للبحث في شبكة لكِ النسائية:
|
ما شاء الله البنات كفو ووفو ربنا يجزيهم خيرا ان شاء الله ويصلح حال الجميع
اختي الحل هو التبرع مافيه حل ثاني وانا بقولك مو لازم كل مساجد الدنيا تكون على مستوى عالي من الزخرفه ما بتساعد على نشر الدين اي مكان بيجمع الناس عالعباده هو مسجد اي مكان تقام فيه الصلاه هي مسجد الكنائس الكنائس انا بقولك قصه صغيره عن الكنائس وسلسلة الاحتيال اللي قاموا فيها بعض البريشرات قبل فتره حكوا عنها بالتلفزيون
همه بروسهم نصابين ومحتالين بيوهموا الناس بمشاريع وبيسحبوا مدرخراتهم وانتي بتقولي اموال الشركات حرام من اي ناحيه حرامالكنيسه عزيزتي بتاخذ اي مال يقدم لها من اي مصدر ما بتدقق من وين الشرب عندهم مو حرام واغلب الشركات قانونيه يعني تمام بالنسبه للكنيسه ما سمعت عن كنيسه بترفض تبرع من شركه معينه او شخص معين واذا ما لاحظتي ان اغلب القسيسين والبريشرات اغنييييييييياء وما بدي احطهم بذمتي بس الاعلام الامريكي فضح سلسله كبيره جدن منهم اغلبهم نصابين ومحتالين واغنياء غنى فاحش ....
وحكتلك بنت ان الحسابات الثابته يتم مراقبتها لو تم التبرع بمنظمه اسلاميه الناس بتتبرع كاش وبترسل باليد مو على شكل استقطاع دائم
بس بقولك ما تيأسي من المسلمين اللي حوليكي ضلي اقترحي لا تيأسي اتواصلي مع زوجى الامام انتي وصديقاتك وشوفي بايش بتقدروا تساعدوا
وانا لما قلت ريحة الناس مال للمسجد ذنب فيها ... بس ممكن تقترحوا عالاماما يلقي درس عن طهارة المسلم بطريقه عامه ولبقه عشان الكل ياخذ باله والاطفال ....معك حق بس انا اقترحت عليكي اقتراح كويس انكم تحطوا بيبي ستر يعني فيه حلول ممكن انك تطبعي اوراق وتنشريها بالمسجد تعلقيها عالجدران تقترحي عدم احضار الاطفال الرضع بالمسجد اللي عنا الست موجوده وكل ام معها طفل على طول على غرفة الاطفال اللي مليانه العاب من الناس نفسهم وكل ما وحده تاخذ ابنها بتحط بايد الست اللي فيه النصيب دلرين 3 اربعه هي وقدرتها ... الله يقدرك انك تعملي شي عالاقل انك تكوني حاولتي ..........
بس حبيبتي ما قلتيلنا انتي وين وايش عنوان المسجد اللي بتحكي عنه ؟ ممكن تلفتي نظر بالموضوع والناس تهتم حطيلنا عنوانه واسمه ....
آخر مرة عدل بواسطة mayaaa : 24-05-2012 في 04:05 AM
بس حبيت اشرحلك نقطة مراقبة الحسابات هون امن الدوله بيقتضي مراقبة كل المكالمات والانترنت وكل وسائل الاتصال فيه كلمات معينه لو قلتيها او كتبتيها صديقني باي لغه رح يتم مراقبة المكالمه على طول
نفس الشي تحويل الاموال لو تم تحويل الاموال لاي منظمه اسلاميه يتم المراقبه وبيتم الاستيقاف والاستجواب امريكا بلد حريه اي نعم بس لعند امن الدوله واستاب لا فيه حريه ولا نيله مو انه صعب نتبرع لا سهل بتروحي بتاخذي الفلوس وعلى صندوق التبرعات بالمسجد ودايمن فيه انشطه ماشاء الله وشيوخ وشيخات دايمن متبرعين بوقتهم طول اليوم عشان اي فكره لتنظيم المسجد هدول الناس بدءوا لحالهم يعني بيعطوا دروس بواقات حره ونفس القروب بيتفقوا مثلا يتبرعوا بوقتهم بمالهم مره عملوا مشروع خياطة لباس صلاه لان بعض السيدات الله يهديهم بيجوا بلبس لا يليق بالمسجد ممكن ههنود ممكن باكستان ممكن عرب المهم همه حلو الموضوع وخيطوا للبسة صلاه تكون ثابته بالمسجد
يعني الموضوع مش مستحيل بس برضه الخناق ضيق ما تفكري بسهوله العمليات الارهابيه كلها زادت الضيق عالمسلمين بكل مكان انا ما بلومك لغيرتك اختي بس الموضوع حالات خاصه مش تعميميه .......
الروابط المفضلة