كتبت بواسطة alzaa

ازيكم يابنات وحشتوني اوي وهنودة حبيبتي وحشتني خالص كل سسنة وانتم طيبين كلكم معل غبت عنكو كتير اوي بس النت عندي كان فاصل هنودة حبيبتي كنت عاوزة اعرف بودر ماكس فاكتور 3في واحد كويسة بردو لو حد من البنات جربها ياريت يقولي هي وكريم الاساس بتاعها

حمد لله على سلامتك ياجميل مبسوطة انك بخير
بصى ياحبيبى منتجات ماكس فتكتور كلها تحفة
البودر ديه انا معرفش بصراحة حلوة ولا
بس كريم الاساس بتاعه حلو جدا وناعم على البشرة

كتبت بواسطة rose85

حبيت اسلم عالبنات كلكم شلونكم وشاخباركم
هنودة موضوعك حلو بجد وانتي وردة وتستحقين كل خير ياربي اشكرك بجد على كل التعب اللي تتعبيه عشانا

تعبكم راحة ياروز انتى تامرى انا ببقى مبسوطة وانا معاكم

كتبت بواسطة rose85

حبيبتي هنودة باللهجة المصرية تقصدين باللبن الحليب نفسه صح ولا انا غلطانة ؟؟؟؟؟؟؟؟؟؟

ايوة يا قمراية اللبن هو الحليب

كتبت بواسطة az-butterfly

السلام عليكم ...ازيكم يا احلى قمرات ....

هنودة ازيك عامله ايه ؟؟؟ يارب تكونى بخير

بصى حبيبى انا دلوقتى بقالى 6 ايام بستخدم الكينا كومب للابط اوك
مفيش اى نتيجة لسه ... فهل لما انتى استخدمتيه كان رد الفعل ازاى ؟؟ يعنى كان تقشير ولا الغمقان بيفتح لوحده ولا ايه ؟؟؟

وشكرا ليكى حبيبتى...جزاكى الله خيرا

اهلا يا عزة انتى اخبارك ايه ؟؟
بصى ياقمر كيناكومب نتيجة نهائية بعد اسبوعين ل 3 اسابيع مش اكتر من كدا
ولو مظهرتش نتيجة يبقى خلاص يقف
هو بيفتح الغمقان مش تقشير خالص
يعنى انا واصحابى وامامة محمد هنا فى منتدى جاب معانا نتيجة بعد اسبوعين

كتبت بواسطة ميويا86

ماشاء الله يانودي يا حبيبتي
كلامك تمام ورائع كالعادة
بس ياتري يانودي احنا المفروض نعمل اية ف بشرتنا من اول ما نصحي من النوم لحد ما ننام
يعني من اول الغسول الصبح و.......
لحد كريم الليل قبل النوم
والصن بلوك اية نظامه؟
انا بشرتي دهنية هوه كريم الليل والنهار في منه انواع ولالكل الانواع
وتنصحيبني بماركة اية؟
ربنايجزيكي كل خير ويرضي عنك حبيبتي
ويسعدك انتي وزوجك

ميويا ياقمراية ايه اخبارك ؟؟؟
بصى حبيبى انا حرد على سؤالك بالتفصيل فى شكل موضوع اوك؟؟
عشان الكل يستفيد

كتبت بواسطة SHAIMAA.M.M

هنودة ازيك ياقمر حبيت بس اسلم عليكي واشكرك كتير
جزاكي الله كل الخير
اذا احب الله عبدا حببه الى خلقه
وانا بحبك كتيييييييييير صحيح انا لسة اول مرة اشارك في عروسات المستقبل بس بقراه من زمان وانا دلوقتي في الجزء السابع وقريت احكي ياشهر زاد بس بجد حسيت من كلامك انك في منتهي الذوق والرقة وطبعا كل مواضيعك تجنن
أسأل الله لكي خيري الدنيا والآخرة اللهم ااااامين
انا كمان مبسوطة جدا بكل البنات اللى هنا واتمني اكون صديقة جديدة ليكو
انا عندي معلومة بعد اذنك طبعا
من الحاجات اللى بتقلل ظهور الشعر واحيانا بتساعد على اخفائه تماما
1- زيت الزيتون ودا انا عرفته منك طبعا بس بصراحة لسة مجربتوش
2- مرارة حيوان + نشادر ودي انا جربتها بس بصراحة المرارة مقرفة وريحتها مش حلوة وكمان سمعت انها بتجمع الجراثيم والسموم من الجسم ودا طبعا خطر لأن المسام بتكون وقتها مفتوحة وكمان النشادر بتحرق ناااااااااار
3- مغلى نبات السعد ودا جربته بس نتيجته ضعيفة اوي
4- التمر هندي ودا قريت عنه في احد المنتديات بس مجربتوش
5- مغلى الترمس ( الماء اللى بيستوي فيه الترمس) ودا جربته نتيجته حلوة واختفي الشعر بنسبة25% تقريبا
6- الاسيتون ودا جربته وفعلا حلو جدااااااا وشال الشعر بنسبة 75% تماما وان شاء الله ناوية اعمله تاني هو بيحرق شوية بس مش زي النشادر يعني عادي ممكن نستحمله
7- دم الوطواط ودا اما الواحدة بتروح مركز تجميل او بتجيبه برده من مركز تجميل وتعمله في البيت بس طبعا خطر جدااااااا لانه ممكن يكون فيه امراض وكمان مقرف جدا مع انه بيقضي على الشعر تماما بصورة نهائية بس مش ناوية اجربه لخطورته
وسلام يأجمل هنودة في الدنيا

