حبيبتي هنوده فعلا كلامك روعه
اختي عملت الكيراتين ب2000 جنيه وشعرها علي العلم انه كاريه وفعلا جميل جدا جدا
وانا كمان كنت بقعد قدام خطيبي بشعري وكان حبه كتير
مع انه مش ناعم حرير

بس برضو مش خشن خالص
بصراحه كان مبسوط قلت تمام
بس ادعولي التساقط يقف بقي

حبيبي هنوده ازيك وحشتيني حمد الله علي السلامه متنسيش سوالي علي البيبي دول وياقمر في حاجه محيراني كتيييييييييييييييييييييير موضوع الحمام المغربي انا قريت كتير ومتحيره جدا وعايزه ابا فيه من دلوقتي خصوصا ان فرحي بعد العيد وهبا فيه بمشيئه الرحمن انا وماما لان طبعا مش عايزه حد يشوف جسمي بس شوفت ليه طرق كتير وبادوات مختلفه ياريت تقوللنا ايه الطريقه الصح وايه الغلط وايه اللي ينفع وايه اللي مينفع ونجيب الحاجه منين ربنا يجعله في ميزان حسنتك وبشكر كل البنا ت اللي بتتفاعل معنا بجد موضوع يستحق الاهتمام علي فكره انا بقيت كل ماادخل المنتدي معملش حاجه غير ان افتح الموضوع واشوف ايه الجديد يارب كل بنات المسلمين موفين (امين يارب العالمين)

نودي اشوفك باليلل بقي ولا ايه
وحشاااااااااااااااني
وانتي يابسبوسه فينك

موضوع جاااااااااااااااااااامد

تسلمى ياقمررررررر

انا هنا يانورا بس هروح اتغدى وارجعلكم علطوووووووول

قمراتى نكمل سوا وحاجاوب معاكم على كل اسلئكتم والبيبى دول

نكمل مع الشعر الى مناسب معه حمام كريم زى شعرى

حمامات الكريم كلها تبقى جاهزة يعنى قليل لما نلاقى حمام كريم حاجات طبيعية .. بس نحاول نجيب كريمات معروفة عنها انها مفيدة .. اللى بتكون بالنخاع وجنيني القمح والبناثينول ..

طريقة حمام الكريم بسيطة انك بتغسلى شعرك بالشاميو وتنشفيه بالفوطة وبعدها تحطى حمام كريم وبردو اهتمى بفروة الراس وتسبيه 10 دقايق او حسب ما هو مكتوب على اللبة وبعدها اغسلى شعرك كويس ولما تخرجى من الحمام حطى كريم التصفيف بتاعك وفيه انواع كتير كويسة بس بردو معتمدة على شعرك بيرتاح مع ايه ..

نيجى للوصفات زى السمنة البلدى او الزيدة انها بتتحط على الشعر زى حمام الزيت طريقتها انك تسخنيها على النار وتحطيها على فروة الراس وعلى اشلعر بس مش كمية كتيرة عشان هى اصلا تقيلة مجرد حاجات بسيطة تحسى ان شعرك امتصها وتسبيها ساعة وتدخلى تسغليها كويس اوى عشان الريحة ..

بالنسبة زى ما سالتى يا هبة ان اشعر مفروض قبلها يبقى مش فيه اى زيوت .. حاقولك انا عن نفسى جربتها انى بغسل شعرى مرة فى اسبوع وبحط عادى كريم بتاعى ولما اجى اعمل السمن البلدى ( على فكرة انا جربتها مرتين فقط ) الاسبوع اللى بعده مفيش مشكلة لان شعرك خلال الاسبوع ده حيكون امتص الكريم او الزيت . اما لو انتى بتغسليه كذا مرة فى اسبوع يبقى بلاش تحطى اخر مرة ولا زيوت ولا كريمات عشان ميكونش دهنى تمام كدا ؟؟

انا جربتها مرتين وحلوة يعنى بتخلى الشعر طرى وملمسه انعم

بالنسبة ماسك الزبادى والزيتون انا بصراحة مش جربتها بس مفيش مشكلة انك تجربيها لانها وصفة طبيعية مش حتاذى الشعر بشكل وحش جربيها ممكن تجيب معاكى نتيجة لان كل شعر مختلف عن التانى

يبقى احنا كدا قولنا انك بتعملى كل اسبوع حمام زيت او كريم وبتسخدمى فى نص الاسبوع زيت زى جدايل او غيره او كريم تصفيف مغذى

حاولى انك مرة فى الاسبوع تلفى شعرك عشان بيفرد كسرات الشعر

بالنسبة للسيروم هو حلو اوى للهيشان وبيطرى الشعر ومش دهنى بيتحط على الشعر ناشف او مبلول او قبل الاستشوار

بالنسبة القشرة فيه وصفة خل التفاح وزيت زيتون يعنى مثلا ملعقة خل تفاح ونص ملعقة زيت زيتون وتحطيهم على فروة الراس لمدة 5 دقايق او 10 وتغسليه كويس وتعديها كذا مرة يعنى مرة فى الاسبوع لمدة 4 مرات او حسب ما تلاقى القشرة تنتهى وكل كام شهر تكرريها عشان تمنع القشرة ..ميزة زيت زيتون بيمنع ان خل التفاح يجفف الشعر

