انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 5 من 24 الأولىالأولى 12345678915 ... الأخيرالأخير
عرض النتائج 41 الى 50 من 236

الموضوع: "عروسات المستقبل تعالوا اقولكم".. جزء ( 6 )

  1. #41
    تاريخ التسجيل
    Nov 2006
    الموقع
    مصر ام الدنيا بلدى ووطنى
    الردود
    1,943
    الجنس
    أنثى
    تعقيب كتبت بواسطة princess_sarah عرض الرد
    كالعادة استاذة زى العسل يا نوده
    الف مبروك يا قمر على الجزؤ الجديد و اكتر حاجة عجبانى حكاية ترتيب الموضوعات اللى فى البداية حلوة جدا جدا ...ان شاء الله هاجهز اجندة مخصوص عشان تنفعنى من دلوقتى استعدادا للجواز و ان شاء الله بعده كمان و افضل ادعيلك دايما
    تسلم ايدك يا حبيبة قلبى و متابعة يا جميل
    الله يبارك فيكى ياسارة وتسلمى ياقمراية على كلامك الجميل واى حاجة محتاجها اصحابك هنا كلهم معاكى وربنا يتمم ليكى بكل خير

  2. #42
    تاريخ التسجيل
    Nov 2006
    الموقع
    مصر ام الدنيا بلدى ووطنى
    الردود
    1,943
    الجنس
    أنثى
    تعقيب كتبت بواسطة lonleygirl عرض الرد
    هنوده يا جميله ازيك ممكن تقوليلى ايه هو الاثمد واجيبه منين فى مصر وهل هو بيطول الرموش وتسلمي يا قمر
    الاثمد ياقمر ده حجر اسود ومائل للون الاحمر موجود عند العطار بيتجاب ويطحن فى البيت وفى حديث عن سيدنا محمد

    حديث الرسول صلى الله عليه وسلم :
    " إن خير أكحالكم الإثمد ، يجلو البصر و ينبت الشعر


    حلو طبعا للرموش بيطول وبيغذيه ممكن تخلطى الاثمد لما يطحن مع زيت خروع ونحطى على الرموش

    عو فى عطارين بيبعوه بس بيخلطوه مغ حاجات التانية الاصلى ممكن تشوفيه عند عبد الصمد القرشى او ممكن لو تعرفى حد فى السعودية يجيبهولك

  3. #43
    تاريخ التسجيل
    Nov 2006
    الموقع
    مصر ام الدنيا بلدى ووطنى
    الردود
    1,943
    الجنس
    أنثى
    تعقيب كتبت بواسطة سماح عزت عرض الرد
    مساء الورد على احلى قمرات هنودة وحشانى كتير تسلم ايدك يانودة على الينكات الى رتبتيها حلتلنا متاهة كبيرة لان الواحد بيحب يفكر نفسه بالنصايح الجميلة بتاعتك وعلى مكان بيوصل للحاجة كان بيهنج ..جزاكى الله خيرا كثيرا على مجهوك معانا ... والا هتمام بالايد حلو كتير لانها من اكترالحاجات الى بنساها ومش بفتكرها غير فى المنا سبات لكن انتى ما شاء الله سهلتيها علينا ...زوليه رجاء عندك يانودى لو افتكرتى اسالى اى حد بتثقى فيه على بانثينول...وميرسى ليكى يا قمر المنتدى
    تسلمى ياسموحة وحاضر حاسالك معلش والله نسيت

  4. #44
    تاريخ التسجيل
    Nov 2006
    الموقع
    مصر ام الدنيا بلدى ووطنى
    الردود
    1,943
    الجنس
    أنثى
    تعقيب كتبت بواسطة dodo412 عرض الرد
    اولا جزاكى الله عنا خيرا ياهند بجد انتى تعبتى معانا اوى اوى
    عاوزة اقولك انه حاجات كتير من اللى اتكلمتو فيها انا عارفاها وعندى منتجاتها
    بس الكسل بعيد عنك احلى حاجة عجبتنى فى الموضوع هنا
    انكم بجد شجعتونى اعمل حاجات كتييييير كنت بكسل اعملها
    ثانيا انا امبارح استخدمت زيت الزيتون بعد السويت يا هنودة بصراحة
    كان شكلى مقرف واللى كنت لابساه بقى نيلة خالص من الزيت
    واخدت دش بالشاور وحطيت ماء ورد وبعدين كريم الحقيقة نعومة ولا بعدها نعومة
    جزاكى الله كل الخير
    بس قوليلى النهاردة برضو ارجع احط ساعتين كدا هدومى هتخلص ماما قالت لى
    اللى كنتى لابساه هيترمى مش هيرضى ينضف هههههههههههههههههه
    يعنى استمر 6 ايام زى ماقولتى؟؟؟؟؟؟؟؟؟؟
    ميرسى ياقمر
    طنط خلاص حترمى الزيتون بسبب الغسيل ههههههههه
    بصى يادودو انتى حطيه 3 ايام بعد السويت عشان تاخدى مفعول اكتر
    وحطيه كمية صغيرة مش كتير وسبيه 10 دقايق يتتشرب والبسى حاجة كات بلاش نص كم

