كتبت بواسطة hasby_raby_77

ازيك يا هنووووده وازيكم يا بنات الف الف مبروووووووووك على الجزء 11 وبالتوفيق يارب
ياريت يا هنوده تبعتيلى الموقع بتاع الفساتين السواريه
واذا عندك موقع برضه للازياء العاديه يبقى ربنا يكرمك
يا جماعه انا عندى قوائم باحتياجات العروسه من مطبخ وازياء وميكب هل اكتبهلهاكو
كانت بنت خالى مديهالى بعد ما جهزت بس من غير ماركات

حاضر يا قمر حابعتلك الينك
وحاشوفلك موقع ازياء عادية وابعتهولك ان شاء الله

طبعا ياقمر اكتبيها كلنا حنستفيد منها يالالامستنيناك

كتبت بواسطة روزي روز

تسلمي هنوده علي المجهود الرائع
ومبارك الجزء ال 11 وعقبال ال100

اله يبارك فيكى ياروزى ويارب نوصل ل 100 وكلنا مع بعض

كتبت بواسطة ايمان مونى

السلااااااااااااااااااااام عليكم

الف مبروك يا هنودة على الجزء 11 وانا اقول هو الجزء العاشر راح فين ولحق يخلص بسرعة كدة ليه

بسم الله ماشاء الله انا مش بحسد ولا حاجة بس انتى عندك حق يا هنودة الردود لازم تقل لحسن المشرفات يضربونا هههههههههههه

على العموم انا كنت عاوزة اباركلك واقول لريمى ربنا معاكى ويسعدك انتى وكل العرايس اللى فرحهم قرب وارحب سارة العروسة الجديدة معانا وانا هسيب هنودة ترد عليكى عشان ماخدش مكان كبير

احنا اتفقنا نقلل الردود

سلاااااااااااااااام

ازيك يامونى تسلمى ياقمر على كلامك الجميل

كتبت بواسطة ميويا86

مبااااااااااااااااااااااااااااارك عليكي وعينا الجزء الجديد
وياااااااااااااااااااارب نفضل مع بعض ع طول
نودي حبيبتي معاكي خااااااااااااااالص ف رأيك ومش حاجة تزعل ولا حاجة حبيبتي ربنا يبارك فيكي يارب
بس فعلا عشان نستفيد كلنا
وانا بقول لوينفع نعمل مجموعة باسم عروسات المستقبل
بحيث حتي لو الجزء اتقفل ممكن نتكلم فيه عبال ما تفتحي الجزء الجديد وعشان السلام و الكلام العادي بتاعنا مش يخلص الجزء
اية رأيك يانودي؟؟؟
اية رأيكو يا قمرات ؟؟؟

نودي صحيح انا كنت كتبت تجربتي الجديدة مع بالمرز
قريتيها؟؟؟
اصل بسبوسة قالتلي انها سمعت انه وحش
ف رأيك اية؟؟

ميويا حبيبتى وحشتينى
اولا فكرتك بجد تحفة انا من زمان كان نفسى اعملها بس كسلت بس لو انتوا موافقين خلاص نعملها وانتى بقى يا ميويا تبقى مسئولة عنها اوك ؟؟؟

بالمرز حلو مش وحش بس فى ناس مش بتحبه لانه تقيل على الشعر بس اللى استخدموه عجبهم ومحصلش قى شعرهم حاجة

كتبت بواسطة nahed_love

شكرا لك على المعلومات القيمه ممكن تقوللى احسن اتيليهات للايجار وتكون الفساتين فيها قيمه غير منال القاضى ولو فى كوافيرات بتيجى فى البيت مين هما واوصلهم ازاى عايزة كمان حاجه بقع الحبوب اللى فى الوجه اى حاجه بتضيعها علشان مضيقانى اعمل ايه وبعدين انا مشعرة جدا لما بعمل بالسويت ويبدا الشعر يطلع يسببلى هرش جامد مش عارفه اعمل ايه مفيش اى وصفه او كريم ممكن يهبط الهرش كمان وصفه السواد اللى تحت الابط تتعمل اسبوعين بس وبعدين اعمل ايه اللى فيها كينا كومب والليمون وجزاك الله خيرا ويجمعك على خير مع زوجك وربنا يسعدك ويوفقك

فى يا ناهد اتيليه نور نوح حلو جدا وفساتينه جميلة ده فى شارع ابوقير فى لوران فوق امريكان فريننتشر