بالنسبة ان اول الزواج الشعر بيكون هايش احنا كدا كدا اول ايام الزواج الشعر بيتغسل كتير يعنى مش بيلحق ينشف عشان يبقى هايش وساعتها حتلاقى موضوع بسيط انك تعمليه كيرلى او ترفعية على فوق بتوكة حلوة وتسبيه نازل بشكل لولبى او تلبسى طوق عليه وتبرميه بايدك وهكذا حركات البسيطة ديه وممكن بعد وقت تعملى مرة بيبى ليس حتلاقى نفسك الموضوع بسيط

بالنسبة هايلايت اللى عايزة تعمل قبل فرحها الوان وكدا زى ما قولنا حاولى تخلى حاجات ديه بعد فترة من الزواج لما يبقى خلاص جوزك اتعود عل شعرك الطببيعى يبقى غيرى ساعتها لو غيرتى لون شعرك من اول يوم زواج بعد كام شهر حتعملى ايه ؟؟؟ وبردو لو حابة انك تعملى هايللايت اختارى الوان لايقة على بشرتك وجربى كام خصلة بسيطة على الشعر وشوفيها بعد يومين يعنى بلاش تحكمى على الون الشعر بعد اول يوم لان اللون بيهدى عشان تعرفى تحكمى اذا كان اللون مناسب ولا لو كان عجبك روحى واعملى لو لا يبقى خلاص كام شعرة مش حتاثر ....

فيه ايه تانى يا بنات بخصوص الشعر ؟؟؟

كتبت بواسطة nnnnn_nora

ماشي يااحلي نودي احلام سعيده ان شاء الله
ومنتظرينك علي خير ياقمر

ربنا يخليكى يا نور يا قمر

كتبت بواسطة ملوكة 12

أسمحيلى أحيكى يا هنوده على الموضوع الجميل زيك ده
وأحيكم كلكم على الروح الجميلة الموجودة بينكم اللى خلتنى أتمنى انى اكون واحدة منكم................
بصى بقى يا هنودة انا أبتديت اسمع كلامك وانفذه بالحرف بس عايزة اسئلك سؤال كده انا استخدمت مسلك الزبادى وفيتامين E ده مرتين ومحستش بأى تغيير
هو تأثيره هيظهر بعد كاام مرة تقريبا ؟؟؟
وأسفة انى طولت عليكى يا قمر

اهلا ملوكة انتى طبعا واحدة مننا احنا هنا كلنا اصحاب واخوات والبيت بيتك
بصى ياقمر اى ماسك ى الدنيا نتيجته مش حتظهر من مرة ولا 2 وفيه ماسكات نتيجتها مش ظاهرية تشوفيها بعينك بس بتغذى من جوا البشرة وتلاقيها مع الوقت البشرة نظيفة ونضرة متفقين على مبدا ده ياملوكة ؟؟ بالنسبة ماسك الزيادى وفيتامين ده مغذى جدا للبشرة وحتى اخصائيات التجميل بيستخدموه ميزة الزيادى منظف هايل وبيشبيل الدهون بتاعة البشرة وفيتامين طبعا معروف انه مغذى وبيجدد البشرة انتى كمان ممكن تضيفى عليه عسل نحل ؟؟ وياقمر طولى زى ما انتى عايزة

كتبت بواسطة قطقوطه مصريه

مبروك ياهنوده ومبروك لينا على الجزء التانى وميرسي لنصايحك وانا هفضل متابعه معاكى ان شاء الله

الله يبارك فيكى يا قطوقطة ويارب الموضوع يعجبك ياقمر

كتبت بواسطة basbosa.2

اوووووووك ياقمر وهستنى موضوع الشعر بفااااااااااارغ الصبر

وطبعا انتى هتشوفى رسالتى دى بعد ما تكونى صحيتى....عشان كده هقولك صبااااااح الخير حبيبتى.....ههههههههه

صباح النور يا بسبوسة

كتبت بواسطة م.هبة

جزاكِ الله خيرا يا هنودة يا قمر انتى ... بس عاوزاكى تجاوبيلى على سؤال السمنة البلدى ده ..

ومنتظرين موضوع الشعر بفارغ الصبر .. على نااااااااار

انا جاوبتك ياقمر على السؤال

كتبت بواسطة sooo008

ايه ياجماعه التفاعل الجميل ده بجد تحفه ياريت نفضل كده علي طول واي حد عنده حاجه يقولها معلش مكنتش معاكوا امبارح هنوده ازيك بص ياقمر انا عرفت هستخدم السيروم ازاي بس ياقمر عندي حاجه بخوص البيبي دول انا بموت فيه وبحبه بس مش لاقيه في مصر ولا حته عند جويا فياريت لوتعرفي حد في مصر ياريت تقوللي

حبيبتى البييى دول موجود فى محلات لانجيرى وحاولى تشوفى كتالوج لاسو ممكن تلاقى فيه وفيه كمان موديلات التركية وحاجات زى مودبلات روتانا وعامة اى محل لانجيرى اساليه عندك بيبى دول حتطلعلك الموجود

كتبت بواسطة nnnnn_nora

حبيبتي هنوده فعلا كلامك روعه
اختي عملت الكيراتين ب2000 جنيه وشعرها علي العلم انه كاريه وفعلا جميل جدا جدا
وانا كمان كنت بقعد قدام خطيبي بشعري وكان حبه كتير
مع انه مش ناعم حرير

بس برضو مش خشن خالص
بصراحه كان مبسوط قلت تمام
بس ادعولي التساقط يقف بقي

كيراتين فعلا جميل جدا وبيدى منظر طبيعى للشعر والتساقط يا ب يقف خااااااااالص