هلا بكم ياعرايس
عرسي قريب ونبي حد يفيدني في كيف أعمل تشكيلة الحناء الطربلسية لأنها عاجبتني واجد واجد أنا شرقاوية وما عنديش فكرة عن عمل لصقة الحناء الطرابليسية بذات الرجلين
وعندي سؤال ثاني خطيبي أرسل لي مال لشراء الكسوة شنو الأغراض إللي يمكن أشتريها غير البدلة الكبيرة والصغيرة والذهب يعني قداش سبات أجهز ؟؟؟
أفيدوني الله يفرجها عليكم... وأنا عرسي في عز الشتاء ونسيت شريت روبين صيفي وما نعرفش هل أنا غلطت في شراءهم وإلا لا ؟ يعني ما أقدر ألبسهم عشان البرد ؟؟؟؟
ساعدوني أنا متلخبطة وقلقة ومانعرفش شنو ؟؟؟ أنتظر ردكم بفارغ الصبر

حبيت أنخش ندعيلك الله يسهلك وتأخذي أحلي بتات
و العرس الحلو
ويسعدك في حياتك الزوجية ياربي
علاش القلق
ديما أدعي ربي ايسهلك امورك ويطمن وريحلك نفسيتك هذه أحلي أيامك لانها اتجي مرة في العمر
أنا مش متزوجه ومنقدرش أنفيدك وأن شاء الله اترد عليك أخوات الطرابلسيات

وفقك الله

السلام عليكي اختي الغالية وبارك الله لكي وبارك عليكي وجمع بينكم على خير بالنسبة للحنة الطرابلسية سهلة ولكن لاتكون لصقة جاهزة بل تجهز بقصها بطريقة معينة فاسالي صديقاتك او جارتك من يجيدها فاغلب النساء في طرابلس يعرفنها اعذريني اذا قصرت في المساعدة لاني عند دخولي المنتدى وقرات ما كتبتي فرحت بان الافراح تقام في ليبيا الخير فالله يسعدك ويكمل عليكالانس والفرح

الله يباركلك غاليتي ويفرح قلبك يارب
ويتمملك علي خير ان شاء الله
ادعي دائما هدا الدعاء
((اللهم لا سهل إلا ما جعلته سهلا فإنك تجعل الحزن إن شئت سهلا))

وان شاء الله ربي يسهلك امورك كلها
سامحيني عالتقصير انا عشت في تاجورا وماعنديش فكرة عن الحنة والامور هادي
ان شاء الله الطرابلسيات يساعدوك اختي
موفقة

ربي يهنيك ويسعدك ويتمم عليك بالخير
عاد وناقص غير تلبسيله الصوف اكيد بتلبسي ارواب مكشوفه وحرايريه حسستيني مافيش اختراع اسمه تدفئه
ردي بالك اديري جو العزايز مكمكمه روحك وعاد في نفس الوقت مش عاد تزوديها تجيك برده تيبسي يعني...
دفي شقتك اوبيتك او حجرتك اللي بتعيشي فيه في المستقبل فهمتيني اختي هكي تزوجت في الشتا لما يخش راجلها البيت يصيف من كتر ما مدفياته وعاشت حياتها هيا وياه مشاء الله
وووووووووووووووواي امتا حتا حني بنتزوجو البخت جوووووووووووو

اولا الف الف الف مبروك حبيبتي
بالنسبة للحنةما نقدرش نفيدك لاني من بنغازي
وبالنسبة للارواب اكييييييييييييد هتريهم كله مكشوفين وكيف ما قالت الاخت omreee
راك تديري جو عزايز هههههههههههه
انا لعند توا ليا متزوجة 3 سنوات وقريب 3 شهور وعندي بنوتة لكن في شقتي ما نلبس الا صيفي يعني ندفي الشقة ونصيف ههههههههههه
وبالنسبة للشراء السلات
ديري سلة ميك اب وعطور
وسلة فيها بدل رسمية يعني بدلة مكونة من (جاكيت قصير وقونة قصيرة عالركبة يعني )عشان تلبسيهم في الطلعات اللي بعد الفرح اكيد هتزوري عند اقاربه وعند اقاربك
ومعاهم احذية وحقائب
ومنك بتاتك انتي عاد
وما تنسي تشريله هو هديته مثلا(لبسة روب نوم مع بيجامة وعطر او ساعة)
وماتنسيش الاطقم تبع الكريمات مع عطورهن خوذي سيت واحد ويكون حلو
وكانك في شقة بروحك عاد المطبخ والالات والصالون و...و..و...
وربي يعينك ويعين هلك ههههههههههههه
واي سؤال اخر انا جاهزة

مشكووووووووووووور

حبيبتي روب في فرو او معطف شيك ممكن تلبسيه