شيماء ياقمراية مبسوطة انا بقيتى معانا احنا هنا كلنا اصحابك خلاص
ومعلوماتك حلوة ياقمر وفعلا الزيتون حلو اوى وبعد الترمس
نبات السعد بردو مش عجبنى
مرارة سمعت انها كويسة بس كلامك عن بكتريا يبقى بلاش منها
الاسيتون بصى حلقة امينة شلباية للى فاتت قالت انه غلط جدا ده بيحرق البشرة وتعمل التهاب فى بصيلة الشعر بيظهر بعد كذا مرة

كتبت بواسطة ميويا86

الحمد لله حبيبتي انا بخير
يارب تكوني في احسن حال
طب بصي ياموني هوه عايز يتفرك جااامد ولما يتفرك بيبقي معجن شوية كدة؟
انا عارفة اني تعبتك معايا والله بس غصب عني
ويا حبيبتي انتي بتعرفي تشرحي كويس بس انا اللي خايبة حبتين
ربنا يبارك فيكي يارب

يا حبيبتى انتى مش خايبة ولا حاجة وتعبك راحة يا قمر احنا اخوات
بصى هو لما بيتفرك بيبقى عجينة مش بيبقى ناشف اوى انا لسة عاملاه النهاردة وكان حلو اوى
ولما فركته كان زى العجينة مش ناشف يعنى شادد اوى على وشك لا بيبقى عجينة بس طبعا لما بتيجى تحطيه مش بيبقى معجن ولا سايل خالط وهو بيبنشف على وشك وتحسى بشدة بسيطة يعنى لما تيجى تضحكى مثلا بس ولما بيتفرك بيبقى معجن فاهمانى
واسالى يا حبيبتى براحتك بالعكس ده انا فارحانة بيكى جدا عشان بتحاولى تعرفى الصح ايه وبعدين احنا اخوات
سلام يا قمر

السلام عليكم قمراتى
كل سنة وانتم طيبين مقدما برمضان وان شاء الله قرب رمضان حنتكلم عن رمضان شوية لان ده اهم شهر فى السنة

نهاردة حنتكلم عن الروتين اليومى للبشرة زى ما كانت ميويا بتسال

الروتين اليومى من اسمه بيتعمل كل يوم يعنى مش زى ماسكات مرة او مرتين فى الاسبوع

طيب هو الروتين اليومى بيتكون من ايه ؟؟؟
1 - غسول للبشرة
2 - تونر
3- كريم نهار
4 - كريم ليل
5 - كريم عين

تعالوا نتكلم على كل حاجة بالتفصيل ...

الغسول :::
ده بدل الصابون بيتغسل بيه البشرة كل يوم عشان ينظف المسام والبشرة من التراب واى حاجة تسد المسام
بيستخدم مرة الصبح ومرة بليل او مرة واحدة لما بترجعى من برا وانا بعمل كدا بدل ما كل شوية اغسل بيه بيخليه مرة واحدة لما برجع من الشغل لانى باقى اليوم بتبقى فى البيت

الفرق بينه وبين الصابون ان الصابون فى مادة قلوية تنشف البشرة وتخليها جافة وطبعا تضرها
اما الغسول مش بيكون فى المادة ديه عشان كدا بيحافظ على توزان البشرة ومش تنشف

الغسول من اى ماركة بيبقى منه للبشرة العادية والدهنية والجافة والمختلطة انتى حتجيبى اللى بيناسب بشرتك مينفعش تكون بشرتك دهنية وتستخدمى للبشرة الجافة

لان مثلا بتاع البشرة الدهنية مش حيبقى فى زيوت وبتاع جافة حيبقى فى حليب او زيوت تتطرى البشرة

عامة احسن الانواع اللى بيبقى من مواد طبيعية زى الحليب والنعناع والبرتقال واعنب طبعا ده بتبقى منتجات من ماركات تعمل غسول من حاجات طبيعية

طريقة استخدام الغسول :: بيبقى اما حاجة سائلة تتحط على الوش زى الصابون وتغسلى وشك بيه .. او بيتحط على قطنة وتتمسح بيه الوجه
عامة بيبقى مكتوب الطريقة على العلبة

التوتر ::
ده الخطوة الى بعد الغسول انك خلاص غسلتى وشك بالغسول ونظفتى المسام يبقى خطوة اللى بعدها التونر
وظيفة التونر انه يقفل المسام عشان متكونش فيها دهون وتعمل بقى رؤؤس السوداء وحبوب

