السلام عليكم حبيباتى وصديقلتى بالمنتدى الجميل
أولا وقبل أى شئ وحشتونى جدا جدا جدا وأتمنى أن يكون الشعور متبادل
المتابعات لى ولركن المغتربات فأنا إنقطعن نقريبا عن المنتدى من حوالى أسبوعين ودخولى كان قليل جدا جدا …. فقد كنت مهمومة وحزينة وتقريبا مش بأنام من كتر التفكير

فى أول الأسبوعين توفيت عمتى رحمها الله ورحم موتى المسلمين جميعا وملأنى الشيطان بوستوسه وملأتنى الكآبة يومين كالعادة وبعدين إستعذت بالله من الشيطان الرجيم وعدت أستغفر الله وأسأله العون على الغربة
وبعد كده حصل موضوع فى ظاهره خير وكل ما هو من الله خير بإذنه تعالى

فقد وفق الله زوجى فى الحصول على عرض عمل هاااايل فى ولاية أخرى ( أيوا) فى شركة آى بى إم وبمبلغ رائع يحل لنا كل مشاكلنا المادية وطبعا فرحنا بهذا العرض وحسيت إن ربنا بيعوض صبرنا خير وهنلعب بالفلوس لعب ههههههههه

المهم بدأ زوجى فى لملمة الأوراق المطلوبة ووقع العقد وأنا بدأت ألم فى البيت وأشيل الحاجات بتاعتنا وأحط حاجات المدير اليابانى زى ما إنتو عارفين من حكايتى

ودورت على بيوت للإيجار ووجدت البيوت هناك رخيصة جدا بالمقارنة بالأسعار هنا وبدأت أشوف معلومات عن الولاية والمسجد والمدينة اللى إحنا فيها

وفى هذه الأثناء كان زوجى بيتكلم مع واحدة معاه فى الشغل وقالت له كلمة غريب…. قالت له الناس بتوع أيوا ناشفين فى تعاملهم مع الناس ولو إننا اللى يعرفنا ( قصدها على أسرتنا) يغير تفكيره عن المسلمين… والحمد لله

لم أعير كلامها إنتباها بصراحة … وفى أثناء البحث عن معلومات عن الولاية والمدينة وجدت ناس بيقولوا إن الولاية دى معروفة بالعنصرية!!!!! إستغربت قوى يعنى هنا الناس كويسين وعمرى ما سمعت كلمة وحشة من حد

المهم إنى شعرت بالخوف وقررت إنى أقرأ أكثر فى الموضوع ده …. وقريت كلام كتير .... الولاية تقريبا معقل المسيحين الكاثوليكيين فى أمريكا وهى ولاية زراعية وبالذات المدينة اللى إحنا هنكون فيها ( ديبيوك) بيسموها المدينة الأكثر بياضا فى أمريكا لأن ٩٦ ٪ من السكان بيض فى الأول لاقيت الناس اللى بتشتكى والعياذ بالله اللى هم الناس الشواذ لأن المجتمع هناك محافظ ومتدينين جدا ومش بيقبلوهم وسطهم قلت حلو قوى كده أحسن

لكن بالبحث أكثر وجدت إنهم حتى مش بيتقبلوا الزنوج بينهم!!!! وطبعا إستنبطت إنهم أكيد أكيد مش هيتقبلوا المسلمين … وأولادى لونهم مش أبيض وإنتو عارفين حسن والعقدة بتاعته وإن ربنا رزقه السنين اللى فاتت بعيال يقولوا له إنت لونك بنى ومش هنلعب معاك… ده هنا فى البلد اللى فيها ناس من كل شكل ولون أمال هناك هيعملوا فيه إيه!!!!!

وشفت صور إنهم بيكتبوا على باب البيوت اللى فيها زنوج وبيقولوا لهم يمشوا من البلد وكلام غريب بصراحة ما صدقتش وقلت أكيد الناس دى بتبالغ أو حوادث فردية

لغاية لما عرفت إن المدرس بتاع حسن فى المدرسة من بلد مجاورة لكن فى ولاية إلينوى وقررت إنى أسأله بصراحة … وفعلا رحت إتكلمت معاه وتوقعت إنه هينفى الخبر تماما ويقول لى ده إشاعات واللا كده
وإذ بى أفوجئ بإن المدرس بيقول لى يعنى أصل هم مجتمع ريفى ومنغلق على نفسه والناس هناك عارفة بعضها والعائلات ساكنة هناك من الجدود وعندهم المزارع وهم محافظين وضحك وقال لى أنا لو رحت عندهم مش هيتقبلونى بسهولة بينهم ( هو طبعا أمريكى زيهم ) وقلت له أصلى أنا مش عايزة الأولاد يتعرضوا لسوء أو يتضايقوا فى المدرسة قالى لى بالحرف كده
It is very likely to happen so be prepared for something like this!!!!!!
وقال لى Be ready for a cultural shock between Colorado and Iowa