  5. #45
    تاريخ التسجيل
    Nov 2006
    الموقع
    مصر ام الدنيا بلدى ووطنى
    الردود
    1,943
    الجنس
    أنثى
    تعقيب كتبت بواسطة the 1st queen عرض الرد
    ازيك ياهنوده عامله ايه ياقمر حلو اوى موضوع الاهتمام بالايد وبجد فرق معايا كتير لما بدات اهتم بيها بقت جميله ومش عاوزه اقولك كل جوزو ما يمسك ايدى يقولى ايدك جميله اوى وناعمه انا بعمل صنفره بالسكر الخشن والليمون وكل يوم بالليل بحط الجليسوليد عليه ليمون بجد تحفه ورائع والسكر والليمون بينعموا اوى اوى برده

    كنت عاوزه بقه اسئلك المفروض بنلبس ايه تحت فستان الفرح يعنى اجيب كومبليزون قصير وشورت تحت ولا البس ايه مش عارفه ناس بتقولى البرا والاندر بسسسسس طيب لما اجى اقلع الفستان الاقى نفسى كده ع الحميد المجيد نوووووووووووووووووووو صعب اعمل ايه والكمبيلزون ده هينفع ولا ايه وكمان انا بشوف عرايس رجلهم بتبان والجيبونه بتترفع اوقات اعمل ايه؟؟؟؟
    بصى لو فى الصيف كفاية برا واندر وعليهم جيبونة الفستان لانك مش حتستحملى اكتر من كدا وخليكى على حميد المجيد هههههههههههههه

    لو حاسة انك مكسوفة خلاص البسى طقم البرا والاندر عادى وعليهم كومبليزون قصير كلهم لون واحد عشان يبقى شكلهم حلو يعنى هاتى برا واندر وكمبيلزون لون واحد والبسهم كدا كويس اوى

  6. #46
    تاريخ التسجيل
    Nov 2006
    الموقع
    مصر ام الدنيا بلدى ووطنى
    الردود
    1,943
    الجنس
    أنثى
    عاملين ايه يا بنات والجو الحر والصيف نفسى ارمى نفسى فى البحر
    كدا وانبسط فى الماء

    جايبلكم نهاردة وصفتين واحدة مجربة وتانية من موقع طبى

    اول وصفة للشعر كان قالها دكتور عادل عبد العال من شهر
    هى لتنعيم وتطرية الشعر

    30 جرام زيت لوز حلو
    30 جرام زيت زيتون
    30 جرام زيت شبت
    30 جرام زيت عنبر

    كلهم يتخلطوا مع بعض ويتحطوا زى حمام زيت للشعر لمدة ساعتين
    بنات خالتى جربوها وشوفت شعرهم حلو طرى وبيدى لمعه
    انا لسه مجربتهاش بس عشان شعرى بيمشى مع الكريمات مش مع الزيوت

    موضوع 30 جرام عشان لو مش حتعرفوا تظبطوها ممكن تاخدى ملعقتين من كل زيت وتخلطيهم سوا ولما تخلص كمية تانى مرة اعملى تانى وهكذا


    الوصفة التانية من الموقع الطبى من دكتور عن للرؤؤس السوداء
    حبة البركة بتطحن
    خل تفاح

    يتخلطوا مع بعض يبقوا زى الماسك ويتحط على الرؤؤس السوداء لمدة شهر وبتروح
    ده على كلام الدكتور

    حبيبت انقلكم الكلام ده ويارب يكون مفيد

  7. #47
    تاريخ التسجيل
    Apr 2009
    الردود
    65
    الجنس
    امرأة
    نودددا ازيك ياقمرايه وحياه ربنا وحشانىىى جدا خلصت امتحانات وقريت كله كله واحكى يا شهرذاد جامد فى تالق ياقمرايه بس بس سؤال ليه دايما نقول نغير من شكلنا عشان جوزو مش يزهق ولبسنا وكده طيب ماانا برده هزهق منه والولاد والرجاله اصلا مش بيغيرو من نفسهم وهيصحى من النوم اكيد مبهدل ودقنه مش محلوقه وبؤه وسناه مش نضيفه واكيد هيبقى ليه ريحه عرق يعنى تخيلى لما انا اقعد اظبط فى نفسى وهو فى الاخر يبقى كده اكيد هيجيلى تشنج ياريت يبقو هما كمان زيينا ويحاولو يرضونا ربع الرضا اللى شاغلين نفسينا عشان نرضيهم وعاملين توبيكات وكده والله ولا حد بيقدر ربنا يستر والشخص اللى هيبقى فى يوم من الايام جوزو بتاعى يبقى نضيف