التونر نفس نظام الغسول بتختارى اللى مناسب لبشرتك يعنى لازم تعرفى الاول نوع بشرتك عشان تختارى الروتين الصح

طبعا ماء الورد من حاجات اللى تعتبرتونر وحلوة جدا ومفيدة.. بحب اوى استخدام ماء ورد زى التونر لوشى بعد الغسول

طريقة التونر واحدة فى كل منتجات انك تحطيها على قطنه وتمسحى بيه الوجه والرقبه

كريم النهار :::
الخطوة الثالثة انك غسليتى بالغسول وحطتى تونر حتحطى بقى كريم النهار

الاول هو كريم نهار بيعمل ايه ؟؟
طبعا هو بيرطب البشرة يعنى يعتبر ده كريم مرطب بس بيحمى كمان من التراب والشمس وعوامل خارجية وبيبقى فى نسبة صن بلوك بتبقى 15

بيتحط على الوجه والرقبة سواء حتقعدى فى البيت او حتخرجى
يعنى لو انتى قاعدة فى البييت بتحطيه عادى كانه مرطب
لو انتى حتطلعى بردو بيتحط عادى وتسبيه شوية ولو عايزة تحطى ميكب بتحطى وبيبقى مفيد انه بيرطب البشرة ويعمل زى حاجز بين ميكب وبشرتك مش بيخلى ميكب يتشرب فى بشرتك بيبقى زى عازل وده فايدة حلوة من كريم نهار ..

بس لو انتى حتتعرضى لشمس جامدة يبقى محتاجة طبعا صن بلوك اما لو تتعرضى لشمس بسيطة ومدة قليلة اوى يبقى مش حتحتاجى صن بلوك لانه هو فيه صن بلوك بنسبة خفيفة

كريم الليل ::
من اسمه بيتحط بليل قبل النوم بيعمل انه تغذية عالية للبشرة كانه بيعوضها عن تعب اليوم كله كمان بيتحط بليل قبل النوم عشان البشرة وانتى نايمة بتبقى مسام تتشرب الكريم وتستفيدى منه اكتر وتصحى الصبح تلاقى البشرة شكلها حلو ..
كريم الليل دايما بيبقى شوية تقيل عن النهار لان النهار زى ما قولنا هو ترطيب اما الليل تغذية للبشرة ...

كريم العين :::
ده بيتحط طبعا تحت العين مرة او مرتين فى اليوم ممكن مرة الصبح ومرة بليل
فايدته انه بيغذى تحت العين وبيقلل الخطوط الرفيعة وكمان بيقلل الهالات ويرطب منطقة العين

يعنى الروتين بيبقى
غسول بعدها تونر بعدها كريم نهار مع كريم عين
وبليل تحطى كريم الليل

فى ناس بتعمل الروتين ده مرتين فى اليوم يعنى غسول وتونر وكريم نهار وعين الصبح ويتعاد تانى بليل بس بدل كريم نهار بيبقى كريم ليل

بس انا بحس انه كتير انى اعيد نفس الكلام مرتين وكمان احنا بنكسل يكفينا مرة واحدة وبليل نكتفى بكريم الليل الا اذا كنتى خرجتى ورجعتى كدا استخدمى الغسول والتونر اما لو انتى قاعدة فى البيت ملهاش لازمة كتر الغسول والتونر
عشان البشرة متتعبش من كتر الكريمات ...

طبعا ميزة الروتين كله انك تحافظى على كل البشرة من تنظيف وترطيب وتغذية ونعومة ومسام نظيفة وصحية

طبعا الروتين بيتطبق على الوجه والرقبة

نيجى للماركات........

ماركات كتيرة اوى منزلة الروتين اليومى
لوريال
كلينيك
اولاى
نيفيا
اوريفليم
نتروجينا
جونسون

كل واحدة حسب بشرتها ترتاح مع ايه لان ممكن منتجات شركة معينة مش تبقى مناسبة معاكى ....

كمان لما تختارى غسول وكريمات لازم تختارى اللى مناسب لبشرتك يعنى دهنية ولا جافة ولا عادية ولا مختلطة ...

لو انتى محتارة فى اختيار الماركة اعرفى نوع بشرتك واعملى سيرش على النت على منتجات او ماركات اللى مناسبة لبشرتك وشوفى اراء البنات واكتر حاجة اجمعوا عليها

فى بنات حتسال اجيب الروتين اليومى كله من ماركة واحدة ولا ممكن ماركتين ...

بحس انك تجيبى كله من ماركة واحدة بيبقى افضل لان مواد المنتج بتبقى واحدة فبشرتك تبقى مرتاحة اكتر

اما لو انتى مثلا مرتاحة مع غسول من نيفيا وكريم من لوريال خلاص مفيش مشكلة هاتى الماركتين المهم تختارى حاجة تريح بشرتك

يارب الموضوع يبقى عجبكم ويبقى فى كل الاسئلة اللى سالتيها يا ميويا ولو عندك اسئلة تانية اسالى ياقمراية