يااااااااااه إتخنقت بالدموع وأنا بأكلمه وقلت له شكرا وإنسحبت وطوال الطريق للبيت وأنا بأعيط … يا ربى أعمل إيه أنا ما كنتش قلت لزوجى حاجة لأنى مش عايزة أعمل له أى عقبات

فكرت أقعد هناك فى البيت وما أخرجش وأعمل للأولاد هوم سكولينج علشان ما يختلطوش بأى حد هناك وما ننزلش من البيت غير وزوجى معانا ونقفل علينا الباب

أنا مش من طبعى الإنسحاب وقلت أهه يبقى كفاح ونؤجر عليه بإذن الله لكن فكرت فى أولادى… خفت يتعقدوا من ديننا خفت يكرهوا الدين اللى مسبب لهم الأذى … مش حيفهموا طبعا لأنهم صغيرين …خفت يكونوا ماشيين معايا فى الشارع أو مكان عام وحد مثلا يشتم أو يعمل حركة علشان إحنا مسلمين … وإفتكرت مروى الشربينى الله يرحمها شهيدة الحجاب .. وقلت يا سلام لو الواحد يموت فى سبيل دينه
يمكن أكون بالغت فى تخيلاتى لكن فعلا كنت خايفة

حاولت أدور على مقالات أو حد من المسلمين اللى عايشين هناك ما لاقيتش غير مقال واحد بيتكلم عن أسرة دكتور مسلم عربى عايشين هناك وإن الزوج كان بيسأل زوجته هل تحبى ننتقل لمدينة أكثر ود وتقبل لينا وهى قالت لأ بس من تعليقات الناس على المقالة لاقيت ناس بتقول لو بتفكر تنقل هنا فكر تانى وناس بتقول إنهم راحوا هناك من سنة وهينتقلوا لأن أهل المدينة غير ودودين على الإطلاق

ومفيش أى منتدى عربى ولا أى موقع عربى عرفت أطلع منه بمعلومة مفيدة غبر بس الموقع والمساحة عدد السكان كأنى فاتحة كتاب جغرافيا علشان كده قررت قرار تانى مهم هأبقى أقول لكم عليه

المهم إنى حسيت إنى محتاسة وبأعيط وخلاص ومش عايزة أقول لزوجى مش عايزاه يركبه الهم
صليت وإستخرت الله فى أمرى وقلت المسلم لا يرمى بنفسه للتهلكة وتغور الفلوس وربنا يعوض علينا اللى أحسن منها … أنا كل اللى كنت خايفة عليه هم الأولاد … فعلا خفت عليهم جدا جدا

قعدت مع زوجى وشرحت له الوضع وقلت له ممكن نروح مفيش مشكلة لكن أنا بس خايفة على الأولاد لو أنا مش معاكم ما حدش هيعرف إذا كنتم مسلمين واللا لأ ويتبقى بقى موضوع اللون ده مش هنعرف نعمل فيه حاجة وإقترحت عليه إننا ممكن نقعد فى البيت ما نطلعش خالص إلا للشديد القوى لغاية لما يآخد الخبرة فى الشركة سنة أو إتنين وربنا يكرمنا بوظيفة تانية… وقلت له ممكن تروح إنت وإحنا نفضل هنا أو نروح كاليفورنيا عند إبن خالته أهه نبقى جنب قرايبنا وخلاص … وإديته كذا بديل ما قفلتش فى وشه الباب زى قبل كده

مش عارفة هتوافقونى واللا لأ؟ هو لسه بيصلى إستخارة مرة تانية وتالتة وهيشوف هيحصل إيه

هل أنا غلطانة؟ أنا فعلا خايفة وخصوصا إنى سمعت من أكتر من مصدر مش واحد وسمعت من مدرس حسن اللى مولود وعاش هناك طول عمره… أنا بصراحة إرتحت جدا بعد ما صليت وإستخرت ربنا وإتكلمت مع زوجى … حاسة إن جبل من الهموم إنزاح من على صدرى

