عبير الريحانه حلوه هادي القصه اللي فهمته منك انه غير مدرج صح؟
نعيما ومهمه بياخذوا من 25 -30 بالعاده بدون سشوار انا بدي شعري يطول فبس بعمل ترمنج فهل مع الحمل
انا عارفه انه رح يسبح ويطول بسرعه فهادي ميزة الحمل الوحيده ههههههه
توتا والله انك صادقه قصيت لبناتي مرتين غره بس شكلها عليهم بالمره مش حلوه جبينهم ديق والغره بتضل واقفه
اذا كبروا بيعملوا لحالهم بدها سشوار وتزبيط عشان تتعود تضل نازله احلى شي على وجههم يكون مقسوم من النص يعني حتى لمى بعمللهم ذيل فرس بقسمه من قدام بمطاطات صغيره
وبعدين بجمعه من ورى بيجي احلى على وجوههم وبيمسك الشعر الصغير وماشاء الله الزيت ريحني بيطري الشعر بدون ما يبين عليه زيت
والا مزبوط كنت اقصلهم كل فتره غره عشان يتساوى الشعر من قدام ويغطي عالشعر الصغير
وكمان ماما كانت تمسك الشعر الصغير كل شوي مع بعض وتقص اطرافه عشان بيكون ناشف بتقلي خليه يقوى فالرحله كانت طويله بالبحث عن شي يهدي العذوق هههههه هيني اتدعثرت بهالزيت... مسوكه يسلموا حبيبتي ماقصرتي حبيتك وانتي تحكي( شغله)ماسكاكي >>>>>>>>>
يعني ما الزك او لزيزه خالص شوفي انا الشامبو بالاول بخلطه بمي بخففه وبعدين بحطه عالشعر عشان يخفف الكميكال والكونديشنر بس عالاطراف
لان بيهبط الشعر وبيزيت بسرعه اذا ما انشطف كويس بيعمل قشره فانتي بس ركزي عالتشطيف.........
ام 600 هل بتستعملي خلطات لشعرك لان الحبوب بتطلع بالعاده من ماسكات البيض واللبن الطازج يعني الهوم ميد ماسك انا صراحه ما بنصح بالماسكات الطبيعيه الا العسل او الحناء فقط
لان البكتيريا اللي بالاكل بتعمل فطريات بجلدة الراس وخصوصا اذا فيه جروح مش ظاهره يعني لو حكيتي راسك بيصير جرح مش ظاهر وبتحطي خلطه بيلتهب الجرح وبيتجرثم وهاتي عاد ارقعيها
نصيحه مني اغسلي شعرك بالبابونج اغلي بابونج وخلي الشطفه الاخيره بابونج مركز على مرتين ثلاث بتتطهر الجروح بيجنن البابونج للالتهابات او اذا ما بتصبغي حطي حنا بيروح
وكمان السدر بس انا عارفه صعب يتدبر هون اذا راحت الحبوب القشره عادي اي شامبوا للقشره بيمشي الحال
انا مفكره انه القشره تبع الحبوب كله فطريات غيري نوع الشامبو +ما تحطي كونديشنر على جلدة الراس بس لبين ما تتحسني
ولا تستعملي زيوت الا زيت زيتون لانه بيعقم مع ذلك اذا بتحبي تحطيه بس ساعه خلي جلدة راسك تتنفس
وكمان هل الدنيا صيف شوفيلك مكان بالبيت تدخله شمس وشمسي شعرك افتحي شعرك وخليه يتشمس كويس
الروابط المفضلة