لو إنتى متعودة تعملى الشوبينج فى ول ماارت الموضوع ده هيفيدك جدا جدا إن شاء الله

فيه ناس كتير سألت عن موضوع البرايس ماتش Price Match بتاع ولمارت

الموضوع ده أنا كنت أسمع عنه لكن عمرى ما جربته لغاية لما الغالية أمانى ( محترفة البرايس ماتش بولمارت) شجعتنى بكلامها

أنا قلت أعمل موضوع منفصل عنه علشان الكل يشوفه بدل ما أكتبه
وسط موضوعى ☆$$رحلتى مع التوفيــــر .... إستخدام الكــــوبونـــات $$☆

ولمارت بيتعهد إنه يعطى لك سعر المنتجات اللى موجودة فى أى محل تانى
بسعر المحل التانى ( اللى هو طبعا أرخص من سعره هو)
الأول أنا كنت فاكرة إنك بتعملى بس على المنتجات البراند نيم Brand Name
يعنى إيه يعنى مثلا صلصة هاينز فى تارجت مثلا نازل عليه تخفيض ب نص دولار وموجود عند ولمارت بدولار تقدرى تروحى لولمارت وتقولى له إن تارجت عامل العلبة بكذا وأنا عايزة أعمل برايس ماتش وآخده زى تارجت
لكن أمانى الله يكرمها وضحت لى إن ده فى كل شئ بمعنى الخضار والفاكهة وكمان لو مثلا تارجت عامل علبة الصلصة بتاعته ( الستور نيم بتاعه اللى هو Market Pantry) بنص دولار تقدرى تآخدى الصلصة بتاعة ولمارت(Great Value) ماركة ولمارت بنص دولار برضه

علشان تكونى فى السليم خدى الفلاير معاكى زى ما قلت علشان لو صادفتى لا قدر الله كاشير غلس توريها له على طول

تعالوا بقى أوريكم أنا عملت إيه الأسبوع اللى فات فى ولمارت

قبل ما أنقل البيت ده ( لو عايزين تعرفوا حكايته أدخلوا هنـــــا) كان جنبى ولمارت وكنت داااائما أروح له أعمل شوبينج لكن للأسف البيت ده مفيش جنبه ولمارت بعيد شويتين لكن أنا بأنتهز أى فرصة أكون بجوار ولمارت وأعدى عليه أشوف إيه الأخبار

طبعا قبل ما أروح بصيت على العروض وأخدت كوبونات والذى منه وبصيت على عروض باقى المحلات
لاقيت محل هنا إسمه Sprouts Farmers Market
أنا بأحب المحل ده منتجاته نضيفة وجميلة المهم كان عامل فى عروضه الفلفل الرومى الأحمر ال 3 بدولار واحد وكمان عنده الخس الأحمر ب 99 سنت قلت خلاص أجرب فى الإتنين دول وتوكلت على الله ورحت

الحقيقة كنت خايفة زى ما أكون بأسرق !!! على فكرة ده كان إحساسى برضه لما بدأت أستخدم الكوبونات لكن إحنا مش بنعمل أى حاجة ضد القانون أو ضد قوانين المحل والحمد لله ومش بنضحك على حد

المهم إشتريت الفلفل الرومى الواحدة كانت نازلة من 1.65 إلى 1.5 دولار جبت 3 وكان الخس عندهم ب 1.49
وروحت على الكاشير وقلت لها عايزة أعمل برايس ماتش للفلفل والخس ووريتها الفلاير بتاع سبراوتس هى ما طلبتهوش لكن أنا وريته لها وخلاص
طبعا كنت طاااااااايرة بالسعر بتاع الفلفل تخيلو يعنى ال3 المفروض ب 1.5* 3 = 4.5 دولار وأنا أخدتهم بدولار واحد
والخس كان ب 1.49 وأخدته ب 99 سنت

وصورت لكم الحلوين أهم


وبالمرة بقى صورت لكم الحاجات اللى جبتها ببلاش كده على الماشى



كريم الفازلين ب 97 سنت ومعايا كوبون دولار والفرش كل واحدة ب 97 سنت برضه وإستخدمت إتنين كوبون كل واحد بدولار

اللى عايزة تسأل أى سؤال أنا فى الخدمة وأمانى كمان أكيد ما عندهاش أى مانع تساعد
أنا مش عارفة إذا كان فيه أى ستور تانى بيعمل نفس نظام ولمارت واللا لأ يا ريت لو حد عنده خبر يقول لنا

وصباح التوفير على الجميع
سلامى وحبى لكن

صراحة يا ام حسن انا بتبضع من target

ليش؟ لانه بحب عنده ال system بتستعملي Target coupon+ Manufactor Coupon
بنفس الوقت

خذي على سبيل المثال ال danon activia yogurt

الان هم for $2.00

وفي عندك كوبون 2off 2 لِ Target

وكمان استعملي 2 كوبون $1 off

الحصيلة فري

يسلموا ايديكي يا ام حسن علي الموضوع الرائع
انا ف عندي محل عنده طاوله التي بتنفرد وبعدين تقدري تطويها هي شكلها مستطيل بس بتوسع لكراسي كتيره انا العام الماضي عزمت ناس بس للاسف ما عندي طاوله زياه غي رطاوله السفره وبعدين البيت بلاط ما بقدروا يقعدوا زي البلاد علي الارض استعريت من صاحبتي
بس امبيرح شوفت الطاوله ب24.99 وهي سعرها 45 او 40 دزلار
عن بفكر اروح اعمل ماتش لها سالت لزوجي وان شاء الله لما اروح واعمل ماتش بصورها
يعني مش بس اكل وكمان ملابس مثل ماركت هانت او جيربر بتكون بالمول غالي وبعض الاحيان بعموا عليها تنزيلات وال مارت عنده نفس البراند اعمل يماتش وحتي عندي كم كوبون للناس والماعندها تامين بس رووعه استني عليي لبكره او بعده بنزل الكويبونات وبقبلوها كمان

