجئين انو كلشي من تحت مبين دارت على غطا راسها هههههههههههههههه بس شوبدكم بالحكي والله موقف بيخزي وهو من رعبتو ما كمل عشر ثواني بالغرفة ارتعب من صوتي لما انبحتت على الحجاب ههههههههههه

مايا انتي بأي شهر حامل ؟