    ملوكه الف مبروك ان وشك بيتحسن ودايما فى تقدم بس ياريت تقوليلى ع الكريمات دى واسعارها وبتستخدميها ازاى وعنوان الدكتور وانا باذن الله هوصله
    وبرنسيس ساره ربنا معاكى وتعالجى مشكله شعرك وياريت تقوليلنا ع الحاجات اللى الدكتور كتبها لتغذيه فروه شعرك عشان انا برده حاسه انها تعبانه ؟وجزاكم الله كل خير
    الى الامام

  8. #48
    تاريخ التسجيل
    Apr 2009
    الردود
    65
    الجنس
    امرأة
    كويس والهله اول مره اقرا التوبيك فى يوميها حلوه الوصفات دى ياقمرايه
    بس انا كنت عاوزه اجرب السمنه البلدى للشعر بس اعرف طريقتها بالظبط اولا بسيحها ولما تدفى ادهن الفروه نفسها ولا شعرى وقد ايه اخلى شعرى كله مليان ولا ايه ؟

    كمان فى وصفه جامده صحبتى قالتلى عليها وهى مجرباها بتروحى للجزار وتجيبى النخاع اللى بيبقى جوا الكوارع ده هو بيتباع اسمه نجاع وتحطيه فى طاسه وتسييحيه من غير زيت ولا سمن حطيه لوحده هو بيسيح لوحده وبعد كده تحطيه ع فروه شعرك وشعرك زى الزيت بالظبط واللى بيحبو الكريم ممكن تسيبيه بيجمد بيبقى عامل زى الدهن المجمد تستخدميه زى الكريم حلو اوى بجد يلا يا نودا كملى وانا معاكى

  9. #49
    تاريخ التسجيل
    May 2009
    الموقع
    شط اسكندرية
    الردود
    161
    الجنس
    امرأة

    heart2

    تعقيب كتبت بواسطة so0oma_the cat عرض الرد
    وبرنسيس ساره ربنا معاكى وتعالجى مشكله شعرك وياريت تقوليلنا ع الحاجات اللى الدكتور كتبها لتغذيه فروه شعرك عشان انا برده حاسه انها تعبانه ؟وجزاكم الله كل خير
    الى الامام
    تسلمى يا سوما وادعيلى دايما ربنا يحل لى عقدة شعرى دى ..بصى هو الدكتور قال استخدم حمام زيت خروع مرة اسبوعيا و عمل لى تركيبة جبتها من الصيدلية مش عارفة هى ايه بس هو قال ده كله عشان عايز شعرى يتقل..
    الف سلامة على شعرك يا سوما

  10. #50
    تاريخ التسجيل
    May 2009
    الموقع
    شط اسكندرية
    الردود
    161
    الجنس
    امرأة

    heart2

    حبيبة قلبى نوده
    the 1st queen طرحت موضوع كنت عايزة اخد رايك فيه و هو (هنلبس ايه تحت الفستان ان شاء الله) انا سمعت ردك و عجبنى بس فى احد المرات كنت فى محل لانجيرى باشوف حاجات عشان اشيلها للجواز لاقيت هناك حاجة كده عبارة عن كورساج ابيض بس من غير حمالات و معاه البانتى بتاعه البنت هناك قالتلى ده بيتلبس تحت الفستان شكله رائع جدا يا نوده وعجبنى اوى انا شفته قبل كده الممثلات بيكونوا لابسينه فى الافلام الاجنبية تحت الفساتين و كان فيه منه كمان لون اسود يارب تكونى عارفاه عشان عايزة اعرف رايك فيه و هل ده افضل و لا نلبس طقم عادى
    معلش طولت يا هنودتى بس على فكرة لسه فى كذا موضوع عايزين ناخد رايك المتميز فيهم عشان نستفاد كلنا
    تحياتى يا قمر

مواضيع مشابهه

  1. "عروسات المستقبل تعالوا اقولكم".. جزء ( 13)
    بواسطة هنودة هنانيدو في ركن العروس
    الردود: 141
    اخر موضوع: 08-12-2009, 10:21 PM
  2. "عروسات المستقبل تعالوا اقولكم".. جزء ( 11 )
    بواسطة هنودة هنانيدو في ركن العروس
    الردود: 254
    اخر موضوع: 18-10-2009, 02:44 AM
  3. "عروسات المستقبل تعالوا اقولكم".. جزء ( 9 )
    بواسطة هنودة هنانيدو في ركن العروس
    الردود: 271
    اخر موضوع: 26-09-2009, 08:07 AM
  4. "عروسات المستقبل تعالوا اقولكم".. جزء ( 8 )
    بواسطة هنودة هنانيدو في ركن العروس
    الردود: 276
    اخر موضوع: 15-08-2009, 12:27 AM
  5. "عروسات المستقبل تعالوا اقولكم".. جزء ( 5 )
    بواسطة هنودة هنانيدو في ركن العروس
    الردود: 266
    اخر موضوع: 05-07-2009, 07:53 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