كتبت بواسطة رحاب الرحمن

ازيك يا هنوده يا رب تكونى بخير ... انا عندى سؤال مهم ومحيرنى .... ان شاء الله عايزه اشترى مستحضرات للعنايه بالبشره والجسم والشعر واليدين والقدمين وماكياج وبرفانات وحاجات من دى قبل فرحى ان شاء الله يا ريت تكتبيلى ليست بالحاجات المهمه اللى ضرورى اشتريها لانى بصراحه تايهه ومش عارفه اجيب ايه وفى حاجات اصلا معرفهاش وممكن تكون مهمه اوى لانى مش بهتم باستعمال كل الحاجات دى و الاسكراب ومعطرات الشعر والجسم وكده .... يا ريت تساعدينى يا هنوده

بصى يا رحاب يا جميل ديه ليستة كنت كاتبها قبل كدا
http://lakii.com/vb/showthread.php?t=598796&page=2

حزودلك عليها شوية حاجات
فى شاور نازل حلو من اولاى olay ب 18 ج

كريمات معطرة للجسم
بودرة تلك معطرة بنفس ريحة برفيوم

سبراى للفم بيعمل انتعاش فيه بريحة فرواله والنعناع والبرتقال من ماركات زى dental care او اى ماركة حتلاقى ب 15 او 20 ج

بالنسبة برفيوم
ممكن تجيبى بادى سبلاش
بادى سبراى
برفيوم هادى وبرفيوم تقيل
مسك

معطرات الشعر مش حلوة لانها بتاذى الشعر ن كتر الاستخدام انتى ممكن تستخدمى زيوت عطرية زى الفل والعنبر والافندر والفواكه وتحطى منها نقطة على ايدك وتمسحى بيها الشعر كله

هاتى سيروم او كريم لشعرك حسب ما انتى متعودة

دول اكتر حاجات مهمة كمان هاتى مبرد للرجل وحجر للكعب ومشط خشب للشعر لانه احسن من البلاستيك

لو فى حاجة تانية انا ناسيها فكرينى بيها يقمر واقولك عليها

كتبت بواسطة HOOBY

ميرسى يا هنوده يا سكر

بجد موضوع الاهتمام بالعين تحفه مشاء الله

كمان ميرسى جدا جدا على موضوع النمش

كنت عايزة اسألك عن حاجة تانيه بقى

انا اشتريت براون هيا لونها فوشيا كده فى 3 قطع

واستخدمتها بعد السويت مجرد مشيتها كده على رجلى

بس للاسف حسيت ان مكانها خشن والشعر طالع غبى مع انى مش استعملتها لوحدها

مش عارفه ممكن اكون استعملتها غلط ولا هيا اصلا وحشه انا اول مرة اجربها

كمان يانوده معلش هتقل عليكى اثار الحبوب بتغيب اوى على ما بتروح من عندى مش عارفه ليه ممكن تقوليلى اعمل فيها ايه ؟

وجزاكى الله كل خير ياقمر على تعبك معانا

هوبى البروان عامة ملمسها بيبقى اخشن من السويت يعنى لو انتى متعودة على السويت مجد تستخدمى البروان تحسى انه الشعر خشن لانها كدا .. انا بردو لما جربت بروان عملت معايا كدا رغم انى جايبها بقالى 6 شهور مش جربتها غير مرة واحدة ...

عامة انتى بتستخدميها عكس نمو الشعر زى السويت .. خليكى فى السويت احسن وخلى بروان فى الزنقات بلاش تعتمدى عليها انها بديلة للسويت

اثار الحبوب حاضر حاشوفلك حاجة مجربة واقولك عليها

كتبت بواسطة Noura89

هنووووووووووووووودة
وحشتينا وحشتينا جدا
متغيبيش علينا كده تانى
مبروك على الجزء 12وعقبال ال100 ان شاء الله
بصى بقى يا ستى انا زهقت من سواد الركب وحاسة ان خلطة الليمون والجلسرين مش عاملة حاجة بالعكس ده السمار بيزيد وده مدايقنى خالص
بالنسبة لزيت اللوز المر انا جربته وعجبنى بس بحس ان جسمى بيبقى مزيت لفترة مش عارفة بقى انا اللى حطيت كتير ولا ايه
حاجة كمان بالنسبة لخلطة الابط بتاعة كيناكومب هو فى فرق بين الكريم والمرهم اصلى عملتها بس بالمرهم لمدة اسبوع ومحستش بالفرق
بجد انا جالى احباط من الابط ومن الركب وزهقت منهم

نسيت اشكرك على موضوع الاهتمام بالعين استفدت ممنه كتير جزاكم الله خيرا

نورا الامورة فينك وحشتينى كتير اوى

سواد الركب لو سواد كتير استخدمى مرهم مقشر عشان يقشر طبقة السودة وبعدها ترطبى عالطول بكريمات ترطيب اللى اعرفه من كريمات التقشير ليكوسيد ار وفى كريم ريتن ايه .. بس مجربتهوش

زيت اللوز مش بيخلى الجسم مزيت بالعكس ميزته ان البشرة تمتصه بسرعة انتى متحطيش كتير حطى بسيط اللى يكفى الجسم

