اكتر حاجة احبها ياهنودة تنظيم الوقت وانا تقريبا يومى اللى بتحكى عنه
برجع من شغلى اصلى الظهر واذكار شوية وانا على السجادة
بعد كدا اقوم اشوف شغل البيت واساعد ماما وفى الوقت دا لو عاوزة ماسك او
حمام زيت بعمله لما اخلص شغل البيت بدخل اخد الدش واكمل اللى عاوزاه فى الحمام
واطلع اتغدى والعب مع عصافيرى لهم جزء من وقتى وانام شوية ولما اصحى بلبس شيك اوى وبس كدا
مشكلتى الوحيدة عارفة انه الرياضة مهمة بس بكسل اعملها عاوزة تمارين بطن
وعارفاها كويس بس بكسل كل يوم اقول بكرة نفسى اعرف اشجع نفسى ازاى

الف مليون مبروك الجزء الخامس
ياقمر
معلش والله بقالي فتره مبدخلش المنتدي غير اطمن عليه واخرج علي طول
هقرا كل مواضيعك دلؤقتي
علشان استفاد منك ياقمر

جزاكي الله كل الخير أختي
وشكرا للموضوع وان شاء الله نستفيد

السلام عليكم ورحمه الله وبركاته
حبيبي هنودة الف مبروك على الجزء الخامس كل ما اجى اكتبلك حاجه الاقي الجزء خلص
*****عايزة اقولك على كام تعليق بس بعذ اذنك انا جربت زيت الزيتون مع الميه بعد الحمام وجميل جدا ومش بيسمر زى ما قولتو لانى بعمل كده كتير او في الساونا ولما جسمك يبدا بفتح المسام بكون واخده معايا زيت اسبراى وارش على جسمى وادلكه صدقينى احساس روعه وجسم طرى جدااااااااااااااااااا بجد جربيه وهتدعيلى..

ومش شرط زيت الزيتون ممكن زيت بيبي جونسون او لافندر اى حاجه هتبقي روعه..
*****وبردة جهاز البخار يا جماعه احسن من برة كتييييييييييير انا اشتريته واستخدامه سهل جداااااا

ولازم تضيفي للميه شويه ملح قليل مش كتير وممكن تضيفي ورد مغربي او زهور البابونج او النعناع او اعشاب كتير ممكن تبقي مفيده وبعدين سعره مش غالى يعنى الماسك في الكوافير يعمله من 15 ل25 العادى انا جيبته من وسط البلد من شارع شريف الامريكى احسن ب 115ج بس وفي صينى منه كان ب65ج وهيبقي عندك بدل ما تنزلى كل مرة للكوافير
** وكانت كمان في كوافيرة بتجيبلى مجموعه زيوت التفتيح من حراز بجد فظيعه من مرة واحده بيبان على وشك بينور بتعملى بيها مساج للوش بعد المسام ما تفتح**

وبالنسبه للاماكن الحساسه بردو افضل طريقه السويت ولكن برقه حته صغيرة اوى ومتجيش على نفسك حتى لو اول مرة مقدرتيش تكملى كل المنطقه اعملى على قد ما تقدرى وسيبى الباقي والشهر الى بعده هتلاقي نفسك مش قادرة وعجبتك النضافه ديه وهتكملى وبردو حته صغيره حتى لو اخدتى عليها مينفعش غير حته صغيرة تمام كده ***
..........................
صحيح فكرة انك تعملى شييف او كريم وبعدين تعملى سويت في المنطقه الحساسه فكرة غلط لان الشعر جزورة بتثبت اكتر وبيبقي الالم اكبر وده بردو عن تجربه لكن لو عملتى سويت على طول الشعر بيبقي سهل في خروجه كل مرة عن التانيه وبيخف كمان
..............
المهم انك تتعودى عليها قبل الجواز هتبقي سهله عليكى بعد الجواز ده عن تجربه
صحيح يا نودى بالنسبه لبراون انا بستعملها هيه عيبها الوحيد ان الشعر ممكن يطلع تحت الجلد يعنى لو كل 6 شهور تعملى مرة بالسويت هيبقي حلو جداااااااااااااااااا
واكيد السكرب طبعا وفي سكرب انا جربته سهل جداااااااااااااااااا
سكر +شاور جيل وبس والله بجد يعنى كنت اجى اغسل وشى اجيب معلقه سكر ونقطتين شاور واغسله كويس وايدى كمان وشوفي النعومه بعدها
وربنا يوفق كل عروسه يا رب
وادعولى بجد فرحى بعد اسبوع وفي احتمال يتاجل كمان شهر
ادعولى نخلص كل حاجه ربنا يباركلكو كلكو

