السلام عليكم ورحمة الله وبركاته
طبعا الموضوع باين من عنوانه
وهفسر لكم اكتر عشان تفهموا قصدى على ايه بالظبط
ان شاء الله موعد فرحى قرّب خااااااالص اهو ..
انا هبقى محجبه بإذن الله تعالى
و اكيد لفة الطرحه دى هيبقى استحاله انى اعمل تحتها تسريحه .. وحتى لو عملت هتبوظ خااالص
وفستانى تصميمه قائم على ان الجزء العلوى كلو شفاف اوووى و من الخلف 3/4 الضهر باين .. وطبعا هبقى لابسه بدى مطرز تحت الفستان ( تقريبا زى اللى فى المرفقات )
واتفقت انا وخطيبى يعنى اننا بعد ما نروح البيت هخلع الطرحه والبدى .. واقعد بالفستان بتصميمه الطبيعى خالص ( يعنى زى ماتقولوا كدا عاوزين نستغل الفستان وخصوصا انى جايباه من اتيليه .. يعنى هيرجع تانى واحنا عاوزين تبقى ليله حلوه ومتتنساش وف نفس الوقت عاوزه برضو اجرب الفستان هيبقى عامل عليا ازاى اشمعنى يعنى اللى بيلبسوووووووه كدا هههههههههه )
المهم انا فكرت اسيب شعرى كدا وخلاص .. لقيت انها هتبقى حاجه عاديه اوى
ف فكرت انى اسألكوا عن
تسريحات بسيطه خالص خالص وسيمبل جداا وممكن اعملها لنفسى ومش احتاج مساعده .. ومتاخدش اكتر من 5 او 10 دقايق بالكتير ( لانى مش معقول هدخل الاوضه واعمل تسريحه واقعد فيها فتره طويله واسيبه بره لوحده ياحراااااااااااااام !! ههههههههههه )
ياريت بجد تساعدونى ف الموضوع دا و ربنا يجازيكوا خير الجزاء اللهم آمين
الروابط المفضلة