عروسات المستقبل تعالوا اقولكم ..
ازيكم يا عرايس ياقمرات عايزة اقولكم نهاردة على شوية نصايح انا جربتها تنفع اى عروسة وفى نفس الوقت حابة اعمل معاكم نقاش فى اسئلة ساعات بتشغل بالنا يمكن محتاجين معايا المتزوجات كخبرة ومحتاحين االعرايس الحلوين عشان يستفيدوا .. الموضوع مش خاص بالخلطات اكتر من انه خاص بناصيح مفيدة عملية
لو عجبكم الموضوع شجعونى ولو لا بجد قولولى اقفله متخافوش مش حازعل لانى هدفى اننا نفيد ونستفيد
يالالا نبتدى باول نصيحة
نصيحة ياعرايس اللى حيتجوزا اشهر الجاى او اللى بعده ابداوا اهتموا بنفسكم من دلوقتى عشان كل يوم حيعدى حتنشغلوا اكتر الفرش والحجز وحاجات ناقصة مهما كان انشغالك دلوقتى مش حيبقى زى الايام الجاية .. بصراحة مش معقول اننا نهتم بكل حاجة ونسيب نفسنا يعنى جوزو مش حينبسط لما يلاقى الفرش جميل والستاير روعة وجسمك مثلا مش ناعم او وزنك مش مظيوط ساعتها ولا حتفرق معه المطبخ ولا الانتيكات مفروض كل حاجات ديه عشان تكمل فرحتنا متبقاش هى الاساس وننسى نفسنا احنا الاهم فاهمينى يابنات
انا عن نفسى بدات امشى 3 مرات فى الاسبوع متقوليش بردو وزنى حلو المشى بيشد الجسم جدا وبيظبطه حتلاقوا جسمك مختلف شكله فى لانجيرى يبقى مشدود وبيخلى حتى وشك منور عشان الدورة الدموية شغالة كمان بجد بيخليكى تفكرى حلو ونفسيتك احسن
اللى حيقول عندى شغل انزلى قبل شغلك ب نص ساعة بدرى وامشيها ول قاعدة فى البيت انزلى امشى نص ساعة قبل ما تروحى المحلات كانك بدل ما تاخدى تاكسى خدى رجلك
يعارفين بجد لما ناخد حاجات ديه بنيه اننا نسعد ازواجنا ربنا بيسهل علينا وتاخدى كمان ثواب ارضاء زوج يالالا بقى اهمتوا بنفسكم عايزين بيوتنا جميلة من جوا ومن برا
كتبت بواسطة JoDy 2008
الروابط المفضلة