فى اتييليهات فى الديب مول اسمه نانسى سويت تقريبا فى الدور 7

فى كذا اتيليه فى شارع ابوقير فى منطقة رشدى

فى اتيليه اسمه اليمانى فى جليم

كوافيرات اللى بيجوا البيت اجيبلك ارقام تليفوناتهم وابعته لبكى على الخاص

وصفة كينا كومب بتجيب نتيجتها خلال اسبوعين ل 3 استبيع بعدها خلاص مفروض السواد بيروح وتهتمى بالمنطقة انك تعملى سويت فيها وتغسليها دايما عشان العرق وممكن كل كام يوم تعملى ماسك ليها من بودرة تلك وماء ورد وبلاش اى مزيل عرق خالص

اثار الحبوب هو فى حاجات طبيعية بس بتاخد وقت لو مستعجلة روحى دكتور جلدية يكتبلك على حاجات كريمات طبية

حاجات طبيعية وصفة الخيار انك تجيبى عصير الخيار وتمسحى بيه على وشك مكان البقع وتسبيه نص ساعة واغسلى وشك اعمليه كل يوم

واعملى سكرب مرتين فى الاسبوع ملح مع ليمون

فى وصفة كمان خميرة فوريه مع لبن تحطيهم على وشك ربع ساعة وتغسلى وشك بتبقى مرتين فى الاسبوع

لما تعملى سويت قبلها بساعة اعملى سكرب ملح مع ليمون عشان يطلع الشعر تحت الجلد ولو عرفت اجيبلك اسم كريم حاقولك

كتبت بواسطة basbosa.2

هنووووووووده حبيبتى مبرووووووك الجزء الجدييييييد والى الامام دائما يااااااااااارب
ويااااااااااارب نفضل مع بعض علطووووووول

وانا كمان مع رايك واكيييييييد محدش من البنوتات هيزعل لاننا هنا كللللللللنا الحمد لله بنحب بعض

وربنا يوفقك ياااااااارب ياريمى وساره ونورا وكلللللل العروسات اللى فرحهم قرب

وعندى سؤال ياهنوده فى زى حبايه صغيره كده وزى الحبوب البيضاء دى طلعالى تحت عينى مش عارفه ليه؟؟؟ واعملها ايه؟؟

بسبوستى الامورة عاملة ايه

الحبوب دي اوقات بتبقى نفسيا انتى اصبرى كدا شوية وتروح لوحدها لو لاقدر الله مارحتش الافضل روحدى دكتورة جلدية بلاش تجربى وصفات وحاجات فى منطقة حساسة تحت العين

وبردو احينا بيبقى كوليسترول عالى بيبقى علاجها فيتامين e وتقليل الالبان بس بردو الافضل دكتورة تحددلك


هو فى وصفات طبيعية بس معرفش نتايجها

وبعتلك اللينك

كتبت بواسطة Noura89

ازيك يا هنودة وحشانى جدا جدا وبجد كل البناويت والعرايس هنا واحشنى جدا
انا من ساعة مدخلت الدراسة مش عارفة اقعد على الكمبيوتر مش عارفة هما شدين حيلهم معانا كده ليه من الاول ربنا يسهلها علينا
انا مع ميويا اننا نعمل مجموعة باسم عروسات المستقبل نرغى فيها براحتنا هههههههه

معلش بقى يا هنودة عندى شوية اسألة كترة حبتين
واحدة صاحبتى سألتنى الخميرة اللى بنستخدمها فى ماسكات الوجه بتكون الخميرة الجافة والا اللى بنجبها من عند فرن العيش ؟
ثانيا ينفع نعمل كذا ماسك للوجة يعنى انا ارتحت مع ماسك النشا واللبن اللى بيتعمل كل يوم عشان يخفف من اثار الشمس وكمان ارتحت لماسك الزبادى والخيار امشى ازاى الماسكين مع بعض؟؟
ثالثا فى ماسك الزبادى والخيار انا بقطه الخيارة واحطها فى الخلاط مع شوية ميه واضربها وبعدين اصفى الخيار واستخدمه فى الماسك والماية اللى طلعت من العصير اشيلها وامسح بيها وشى كل يوم صح كده ولا انا بعك؟؟
را بعا اناركبى سمرا شوية باستخدم الليمون والجلسرين بقالى كام يوم مفيش اى تحسن مش عارفة بقى استخدم اية تانى مع ان بشرتى حساسة وبستحمل الليمون بالعافية

اخر حاجة بقى
البيبى ليس اللى قولتيلى عليها شوفتها فى كارفور ب320 جنيه!!!!وانا لما عملت سيرش لقتها ب200 او250 بس لسه حسأل عليها فى بى تك عندنا فياريت تقوليلى انتى جبتيها بكام ؟؟؟