زوجى طبعا خاف وقال لى إيه القرف ده إزاى نروح وتتحبسوا فى البيت علشان إيه يعنى…
أعتقد إنه هيرفض الوظيفة هو مرتاح للحل ده وخصوصا إننا متعاهدين من ساعة ما تزوجنا إننا على طول نفضل مع بعض أسرة واحدة على الحلوة والمرة زى ما بنقول فى مصر

معلش دوشتكم معايا بس الدرس المستفاد قبل ما تنقلى ولاية إسألى كويس عن كل حاجة فيها ولو ليكى حد ساكن هناك يبقى خير وبركة

والله الحافظ وهو أرحم الراحمين

غاليتي الله يكون في عونك من جد قرار صعب جدا..
بصراحه ماآقدر افيدك بأي معلومه ماأعرف شي عن هالولايه..لكن اللي انتي قريتي وسمعتي يكفي
انتي استخيري مره ثانيه وثالثه واكثري من الاستغفار فهو مفتاح الاقفال...
الفلوس والراتب ماتهم عند الراحه النفسيه والاستقرار..
انا من رأيي انكم تجلسوا في نفس ولايتكم هذي ويستمر زوجك في نفس عمله..أو انك ترجعي مصر انتي وأولادك ويروح زوجك سنه او سنتين ويضبط الحاله الماديه بعدين يغير شغله وترجعون معاه..
اتمنى اني اكون افدتك لو بشي بسيط

اه يا ام حسن يا عمري
مش عارفه شو احكي لك غير تعالي عنا والله ما بمزح هون الولايه الناس ما بتميز وصحيح في ناس بكونوا بكرهونا بس مش زي الناس بولايه lowa
هدول عنصريين كتيييييييييييييييييييييييير ومتعصبين بدينهم
وهي مش حياه انك تنحبسي انت والولاد بلبيت عبال ما يوخد زوجك خبره خليه يقدم علي فرع تاني للشركه وشوفي اذا في شئ هون عنا بتكسس
هو الاقتصاد ما كل هوا بكل امريكا بس ما بتعرفي جربي
علي العموم انا اليوم بسال زوجي عن الولايه بالضبط
انت ما بتشوفي افلام القديمه عن الزنوج الامريكيه واصحاب الولايه
الله يهدي بالك وييسر امرك ويفرجها عليكي
والله انا ما بمزح خليه يقدم ويسال اذا في لهم فرع عنا
طيب ليش دفعوا له مبلغ خالي بالولايه هذه بالذات
هو في الناس ما بتفهم ولا بتقدر وبكونوا بتمني يقتلونا بس لولا القوانين بس الماسكتهم علينا تاكدي مع منهم ما بسال بالقوانين ولا بطيخ
علي العموم انا اليوم بسال زوجي اكتر عن الولايه لانه صار له عايش بامريكا تقريبا 30 سنه ودرس هون واكيد بعرف عنا بس انا البعرف عنها انه متشددين بدينهم وعنصرييين

كتبت بواسطة rama1100

غاليتي الله يكون في عونك من جد قرار صعب جدا..
بصراحه ماآقدر افيدك بأي معلومه ماأعرف شي عن هالولايه..لكن اللي انتي قريتي وسمعتي يكفي
انتي استخيري مره ثانيه وثالثه واكثري من الاستغفار فهو مفتاح الاقفال...
الفلوس والراتب ماتهم عند الراحه النفسيه والاستقرار..
انا من رأيي انكم تجلسوا في نفس ولايتكم هذي ويستمر زوجك في نفس عمله..أو انك ترجعي مصر انتي وأولادك ويروح زوجك سنه او سنتين ويضبط الحاله الماديه بعدين يغير شغله وترجعون معاه..
اتمنى اني اكون افدتك لو بشي بسيط

الله يكرمك راما على ردك ويفرجها علينا جميعا والله المشكلة بس فى حكاية نزول مصر دى إننا لسه مش معانا الجنسية معانا بس الجرين كارد فهيكون لازم علينا نرجع كل ٦ شهور علشان نحتفظ بيها وما تضيعش علينا
ربنا يقدم لنا اللى فيه الخير
جزاك الله خيرا غاليتى

