قصة دمار عائلة بسبب اتصال من شيطان
بسم الله الرحمن الرحيم

اهلين كيف الحال ؟؟
قصة دمار أسرة بسبب اتصال من شيطان

بدأت اصابع تتلاعب بارقام الهاتف .. واذا به يدق احد ارقام الهاتف ... واذا بطفل يكلمه
فيقول المعاكس: الوو .. الو .. الووووو
الطفل : الوو .. هلا .. منو انت ؟
المعاكس : كم عمرك ؟
الطفل : 6 سنين ...
المعاكس : ماشاء الله .. رجال والله ... في احد جنبك قريب ؟؟
الطفل : لا ... منو انت ؟
المعاكس : انا عمك ...!!
الطفل ( بسعاده غامره ) : هلا عم .. انت .. اللي في السعودية ؟
المعاكس ( بنبرة يملؤهها الملل ) : اي .. اي انا اللي في السعودية..... وين خواتك ؟
الطفل : ماعندي خوات ...!!!
المعاكس : طيب منو عندك ؟
الطفل : بس الخدامه ؟
المعاكس : حلوه ؟
الطفل : ويع لا مو حلوه
المعاكس: وين امك؟
الطفل : في الحمام تسبح ..
المعاكس : يالله مع السلامه
ويغلق الهاتف ....

بعد دقائق .. يعيد الاتصال ..
المعاكس : الووو
الطفل : هلا .. منو عمي ؟
المعاكس : اي .. وين امك ؟
الطفل : راحت غرفة النوم ..
المعاكس : شنو لابسه ؟
الطفل : ثوب احمر .. كله ماي ( يعني ممتليء بالماء )
المعاكس : يالله مع السلامه ..
يغلق الهاتف مره اخري ...
بعد دقائق ....
المعاكس: الووو ...
ابو الطفل : الوو .. نعم .. منو معاي ؟
المعاكس (بنبرة استهزاء ) : اييه يا مسكين ... اكيد توك راجع من الدوام؟
ابو الطفل : منو انت .. ومو شغلك راجع والا طالع .. خير شنو تبي ؟
المعاكس : ايه لاتعصب زين .. بس تبي الصراحه عندك خوش زوجه .. والله عرفت تختار .. يا الذيب ... جسم وجمال علي كيف كيفك .. تصدق توني نايم معاها .. حتي طلبت منها تلبس الثوب الاحمر ..
ابو الطفل : يا نذل ياقليل الادب .. ويغلق الهاتف .. بغضب
ويركض مسرعا الي الدور العلوي .. الي غرفة النوم .. واذا به يرى .. زوجتهه وعليها الروب الاحمر .. وشعرها مبلل .. وجالسة امام التواليت ... فيخطفها .. ويضرب رأسها بالمرايا .. ويشبعها ركلا وضربا .. وهو يقول : اطلعي بره بيتي .. يا (.......)
انت مو كفوا بيت العز والنعمه ... وتنظر اليه زوجته بنظرات .. المأخوذه علي أمرها .. لاتعرف ماذا تقول .. ومالذي حل بها .. فتسرع تجمع شتات اغراضها .. مسرعة الي بيت اهلها ...
ويجلس ابو الطفل بحيرته .. حائرا .. غاضبا .. لايعلم مالذي فعل ومالذي حل به ..
فاصبح في حيرة من أمره .. ما يدري وين يروح .. ولمن يشكي أمره ...
لانها غريبة .... استمر علي الحال يومين مايعرف .. طعم الراحة .. وخاصتا انه متعود علي انه اول مايرجع
يذكر كيف كانت حياته سعيدةو
تنقلب بين يوم وليله ؟؟!!
اما المعاكس .. فماعاد يقدر يذوق طعم النوم ...
ولا عرف الراحة درب .. كل ما بغي ينام يتحلم بشكل المرأة كما تخيلها بثوب أحمر .. وهي تنظر حقه وتدعي عليه .. وتقول فرقتنا الله يفرق بينك وبين الراحة ... ضميره صحي .. وراح للاطباء .. يبي بس ينام .. ولو لساعات بسيطه ... ما خلي نوع من الحبوب .. لكن بدون فايده ... فراح الي احد المشايخ يشكي الحال ...فقاله الشيخ : والله مالك الا انك تعترف للزوج والزوجة لعل وعسي يردون وترتاح انت ... !!!!!!!
فقال المعاكس: وانا مستعد .. المهم اني انام .. اعصابي تلفت يا شيخ
الشيخ : خلاص روح واتصل بوالد الطفل وخذ موعد معاه .. وانا مستعد اروح معاك ..
المعاكس : اي والله يا شيخ تكفا لاتخليني ...
يروح المعاكس ويخلي واحد من ربعه ويتصل بالزوج... وطلب موعد لرؤيته .. فيساله الزوج: منو انت ؟؟!!!
رفيج المعاكس : راح تعرفني اذا شفتني !
الزوج : مادام هذا طلبك هين .. باجر الغدا عندي ..
يجلس الشيخ مع الزوج والمعاكس ... في مجلس بيت الزوج المنكوب
فيبدا الشيخ بكلام .. وباحاديث تحث عن .. الاحسان والمغفرة
وبعدها يتكلم المعاكس : ويخبره بالقصه كلها ... فيقوم الزوج ويغلق باب المجلس .. ويضربه ضرب الله لايوريك ...
والمعاكس .. يون من الضرب اللي جاه من كل صوب ..
وبعدها يقول الشيخ : يا ابن الحلال .. علشان خاطري خلاص ..
فيجلس الزوج .. وهو يلهث من التعب ... ويقول : انا مستعد اني اسامحك لكن بشرط !!!
انك تقول هذا الكلام لزوجتي ... حتي تقدر ظرفي ... وسبب عصبيتي !!
فيقول المعاكس : والدم علي وجهه .....أنا حاضر .. وكل اللي تبيه يصير ...
ويذهبون الي بيت الزوجه ... ويجلسون في ديوانية البيت ... ويجلس معهم اخوان الزوجة ... وبعدها يطلب الزوج حضور زوجته لسماع .. كلام من الشيخ والمعاكس ... فتحضر ... الي الديوانية .. وهيي تستمع الي المعاكس .. فيقوم الاخوة بضربة من كل صوب ... لدهشتهم من وقاحته ... وانه كان السبب في هدم بيت اسرة كاملة ...
فيفرق الشيخ بينهم ... ويستطرد كلامه .. بآيات قرأنية .. وأحاديث لعل وعسي ان يغفرو لهذا الشاب الطائش ...
فترد الزوجة .. بعد سكوت الشيخ وانتظار وسماع قولها ..
فتقول : يا شيخ ... لايمكن .. ومستحيل أن أرجع الي شخص يضربني ويهددني بالطلاق بمجرد مكالمة طائشة .. هذا يا شيخ يعني انه ليس بيننا ثقة .. ولا استطيع العيش مع شخص لايثق بي .. وتنهض من مجلسها .. وترد الي اخوتها ... وتقول : هذا آخر رد عندي لهم
فتخرج......
فبعدها .. لم يهنأ هذا الطائش بنوم ولا هدوء ... ولا راحة بال واستقرار حال