[QUOTE=صاحبة الـ@ـسك;12599955]

قبل ما أنقل البيت ده ( لو عايزين تعرفوا حكايته أدخلوا هنـــــا) كان جنبى ولمارت وكنت داااائما أروح له أعمل شوبينج لكن للأسف البيت ده مفيش جنبه ولمارت بعيد شويتين لكن أنا بأنتهز أى فرصة أكون بجوار ولمارت وأعدى عليه أشوف إيه الأخبار

طبعا قبل ما أروح بصيت على العروض وأخدت كوبونات والذى منه وبصيت على عروض باقى المحلات
لاقيت محل هنا إسمه Sprouts Farmers Market
أنا بأحب المحل ده منتجاته نضيفة وجميلة المهم كان عامل فى عروضه الفلفل الرومى الأحمر ال 3 بدولار واحد وكمان عنده الخس الأحمر ب 99 سنت قلت خلاص أجرب فى الإتنين دول وتوكلت على الله ورحت

الحقيقة كنت خايفة زى ما أكون بأسرق !!! على فكرة ده كان إحساسى برضه لما بدأت أستخدم الكوبونات لكن إحنا مش بنعمل أى حاجة ضد القانون أو ضد قوانين المحل والحمد لله ومش بنضحك على حد

المهم إشتريت الفلفل الرومى الواحدة كانت نازلة من 1.65 إلى 1.5 دولار جبت 3 وكان الخس عندهم ب 1.49
وروحت على الكاشير وقلت لها عايزة أعمل برايس ماتش للفلفل والخس ووريتها الفلاير بتاع سبراوتس هى ما طلبتهوش لكن أنا وريته لها وخلاص
طبعا كنت طاااااااايرة بالسعر بتاع الفلفل تخيلو يعنى ال3 المفروض ب 1.5* 3 = 4.5 دولار وأنا أخدتهم بدولار واحد
والخس كان ب 1.49 وأخدته ب 99 سنت

وصورت لكم الحلوين أهم


وبالمرة بقى صورت لكم الحاجات اللى جبتها ببلاش كده على الماشى



كريم الفازلين ب 97 سنت ومعايا كوبون دولار والفرش كل واحدة ب 97 سنت برضه وإستخدمت إتنين كوبون كل واحد بدولار

اللى عايزة تسأل أى سؤال أنا فى الخدمة وأمانى كمان أكيد ما عندهاش أى مانع تساعد
أنا مش عارفة إذا كان فيه أى ستور تانى بيعمل نفس نظام ولمارت واللا لأ يا ريت لو حد عنده خبر يقول لنا

وصباح التوفير على الجميع
سلامى وحبى لكن

الله عليكي ا ام حسن بالله عليكي مش شعرتي انك بدك تزغرطي من الفرحه انا هيك كان شعوري
ورجعت ناني يوم وعملت ماتش للناسكفيه الحجم الكبير خاص ب398 وكمان كان معي 1.50 كوبون طبعته واخدته ومرتنبان جلي 1.18 وهو 4 دولار الكاشير طلعت عينها علي السعر

كتبت بواسطة هداية~

صراحة يا ام حسن انا بتبضع من target

ليش؟ لانه بحب عنده ال system بتستعملي Target coupon+ Manufactor Coupon
بنفس الوقت

خذي على سبيل المثال ال danon activia yogurt

الان هم for $2.00

وفي عندك كوبون 2off 2 لِ Target

وكمان استعملي 2 كوبون $1 off

الحصيلة فري

إن شاء الله هأجرب العرض ده النهاردة عرض جميل ولذيذ شكرا هدهود

أمانى منتظراكى بفاااااارغ الصبر يللا ورونا الشطارة هههههه

مشكوووووووره والله يعطيك العافيه تعبناك معانا
الله لايحرمك آجر ماكتبتي يارب

آنا ان شاء الله ابروح ولمارت اليوم واشوف .. بس مشكله مامعي اي اسعار للمحلات الثانيه.. تتوقعي يسووا لي الخصم من دون مااعطيهم اي ورقه ؟

كتبت بواسطة rama1100

مشكوووووووره والله يعطيك العافيه تعبناك معانا
الله لايحرمك آجر ماكتبتي يارب

آنا ان شاء الله ابروح ولمارت اليوم واشوف .. بس مشكله مامعي اي اسعار للمحلات الثانيه.. تتوقعي يسووا لي الخصم من دون مااعطيهم اي ورقه ؟

بصى أمانى بتقول ممكن من غير الإعلان أنا بقى زى ما إنتى عارفة ما جربتش إلا مرة واحدة ومشيت جنب الحييييييط وأخدت الإعلان
بصى شوفى الستور اللى إنتى عايزة تعملى معاه برايس ماتش وإدخلى على الويب سايت بتاعهم هتلاقى الإعلان إسمه Weekly Ads
إطبعيه وريحى دماغك بالذات علشان دى أول مرة ولما إيدك تآخد على الموضوع هتعرفى بقى لازم تآخدى الإعلان واللا لأ وممكن تتصاحبى كمان على الكاشيرات هناك وتعرفيهم ويعرفوكى وتكونى عرفة الغلس من الكويس