كتبت بواسطة شيماء33

الف الف الف مبروك ياهنوده ع الجزء الخامس ومنه لاعلي ان شاء الله
انا كمان محتاجه انظم وقتي لانه وقتي ملخبط كتير يدووبك بخلص شغل البيت العصر لانه انتي عارفه الحموات والشغل وشغل بيتي والماسكات والطبخ والحاجت دي بذن العصر وانا مش مخلصه بصي انا همشي على النظام بتاعك وان شاء الله ربنا بيوفقني فيه
بس عايزه منك شغله حبيبتي ياريت تعطيني وصفه لتقشير البشره ايه مكوناتها بتكون وهل هيا بتكون جاهزه بنشتريها ولا انا بعملها على ايدي
ومشكوره جدا ع الموضوع الاكثر من رائع

يارب ان شاء الله يا شيماء يبقى وقتك كبير ومنظم وتظبطى كل امورك

تقشير البشرة اللى هى سكرب عندك حاجات جهازة زى
يوكو سبا ملح الحليب
مقشر من ستيفز
مقشرات من بودى شوب
صنفرة الكاب

فيه حاجات تعمليها فى البيت زى ::
سكر + ليمون وممكن تضيفى عليه زيت زيتون وتخليه شكل سائل
او رز مطحون + حليب + جلسرين يتخلطوا مع بعض ويبقى زى سائل

اى مقشر للبشرة تغسلى بشرتك الاول بالماء وتحطيه عليه مقشر وتفركى بايدك وبعدها تغسلى بشرتك بالماء وحطى اى مرطب عندك

كتبت بواسطة dodo412

اكتر حاجة احبها ياهنودة تنظيم الوقت وانا تقريبا يومى اللى بتحكى عنه
برجع من شغلى اصلى الظهر واذكار شوية وانا على السجادة
بعد كدا اقوم اشوف شغل البيت واساعد ماما وفى الوقت دا لو عاوزة ماسك او
حمام زيت بعمله لما اخلص شغل البيت بدخل اخد الدش واكمل اللى عاوزاه فى الحمام
واطلع اتغدى والعب مع عصافيرى لهم جزء من وقتى وانام شوية ولما اصحى بلبس شيك اوى وبس كدا
مشكلتى الوحيدة عارفة انه الرياضة مهمة بس بكسل اعملها عاوزة تمارين بطن
وعارفاها كويس بس بكسل كل يوم اقول بكرة نفسى اعرف اشجع نفسى ازاى

جميل خالص يومك يا دودو والرياضة فعلا كلنا بنكسل بس خليها فى الاول 3 مرات فى الاسبوع وارغمى نفسك تعمليها بس لازم يكون مودك حلو لانك لو متضايقة او غيره مش حتعملى حاجة وتحسى انها هم عليكى اختارى يوم تكونى رايقة كدا واعمليها واحدة واحدة حتتعودى

كتبت بواسطة nnnnn_nora

الف مليون مبروك الجزء الخامس
ياقمر
معلش والله بقالي فتره مبدخلش المنتدي غير اطمن عليه واخرج علي طول
هقرا كل مواضيعك دلؤقتي
علشان استفاد منك ياقمر