منقووووووووووووووووووووووووووووول >>>

بصراحه الزوج غلطاااااااااااااااااان ...

يعني اي كلمه يسمعها فوراً يصدقها !!

مافيه نقاش او تثبت ...! والعجيب انها من شخص مجهووووووول ...وليس ثقة لكي يصدق !

لست ادري هل هناك نوعيات من هذا الرجل موجوده للأن !!!

الله يكون في عون اهلهم

لا حول ولا قوة الا بالله

اكيد الزوج غلط كان لازم يتاكد من زوجته في الاول بس شكلها معدومه

والله يهدي شبابنا الي ما بيجي من وراهم مرات الا خراب البيوت

صدق قهرر
والزوج من حقه يصدق الريال
لانه وصفه اللبس
حسبي الله ونعم الوكيل
لازم نسمي القصه
مشكله مب بسسب الشيطان بس
مشكله بسبب الطفل

لانه طفلهم هو الاساس
وطبعا اكيد وسوسة الشيطان

الله يهيديهم
ويردهم لبعض

تسلمين اختي على القصه

يا بنات و الله هذي القصه تتكرر كثير في ازواج هداهم الله يصدقو بسرعه و يشكو بسرعه
الله يهديهم
ووصف اللبس ما كان سبب مقنع ممكن يكون قال اي لون خطر على باله و صدفه تكون الزوجه لابسه نفس اللون
هذا الشي ممكن يحصل كل يوم فيا ريت الازواج يراجعو نفسهم الف مره قبل ما يصدقو واحد ما يخاف الله خراب بيوت و يشكو في زوجاتهم العفيفات البريئات

معاكم حق الصراحه الزوج المفروض يتفاهم في مواضع حساسه زي كذا واللا اذا كانت على المكالمات كان خربت بيوت كثيره sid الله يستر علينا

تصدقون احسن شي في القصه العلقات الساخنه اللي اكلها المعاكس خخخخخخخ

بس ذكرتني هذه القصه بحادثه وقعتلي ايام ما كنت تربيه عملي في الكليه وكنت اطبق في مدرسه ثانويه المهم مرت الايام في المدرسه بأمان الله وفي اليوم الاخير طلبت وحده من الطالبات رقمي
<<<<< ما عندها وقت اعطيت البنت رقمي واتصلت عليا تسلم وتوالت الاتصالات
اتاري البنت اصلاً تكلم شاب في التيلفون ولمن تتصل عليا تدخله معايا مكالمه جماعيه انا اتكلم ((ياغافلين لكم الله )) وهو مبسوووط يتسمع


المهم ربي اراد انه يكشفها ابوها عرف والله ما ادري كيف وجا في باله ( الحمار ) انه انا اللي عرفت بنته على الشاب ( تخيلوا )

بطريقه ما ابوها جاب رقمي وقال لزوجي انه اللي اعطيت بنته الرقم... والخ الخ الخ (خير تفعل شر تلقى) sid

بس الخلاصه انه الحمد لله زوجي عارفني وعارف اخلاقي ما شك فيا
بس....




هزئني عشان اعطيت رقمي لوحده ما اعرفها وقال لو عاد عدتيها ب تشوفين شي ما قد شفتيه
وسلامتكم يعني لااحد يوثق باي كان
وسامحوني ان كان طولت عليكم

السلام عليكن اخواتى فى الله ...
الاخت ســـ البنات ت..بارك الله فيك على مشركتك وتعليقك القيم....

بارك الله بجميع الاخوات ....
الاخت سلسول
الاخت
لؤلؤه دبي

الاخت ا ممهند

الاخت امينه

بس الزوج غلطان على طول يصدق كلامه .. يعني هو مو واثق من زوجته .. حتى لو كان معصب مو لهدرجة يوصل تفكيره ويروح يضرب
ومسكين الطفل ما يفهم على طول صدق انه عمه علشان كا لاتتركوا التلفون حق اولادكم

بارك الله فيك اختى الحبيبة وسام على مرورك الطيب ....