كتبت بواسطة amani1

اه يا ام حسن يا عمري
مش عارفه شو احكي لك غير تعالي عنا والله ما بمزح هون الولايه الناس ما بتميز وصحيح في ناس بكونوا بكرهونا بس مش زي الناس بولايه lowa
هدول عنصريين كتيييييييييييييييييييييييير ومتعصبين بدينهم
وهي مش حياه انك تنحبسي انت والولاد بلبيت عبال ما يوخد زوجك خبره خليه يقدم علي فرع تاني للشركه وشوفي اذا في شئ هون عنا بتكسس
هو الاقتصاد ما كل هوا بكل امريكا بس ما بتعرفي جربي
علي العموم انا اليوم بسال زوجي عن الولايه بالضبط
انت ما بتشوفي افلام القديمه عن الزنوج الامريكيه واصحاب الولايه
الله يهدي بالك وييسر امرك ويفرجها عليكي
والله انا ما بمزح خليه يقدم ويسال اذا في لهم فرع عنا
طيب ليش دفعوا له مبلغ خالي بالولايه هذه بالذات
هو في الناس ما بتفهم ولا بتقدر وبكونوا بتمني يقتلونا بس لولا القوانين بس الماسكتهم علينا تاكدي مع منهم ما بسال بالقوانين ولا بطيخ
علي العموم انا اليوم بسال زوجي اكتر عن الولايه لانه صار له عايش بامريكا تقريبا 30 سنه ودرس هون واكيد بعرف عنا بس انا البعرف عنها انه متشددين بدينهم وعنصرييين

إحنا برضه عندنا الولاية كده يعنى الناس بشوشين والله وقليل جدا اللى يكشروا فى وشك وفيه ناس بتكون عايزة تعرف وبتسأل على إستحياء ليه إنتى لابسة كده والكلام ده علشان كده أنا ما توقعتش حد فى أمريكا يكون لسه تفكيره كده ... يللا بقى ربنا يكرمنا وييسر لنا الحال
جزاك الله خيرا على كلامك والله زوجى بيدور على شغل فى تكساس بيحب هيوستن جدا جدا ... إسألى زوجك وقولى لى وجزاكم الله خيرا حبيبتى

والله ما انا عارفه شو بدي اقول لك الله يرحم عمتك اول شي,والله انا عشت في بلد زي اللي بتقولي عليها هيك كانو اتعس سنين حياتي بس ماتتخافي من كلامي لاني لسه كنت جايه جديد و ما بعرف لغه ولا بعرف حدا بس بالنسبه الك لازم تروحي تشوفي بعينك ا و على الاقل زوجك يشوف فيها عرب ,مسجد ولا كيف لاني انا اقرب مسلمين الي كانو ساعه ونص بالسياره ,وممكن تشوفو اذا فيه بلد قريبه يكون فيها عرب تسكنو فيها وزوجك الله بعينه على السواقه

انا عملت سرتش لقيت عنا في مينيسوتا ibmشوفي اذا ممكن يقدم على شغل هون

سوسو .... جزاك الله خيرا يا بنتى والله ...
هأشوف كده لو ممكن يكلم مكتب التوظيف يشوفوا له فى نفس الشركة بس فرع فى ولاية تانية ... فكرة حلوة
جزاك الله خيرا حبيبتى

رايي بصراحة الله الغني عن هالمدينة المسلم عزيز بدينه وين مايروح يعني حتى لو بس انتي اللي يبان عليكي مسلمة من حجابك طيب واولادك ؟ ماتبغين تعززين الدين بقلوبهم حتى يكبر قوي معاهم ؟ اذا بصغره يخاف يقول هو مسلم ولا يفتخر بدينه وعاداته تعتقدين من يكبر راح يعتز باسلامه؟ الله يعينك اختي ويفتحها بوجهك ويهديكي لطريق الصواب

ام حسن
الله يختار الكم الافضل وين ما كان
بس و الله اعلم ايوا الناس اللي فيها بيتسموا الريد نك يعني الرقبة الحمرا و هدا ع شدة بياض البشرة
فاتأكدي رح تتعرضوا للانتقاد و احتمال كبير ابنك ما حد رح يرضى يحكي معه بالمدرسة
و تخيلي لو يطلع معلمته كمان عنصرية


صاحبتي كانت ساكنة بمنطقة الريد نك بولاية نورث كولورانيا حكت لما صارت احداث 2001 كانت الشرطة تروح اولادها من المدرسة
و 3 شهور و رحلوا

و صاحب زوجي اجاه عرض بمدينة مثل ايوا سنة وحدة و تركها


و صاحب زوجي امريكي بيحكي هما مش بايدهم لما بيعملوا هيك
لانهم طول عمرهم ما شافوا حد ملون او اجنبي
و ما بيشوفوهم غير بالجامعة
و اهليهم بيحكولهم انه المسلمين عندهم قلب خنزير

فانت اذا قبلتي العرض استعدي لكل الاحتمالات
و فكري كويس احسن ما تندمي
و مش كويس انه زوجك يقبل العرض و يرد يغير شغله لا سمح الله بعد فترة