نور انتى فين حمد لله على سلامتك مبسوطة انك رجعتى تانى طمنينى عليكى

كتبت بواسطة totee

جزاكي الله كل الخير أختي
وشكرا للموضوع وان شاء الله نستفيد

تسلمى ياقمر على كلامك

كتبت بواسطة مرمرالمصريه

السلام عليكم ورحمه الله وبركاته
حبيبي هنودة الف مبروك على الجزء الخامس كل ما اجى اكتبلك حاجه الاقي الجزء خلص
*****عايزة اقولك على كام تعليق بس بعذ اذنك انا جربت زيت الزيتون مع الميه بعد الحمام وجميل جدا ومش بيسمر زى ما قولتو لانى بعمل كده كتير او في الساونا ولما جسمك يبدا بفتح المسام بكون واخده معايا زيت اسبراى وارش على جسمى وادلكه صدقينى احساس روعه وجسم طرى جدااااااااااااااااااا بجد جربيه وهتدعيلى..

ومش شرط زيت الزيتون ممكن زيت بيبي جونسون او لافندر اى حاجه هتبقي روعه..
*****وبردة جهاز البخار يا جماعه احسن من برة كتييييييييييير انا اشتريته واستخدامه سهل جداااااا

ولازم تضيفي للميه شويه ملح قليل مش كتير وممكن تضيفي ورد مغربي او زهور البابونج او النعناع او اعشاب كتير ممكن تبقي مفيده وبعدين سعره مش غالى يعنى الماسك في الكوافير يعمله من 15 ل25 العادى انا جيبته من وسط البلد من شارع شريف الامريكى احسن ب 115ج بس وفي صينى منه كان ب65ج وهيبقي عندك بدل ما تنزلى كل مرة للكوافير
** وكانت كمان في كوافيرة بتجيبلى مجموعه زيوت التفتيح من حراز بجد فظيعه من مرة واحده بيبان على وشك بينور بتعملى بيها مساج للوش بعد المسام ما تفتح**

وبالنسبه للاماكن الحساسه بردو افضل طريقه السويت ولكن برقه حته صغيرة اوى ومتجيش على نفسك حتى لو اول مرة مقدرتيش تكملى كل المنطقه اعملى على قد ما تقدرى وسيبى الباقي والشهر الى بعده هتلاقي نفسك مش قادرة وعجبتك النضافه ديه وهتكملى وبردو حته صغيره حتى لو اخدتى عليها مينفعش غير حته صغيرة تمام كده ***
..........................
صحيح فكرة انك تعملى شييف او كريم وبعدين تعملى سويت في المنطقه الحساسه فكرة غلط لان الشعر جزورة بتثبت اكتر وبيبقي الالم اكبر وده بردو عن تجربه لكن لو عملتى سويت على طول الشعر بيبقي سهل في خروجه كل مرة عن التانيه وبيخف كمان
..............
المهم انك تتعودى عليها قبل الجواز هتبقي سهله عليكى بعد الجواز ده عن تجربه
صحيح يا نودى بالنسبه لبراون انا بستعملها هيه عيبها الوحيد ان الشعر ممكن يطلع تحت الجلد يعنى لو كل 6 شهور تعملى مرة بالسويت هيبقي حلو جداااااااااااااااااا
واكيد السكرب طبعا وفي سكرب انا جربته سهل جداااااااااااااااااا
سكر +شاور جيل وبس والله بجد يعنى كنت اجى اغسل وشى اجيب معلقه سكر ونقطتين شاور واغسله كويس وايدى كمان وشوفي النعومه بعدها
وربنا يوفق كل عروسه يا رب
وادعولى بجد فرحى بعد اسبوع وفي احتمال يتاجل كمان شهر
ادعولى نخلص كل حاجه ربنا يباركلكو كلكو

ربنا يوفقك يامرمر وتكونى اجمل عروسة ومليون مبروك مقدما

زيت الزيتون او عامة اى زيت اوقات مكوناته بتتفاعل مع ماء وتعمل اسمرار وممكن يكون اختلاف بشرة عن نفسى بيعمل معايا اسمرار ولقيت بردو كذا حد قالى انه عمل مع اسمرار فالاضمن ان يتجنب ماء معه لمدة ساعة ااوقت ده يكون البشرة امتصته

زيت بيبى جونسون مفيش مشكلة مع ماء لانه اصلا بيتحط على الجسم وهو مبلول وكل انوعه جميلة كاموميل ولافندر والوردى