وصفة الابط بتبقى بالكريم مش المرهم ايوة فى فرق فى الاستعمال بينهم

كتبت بواسطة pink_heart

هنوده حبيبتى نورتى المنتدى بعد الغيبه الطويله بجد طول ماالموضوع بتاعك فى الركن بحس انه منور مش تغيبى عننا ياقمر
والف مبروك عل الجزء 12
وموضوع العين جميل وموضوع العطور كمان تسلمى وتسلم ايدك على الحاجات الجميله دى

بينك حبيبتى وحشتينى اووووووى انتى فينك
والله انا بفرح بجد جدا لما بلاقيكى موجودة ربنا يخليكى ياقمراية

كتبت بواسطة hindii

كيقكم حبيباتي والله وحشتوني كتيير
هنودة مبروك على الجزء 12 و عقبال المليون انشاء الله
والله كنت قلقانة عليك متبقاش تغيبي علينا يا قمر
ميرس على موضوع الاهتمام بالعين استقدت منه جدا جدا انت دايما مواضيعك في الجون ربنا يجعله في ميزان حسناتك
و كمان موضوع البرفيوم استفدت منه كتير
اولا بشكرك عشان كتبت معظم الكلمات بالانجليزي
وتانيا انا اتلخبطت شوي و عايزة استفسر منك يا قمر
دلوقتي بقى احنا عندنا- -بودرة معطرة - body splash- body spray- lotion- shower-creme
body spray بتبقى من غير شاور متلا بعد المطبخ زي ماقلتينا
و الحاجات التانية بتكون بعد اللوشن . طب انا عوزة اعرف منك ايه الترتيب لبوبدرة معطرة وكريم و body splash يعني عنحط ايه بعد ايه ?
و كمان ايه فايدة الكريم
بكرة انشاء الله هروح اشتري زيت اللوز استعمله كلوشن بس مش عارفه احط على جسمي و هو مبلول ولا ناشف
وميرسي ليك يا قمر اسفة تعبتك معايا
ريم - ايمان -موني-اسراء -هبة-روز-عبير و حبيبةو بسبوسة و كل البنات والله وحشتوني كتيير اسفة اني مبدخلش اليومين دول على المجموعة عشان بعد الشر عندكم خالتي عملت حادتة سارة و رجلها متجبصة عشان كده ببات عندها و هي للاسف معندهاش النت بس والله تفكيري كله معاكم بس بدخل في الصبح من الشغل اشفكم عملتوا والله شغل جاااااااااامد ربنا يوفقكم يا بنات بس خسارة مش بلاقي حد
ان شاء الله يوم الاحد سادخل معاكم على 10 اوووووووكي
يا ريت تنورينا يا هنود و حشتينا كتتتتتتر

ياقمراية عاملة ايه مبسوطة انك معانا
بصى حبيبى ترتيب الاستخدام

الاول شاور shower
بعده اللوشن lotion او الكريم
بعده body splash or body spray
فى الاخر برفيوم

او ممكن تحطى شاور وبعده بودرة معطرة وفى الاخر بادى سبلاش او بادى سبراى

الكريم هو زى اللوشن هو ترطيب للجسم بعد الشاور

زيت اللوز بيتحط على الجسم وهو ناشف ياقمر

الف سلامك على خالتك باجميل ربنا يشفيها

كتبت بواسطة ايمان مونى

السلام عليكم

ازيكم يا بنات وهنودة حبيبتى عاملة ايه ؟؟؟؟؟؟؟؟؟؟؟؟ يارب تكونى بخير يا قمر

كنت عاوزة اشكرك على الرد ياقمر جزاكى الله خيرا وكمان على موضوع البرفيوم فعلا كنا محتاجينه ده انا هخصص ميزانية للحاجات دى قبل الفرح على طول ان شاء الله

ربنا يا حبيبتى يتمم فرحك على خير ويكون قريب باذن الله ويسعدك مع زوجك يا رب

هند المغربية بقى
الف سلامة على خالتك ربنا يقومها بالسلامة وتبقى كويسة قريب ان شاء الله

وانتى وحشتينا اوى يا قمر وان شاء الله هنستناكى يوم الاحد

مونى الجميلة عاملة ايه ؟؟
الحمد لله ان موضوع عجبك وانبسطتى بيه ويارب اشوفك انتى كمان اجمل عروسة وزى القمر اكيد

يالا ياهنودتي ياقمر
كده علي السريع
هسالك كام سؤال ضروريين
اول شيئ عايزه ماسك حلو لبشرتي
بشرتي عاديه
وكمان عايزه وصفه حلوه للهالات السودا
وكمان عايزه طريقه لشد الجسم مظبوط وتمنع اي سلولايت
منتظراكي ياقمر
بارك الله فيكي

صحيح وعايزه طريقة الباديكير والمانكير
وايه رايك صحيح في كريم دوف لشد الجسم
هل فعلا بيجيب نتيجه بسرعه ولا لا؟

مرحبا يا حلوين مبروك يا نودة الجزء الجديد والله يجزاك خير ع اللي بتعمليه معنا وعلى المجهود اارائع ان شاء الله الكل يستفيد يسلمو

منتظره اجابتك يانودي