كتبت بواسطة
mayaaa
يو توتا لو تشوفي المناكير اللي عندي عشكعشر علبه البنات بيطلبوا من ابوهم وهو ماغير بيجيب زهر وبيربل واحمر وبنك كله درجات الاحمريكا والبنكيكا بقوله جيب ازرق اخضر غير بيقولي مش حلو منمنكر على كيفه
المهم الفايل كيف يعني زجاج وهدول نفسهم اللي بيلمعوا الاظفر من فوق وبيصير متل المرايه والا لنفس طرف الاظفر انا شفت فيديوهات كثير بس انحولت من كتر الاغراض +حاسه البروسس طويله وانا ايدي كاني ما بشتغل مافيه عندي لحم زياده على اظافري وهيك بحس لو اروح عالصالون شو بدها تساويلي بعرضش ايدي للمي نهائي اما الاجرين زوجي كان يضل يروح يسوي بديكير من كتر الوقفه ولبس البوت بيحتاج فمره مسك فنقس ما تتخيلي من غير شر وصل مرحله خطيره وتسمم بالدم فبطل وانا كنت بشاور بحالي وبطلت ولاعمري عملت بديكير بصالون كنت جديد جايه وبدي اروح ولما تسمم يي شلت الموضوع كامل
هل فيه كمان زيت كيوتيكال للايدين غير الريموفر واللي بالوصره الاورنج للايدين والطويله للرجلين ؟ والا كيف
المقشر بستعمل عادي تبع الوجه ما بجيب خصوصي لرجلي لاني بجيب العلبه الكبيره بستعملها لايدي واجري ووجهي ومتعوده عالجرابات صيف شتا بس تبعون الصيف قطن خفيف مستحيل اقعد بلا جرابات ودايمن فازلين دايمن على طووووووووووووول >عبد الحيم حافظ
وشو كمان
المناكير متلك لما نتوقف عن الصلاه متمنكر
بقص اللحم الزايد من طرف الاصبع مو من عند الهلال لا من الطرف الاخير لان بيكون قاسي وزايد بشيه وبرتبه بس غلبني المبرد ابو الثلاث جهات يادوب بستعمله مره او ثنتين وبيخرب وكمان شفت بالنت مبرد لنفس الاجرين مو من تحت للاصابع ومقدمت الرجل وبجيب دايمن بس بيطلع ناعم ما بيعمل اشي
حتى الحجر نفسي بحجر طبيعي يكون منيح بحسهم ناعمين وبسرعه بيتكسر وبيتفتفت الله يرحم العوكه
بنظف اظافري بالليمون بعد ما اعصر الليمونه بخلي الباقي لاظافري وكل يوم بستعملها كل ما فتت المطبخ بحف لبها باظافري وبشيل اللب بدون ما اغسهم بس بكت اللب وخلصنا بحس الاظافر بيضلوا نظاف ومعقمات .....بس اخذ الرخصه بدي اروح لحالي واخمخم للموضوع هاد بجيب مناكير على كيفي بدال حكم الزير بالزرازير ...وبجيب هاي الاشياء
بدي اقوللكم من يوم ما ساعملت الجارنيير تبع الوجه وطبعا الباقي بدهن ايدي فيه وايدي متغيرين صراحه حلو هاد الكريم جد بتلاقي فرق مو انه معجزه بس قليل ما استعمل شي والاقي فرق فصرت امد لرقبتي ونتفه لايدي
جبت كمان قارتييه اللي للعيون بس لسه ما قررت انه بيستاهل اوصيكم فيه او ما بيستاهل ماشفت فرق
ما فهمت كيف بيلمع الاظفر و بيصير مثل الزجاج, اذا قصدك بالbuffing للاظفر ما بيصير يلمع, مش عارفة انتي جربتي هيك شغلة؟؟؟ بعرف الbuffing بيشيل اللمعة الطبيعية للاظفر و بيخليه يمسك لون النيل بوليش احسن و بيقعد فترة اطول, بس ما بنصح تعملي البفينج كل يوم كل يوم, اشي و منه مرة بالاسبوعين اوكي لحتى ما يضعف اظفرك...
اوه يمكن قصدك على منتجات البحر الميت, مرة زوجي كان بالمول و مجرب شغلة ما عرفت شو هي و لما فرجاني اظافره عجبوني بيلمعوا كانه عليهم طبقة كلير نيل بوليش و لما قال بوث منتجات البحر الميت (و قال جربهم ليفرجيني و يشتريلي شايفة بدل ما يشتريلي و انا اجرب بنفسي) المهم رفضت اشتري من عندهم لسبب انه الشركة المسؤولة اسرائيلية, لما انزل البلاد بدي اسأل و اشوف اذا في شركات اردنية بتعمل نفس المنتجات و اجيب منها ان شاء الله.
اما الالوان انا بجيب غالبا لبنتي لانها لسه صغيرة و بتحب تتمنكر كل يومين ثلاثة بلون جديد, يعين بنشيل بينك و بنحط بينك جديد, تشكيلتها اكثر شي بينكات و احمر و بيربلز و عندها اصفر و ازرق و بني كمان بس ما بتحب تستعملهم لانه ما بيبانوا حلوين ههه, لما بشتري بجيب لما يكون على التخفيض مثل انه يكون بدولار و شوية بجيبه على التخفيض ب70 و 50 سنت, ما بجيب الانواع الغالية لانه كل يومين بيتغير.