جهاز بخار اكيد طبعا احسن من كوافير وخاصة لما تحطى فيه نعناع واللى معندهوش بيعمل طريقة عادية انه بيجيب الاناء ويحط فيه نعناع وماء تغلى وتفضلى لمدة 5 دفائق البخار معرض لوجهك

المنطقة الحساسة والله ناس كتير مختلفين فيها ناس تقول الشفرة احسن وناس تقول سويت احسن حتى متجوزين مختلفين فيها بنات متجوزة قالت بتعمل ترهل وبنات قالت لا تقريبا اختلاف من بنت للتانية

بروان فعلا بتطلع اوقات الشعر تحت الجلد عن نفسى بحب السويت اكتر ولما اكون مزنوقة فى الوقت اعمل بروان واوقات بعمل سويت وامشى بروان مرة علىالجسم تشيل الشعر القصير واحط زيت زيتون والحمد لله بيفضل لمدة شهر ونص واعمل تانى وتكون بشرة كويسة ونظيفة

ميرسى يا مرمر على كلامك وفايدتك معانا ومستنين كتير منك بس الاول نفرح بيكى عروسة

لقيت معلومات وماسكات للبشرة المركبة حبيت اكتبهالكم ::::

البشرة المركبة هى :: عند وجود آثار الدهون في بعض المناطق تكون البشرة مركبة وهي البشرة التي تتسم بأنها تجمع بين زيادة إفراز الدهون ببعض المناطق وقلة الإفراز بمناطق أخرى فعادة تكون بشرة الأنف والذقن دهنية بينما تكون بشرة الخدين والجبهة جافة كما تميل منطقة العينين للجفاف .

ماسكات حلوة مناسبة للبشرة المركبة ::

قناع النعناع

المقادير
- حفنة من أوراق النعناع
- صفار بيض
- ملعقة كبيرة من القشطة
- ملعقة صغيرة من زيت الزيتون

الطريقة

ـ افرمي حفنة من أوراق النعناع الطازج و أضيفي إليها صفار بيضة و ملعقة كبيرة من القشطة و ملعقة صغيرة من زيت الزيتون .
ـ امزجي الخليط جيداً ثم يوضع على الوجه ربع ساعة ثم يغسل بالماء.

ينصح الخبراء ذوات البشرة المركبة باستخدام المنظف والمرطب باستعماله تحت الماكياج أو كسائل منظف ليلي أو كلوسيون للجسم على ان يستعمل بنظام، واليك هذه الطريقة البسيطة لصنع المرطب :

قناع الليمون

المقادير
- عصير ربع ليمونة .
- ملعقتان صغيرتان مبشور برتقال .
- ملعقتان صغيرتان مبشور جريب فروت .
- كوب من اللبن الحليب .

الطريقة
* توضع المقادير في زجاجة وتغلق جيداً ثم توضع بالثلاجة لمدة أربع وعشرين ساعة ترج من حين لآخر ثم يصفى السائل ويعاد مرة أخرى إلى الزجاجة وقبل الاستعمال ترج الزجاجة جيداً.

قناع العسل والخميرة
المكونات
- 1 ملعقة عسل
- 2 ملعقة حليب
- ثلث ملعقة خميرة

الطريقة
- تخلط الخميرة مع الحليب حتى تذوب ، يضاف إليها العسل و يقلب جيداً.
- يوضع الخليط على الوجه والعنق بالكامل ، ويترك لمدة 15 - 30 دقيقة.
- يغسل بالماء الدافىء ثم البارد.

كما يعتمد اختيار كريم الأساس علي نوع البشرة ، وذوات البشرة المركبة تحتاج لاستخدام كريم أساس مدمج يجمع بين السائل و البودرة أو كريم الأساس الكريمي ، ويعمل كلا النوعين على ترطيب البشرة دون سد المسام كما أنهما يساعدان على إخفاء اللمعان عن المناطق الدهنية.

جزاكى الله خيراً انا اول مرة اقراء فى هذا الموضوع بس عجبنى جداً وان شاء الله هتابع معاكى