تعالوا نبتدى نهاردة بموضوع جديد يارب يعجبكم
طبعا احنا كلنا بنتكلم على الوصفات والماسكات والرياضة وكل ده بس النهاردة جه فى بالى هو احنا
بعد الجواز حنلتزم بده ولا هو مرحلة مؤقتة وبعد كدا سلالام
لقيت ان معظم البنات بعد الجواز تقول الجملة معروفة مفيش وقت اننا نعمل اى ماسكات زى زمان ومفيش وقتت للرياضة
طيب هو فى وقت لايه ؟؟؟
قعلا بجد يا بنات المشكلة فينا مش الوقت احنا اللى بنظلم نفسنا بتنظيم الوقت بتاعنا يعنى ربنا عطينا 24 ساعة فى اليوم مش ممكن مش عارفين نقسم الوقت
احنا اول مشكلة تضيع الوقت اننا مش منظمين حاجة او اوقان نعطى حاجات وقت اكبر من اللى يستاهله وطبعا حاجات تانية ملهاش اى وقت معانا
اول حاجة تضيع وقتنا النوم بنات يصحوا من النوم ساعة 1 و 2 طبعا اول حاجة بتصحى مش قادرة تقوم لان كتر النوم غلط بيتعب المفاصل وتحسى ان كل جسمك بيوجعك كمان احسن وقت للنوم علميا من ساعة 10 مساء لغاية 6 صباحا يعنى سيدنا محمد عليه افضل الصلاة والسلام كان بينام بعد العشاء ويصحى الفجر ده اكبر واهم دليل ان ده ميعاد الصح للنوم
مش بقول ننام من ساعة 7 لا ننام فى الوقت المظبوط لان زوجك كدا كدا حيبقى عنده شغل من الصبح يبقى افضل ليكى ولجوزك النوم بدرى وكدا وكدا جوزك حيصحى بدرى اصحى معه مش لازم لما يمشى تنامى
لما تصحى بدرى معاكى طول اليوم تقدرى تعملى حاجات كتير حاولى بجد تعملى جدول ليكى منظم تقدرى تغيرى فيه حسب احتياجات يومك
خلى فى جدول بتاعك اليومى حاحات ديه ::
جزء للعبادة
جزء للرياضة
جزء للاهتمام بنفسك
جزء للاهتمام بالبيت والاكل
جزء كبير لزوجك
طبعا فى اجزاء تانية بس دول الاساس اللى مفروض معانا فى كل يوم طبعا كلام موجه اكتر للزووجات الجداد يمكن اللى معهاهم اطفال ترتيب يختلف شوية بس حيبقى نفس النظام الفكرة كلها معتمدة على تنظيم الوقت مش اكتر
حنقول اليوم الطبيعى اننا نصحى بدرى ونفطر مع جوزو وبعد ما يمشى اعملى نص ساعة للعبادة اقرى فيها قراءن والاذكار وصلى الضحى والتزمى بيهم كل يوم حتلاقى نفسك مش قادرة تعدى يوم من غيرهم وكمان غير الثواب والبركة اللى تبقى فى يومك
خلصتى جزء عبادة ادخلى على جزء البيت رتبى البيت فى اول اليوم عشان بتكونى لسه نشيطة ومتمعبتيش ترتيب البيت انك لو حاجة مش فى مكانها بتحطيها لو عندك غسيل تشغلى غسالة لو عندك حاجات للكوى حتكويها هكذا خلصى كل حاجات اللى عندك
خلصتى جزء البيت ريحى شوية اتفرجى على تى فى يعنى راحة لمدة ساعة ويالالا على وقت الرياضة حتعملى نص ساعة فقط وطبعا لو حتزودى ياريت يكون احلى .. العبى لو عندك جهار رياضى زى السير او عجلة شغلى تى فى والعبى نص ساعة عليهم او العبى تمارين ايروبكس نزلى عندك فيديو لهم والعبى نط الحبل كل ده نص ساعة وخليها نص ساعة للرشاقة
بعد كدا اعملى نص ساعة اهتمام بنفسك اعملى ماسكات حمام مغربى اهتمى بشعرك يعنى اعملى كل اللى انتى عايزة
قبل ما اكمل طبعا مش لازم الترتيب اللى بقوله ده مختلف من كل بنت لغيرها حسب الظروف والمطلوب منها وحسب ميعاد جوزها وشغله بس اللى اقصده ان خلى فى يومك ترتيب لكل حاجة للعبادة ولنفسك والرياضة ولجوزك والمطبخ وغيره
خلى وقت كمان لثقافتك مش معنى انك فى البيت تفقدى اى اتصال بالدنيا اى راجل بيحب ان زوجته تبقى مثقفة اقرى او افتحى النت وشاركى فى منتديات واتعلمى اعرفى حاجات جديدة لو بتحبى اصلا هواية معينة اعمليها متنسيش نفسك بعد الجواز خليكى عروسة كل يوم بجد الموضوع ده بيفرق نفسيا طورى من علاقتك بزوجك اقرى مقالات لدكاترة وغيره
جزء المطبخ اعملى الاكل بتاعك واعملى حاجة حلوة افتح النت وطلعى اكل جديد واعمليه تفننى فعلا فى المطبخ نظفى المطبخ شوف ايه اللى ناقصك
جزء الاهتمام بالزوج ده موضوع كبير اوى يمكن مش حينفع نتلكلم عليه هنا احتمال يكون مناسب فى الحياة الاجتماعية انا عايزة اتكلم هنا حتى كانت هبة فكرتها حلوة اننا نتكلم عن مشاركة بين الزوجين بس مش عارفة مشرفات تسمح هنا ولا لازم نفتح فى قسم الحياة الاجتماعية
فى الاخر اللى اقصده اننا نخلى يومنا متنوع بلاش نضيعة فى حاجتين ونهمل باقى حاجات الوقت فعلا بيعدى مش حيرجع ..ان شاء اللة نشوف المشرفات ولو مش حينفع نتكلم هنا على الزواج ومشاركة والافكار حتفتح جزء للحياة الاجتماعية
ولا ايه رايكم ؟؟؟
كتبت بواسطة blueyamama
الروابط المفضلة