شوفي هاي عدتي اللي بستعملها و في فايل ستانليس برضه بس كنه زوجي ماخذه معه باغراضه (لا تستغربوا ايوه زوجي بيستعمل انا طلبت منه و السبب انه ما شاء الله اظافرة قويين جدا و لما يقصهم بيكونوا شوي حاديين و بيجرحوا وبخاف يجرح حدا من الاولاد و لا يجرحني بدون قصد) المهم
من اليمين: الاولاني اوعاد خشب ليها عملين: تنظيف تحت الاظفر من الاوساخ و برضه لدفع الكيوتيكال عن الاظفر, مهم جدا دفع الكيوتيكال لانه ان اهملناه عنده استعداد يمد فوق الاظفر و بيبان اصغير من ما هو اساسا.
الثالث خشن جدا من الجهتين ما بعرف ليه شريته يمكن سعره 99 سنت لهيك, بس ما بستعمله الا اذا ركبت اظافر صناعي و هالتركيب يلا يدوب مرة بالسنتين ثلاثة, بستعمله لبرد طرف الاظفر الصناعي لانه احيانا بيكون بلاستيكي و بعد البرد بيكون انعم و اهون.
الثاني: بستعمله لاظافر الرجلين فيه طرف خشن و طرف ناعم.
الرابع هو المبرد الزجاج اللي حكيتلك عنه, ممتاز جدا, اخف و الطف على الاظافر من مبرد الحديد, و الاحلى فيه انه بعد ما استعملته خف التقصف باظافري, المفتاح الkey المهم في البرد انه لما تعمليه ما تروحي بجيمع الجهات, اختاري جهة و ابردي ناحيتها. عندي من اكثر من سنة, كلمة روعة قليلة عليه.
كتبت بواسطة
pink_shadow
مايا على طاري الاظافر للبنات اللي عالكاشير .. جربت مرة سويت فرنش بس على نفس اظفري ماحبيت تحطلي تركيبة
بس قلت لها اني بغسل واستخدم ايديني كثير ابغاه يجلس على الاقل خمس ايام
اثاريها حطتلي طبقات من مثبت شفاف وتعرض اظافري لليزر يمكن 4 مرات
طلع حلو بصراحة واعطى منظر انثوي ليديني بعد الجفاف والقحط خخخ المهم لما جيت بشيله بعد خمس ايام
الله وكيلك مارضى يطلع بالاستون العادي اضطريت اروح صالون وانهبلت قالتلي هي وش حاطتلك مرة صلبة الطبقة اضطرت تلف اصابعي بقصدير بعد ماحطت عليها استون بيور
فمن بعدها مافكرت اعيد التجربة
الظاهر حطت كل جيل, لما تروحي اطلبي مانيكيور عادي اللي بتعمل فيه: برد للاظفر و تنظيف كيوتيكال و buffing و لون و top coat و بس. هاد بيقعد على الاقل 5 ايام لاسبوع و اذا انتي مثل مايا و بتلبسي قفازات بيقعد اكثر.
صحيح مايا, بالنسبة للفنجس, صحيح وارد, بس بالمحلات الصغيرة اللي شغلتها: كم اكبر عدد ممكن نعمل لهم بديكير, فما بيعملوا تعقيم للحوض اللي بينقعوا فيه الارجل و لا بينظفوا المعدات, لو تروحي لمحل كبير و يحبذ لو يكون spa مع انه السعر بيكون غالي شوي بتكوني دفعتي في السعر قيمة النظافة و المعدات بيفتحهوا جديد ليستعملوها الك بتكون خص نص بس لاستعمال عليكي, معلش مرة بالشهرين تدليع بتستاهلية... اذكر اول مرة عملت مانيكير بديكير كان يوم حنتي, كنت رايحة اعمل مكياج بالصالون و نصحتني البنت اعمل مانيكير و بديكير و كنت معارضة و قال حاطة مناكير بيضاء على اظافري القصار, بس اختي و البنت اصروا و علمت, ساعتها لما دفعت المبلغ 140 دولار صابتني هارت اتاك بس كان ورث ات احلى شي بعد العرس قعدت ساعتين و انا اخلع فيهم لحتى اصلي <<< شفتي صورة توقيعي قبل 3 اسابيع؟؟
و اخيرا جبت صندل لبنتي, من مارشلز بسهر 17 دولار بس قلت لها هاد ما بينفع للمدرسة و ما بينفع للروحة لدار سيدو بس للمناسبات و روحة المطاعم و رضت, جاري البحث على شي مريح..
باين في الصورة صندل لي من franco sarto بسعر 32 دولار بس ما ارتحت فيه و رجعته و رحت لعند carson's و جبت من ann klein wedge sandals, لبستهم في شاور خطيبة اخوي كانوا مريحين بشكل غير طبيعي لرقصنا الشمالي و بعدها هبطت بطلت اعرف امشي فيهم <<< العيب في الرقص مش بالصندل سعره كان 55 و مع كوبون 20 بالمية اوف طلع مع التاكس ب50 دولار بس
رد مع الاستدلال
()()()
الروابط المفضلة