كل سنة وكلنا طيبين بمناسبة الجزء الجديد يارب نفضل مع بعض عالطول
معلش الاسئلة اللى كانت فى الجزء اللى فات ملحقناش نجاوب عليها استئذنكم تكتوبها هنا تانى عشان نرد عليها
نهاردة جايبلكم طريقة او وصفة للشعر جربتها من يومين وطلعت الحمد لله رووووووووعة كنت قولتها لسارة
بس كنت لسه مجربتهاش النهاردة بقى لما جربتها قولت لازم اقولكم عليها
هى عبارة عن زيوت يتعمل بيها حمام زيت مع ان شعرى مش بينفع خالص مع الزيت بس الحمد لله اول مرة ينفع معه الزيت عشان كدا انبسطت
الاول الخلطة ديه كان قايلها دكتور عادل عبد العال فى برنامج 48 ساعة اللى بيجى على المحور
30 جرام زيت شبت + 30 جرام زيت زيتون + 30 جرام زيت لوز + 10 جرام زيت عنبر
يتخلطوا مع بعض وتعملى بيهم حمام زيت مرة فى الاسبوع
تسخنى على النار الزيوت ولما يدفوا تخطيهم على فروة الراس وتعملى زى تدليك كدا سريع لفروة الراس وحاجة بسيطة من الزيت تمسحى بيها الشعر كله مش كتير عشان الفايدة تكون فى الفروة مش على الشعر
وتجيبى فوطة سخنة وتلفى شعرك وتسبيها ساعة الا ربع او ساعة انا حطيتها 45 دقيقة وغسلت شعرى عادى وطلعت ولفيته طاقية طلع حلو جدا
فايدة الوصفة
تغذية للشعر اوى
تطرية للشعر
مع التكرار بيقلل الهيشان والتقصف
جربوها وقولوى رايكم
الروابط المفضلة