ويا ريت تبعتيلى لينك الموقع بتا الفساتين

نورا الامورة شدى حيلك عايزين دكتورة جامدة

الخميرة لا الجافة اللى بتبقى فى اكياس

لى ماسك بيتعمل مرة فى الاسبوع او مرتين مش كل يوم يعنى انتى مرة اعملى لبن مع نشا ومرة زبادى بالخيار يعنى مرتين فقط فى الاسبوع

عصير الخيار مفيش مشكلة انك كل يوم تمسحى بيه على وجهك لانه مغذى للبشرة

سمار الرجل خليكى مع وصفتك معلش هى بتاخد وقت طويل يعنى شهر عشان تلاقى نتيجة بس عشان بشرتك حساسة بلاش تجربى مراعم تقشير

بيبى ليس انواع كتيرة اللى كنت بعتلك صورتها ديه 200 فى بى تى اما باقى الانواع فى 300 وفى ب 350 اللى لونها دهبى ونوع تانى لونها احمر

هنووودة الف مليون مبروك على الجزء الجديد ويا رب دايما
من نجاح لنجاح وتقدم مستمر ...كلامك فعلا صح وحكايه الجروب دى
ممتازة زى صحبتها
هنوودتى انتى عارفة انى باستخدم مجموعة اوبتمالس من اوريفليم بس انا كان
عاجبنى الغسول بتاع شجرة الشاى الاخضر بردو من اوريفليم ينفع استخدمه بدل
الغسول بتاع اوبتمالس ولا لازم استخدم المجموعة على بعضها عشان تجيب نتيجة افضل
كمان حاجة عايزة اسم كريم عين يكون كويس ويا ريت يكون من اوريفليم واسفة على التعب

ازيكم ياقمرت عاملين ايه وحشنى كتير
الف مبروك ياهنودة على الجزء الجديد وربنا يبارك فيكى ويعينك على فعل الخير ويجعله فى ميزان حسناتك
وعندك حق يا هنودة فى ملحوظاتك وان شاء الله نلتزم بيها وانا معاكم فى فكرة ميويا لان احنا العلاقة بينا بات اكتر من سؤال وجواب وخصوصا ان الواحد حالته النفسية بتتغير فى اليوم 100 مرة وبيحتاج حد يتكلم معاها زى انادلوقتى داخل عليه دور كابة متعرفيش ليه ربنا مع ان انا النهاردة الحمد لله نزلت وخلصت حاجات المطبخ كلها وكنت مبسوطة لكن الحمد لله معلش طولت برده ادعولى يا بنات ربنا يكرمكم ا

الف مبروك ياهنوده على الجزء 11 ومبروك علينا كلنا
وانا معاكى ياهنوده فى كلامك ومش فى اى حاجه تزعل فى كده

ريمان وسموحه ربنا ييسرلكوا الاحوال يارب ونفرح بيكوا وكل العروسات القمرات

وفكرة ميويا حلوة اوى

السلام عليكم
ازيك يا هنوووده يا حبيبتى بقى كده كنتى سايبانا تايهين بين اركان المنتدى
وحشانا وربنا والف مبرووووووك على الجزء الجديد 11 وعقبال ال100
وكلامك مايزعلش وان شاء الله نلتزم بيه


ازيكم يا بنات كلكوا وحشنى
ريمى وسموحة وبينك وسارة ومونى وميويا ونورا وزكية وعزة وروز وملووووكة وبسبوسة وبسكوتة وناهد وحسبى ربى يارب مكونش نسيت حد ... سامحونى
وربنا معاكى يا سموحة انتى وريمى

هنووووودة
انا بشررررتى بايظة خالص
اولا انا اعتقد ان بشرتى جافة لانها بتقشر كتير مش فى الشتا بس لاء وممكن كمان فى الصيف
وزهقت منها خالص بحاول ارطبها على اد مابقدر بس ممكن يومين تبقى كويسة وعشرين لاء وبتبان كمان لما احط ميكب بتبقى مقشرة كده مع انى مابحطش ميكب على طول يعنى فى الخروجات بالليل بس ومابتبقاش كتير انتى فهمانى
احترت فيها بجد لاء واللى زاد انه طلعتى حبتين مكورة كده تحت الجلد .....

انا بعمل سكرب عشان التقشير ده عبارة عن زيت زيتون وسكر وبفرك بيه وشى
بس مابغسلش وشى على طول بغسله بعد ساعتين كده لانى سمعت انه زيت الزيتون مع الميه بيسمر الجلد ..... معرفش اللى بعمله ده صح ولا غلط
ياريت تقوليلى اتعامل مع بشرتى دى ازاى بقيت اتكسف منها ساعات وانا قاعدة مع خطيبى والله
معلش طولت عليكى ربنا يجازيكى كل خير وييسر امورك انتى وكل البنات