السلام عليكم ورحمة الله وبركاتة وكل عام وأنتم بخير حابه أخذ رأيكم في موضوع الزواج بعد الطلاق طلاقي الاول من قبل اربع سنوات وفي السنة الرابعة تزوجت من رجل مطلق واستمر الزواج ستة شهور وانتهى بكل هدوء او اي مشاكل والآن انتهيت من العدة وتقدم لي شخص متزوج مقتدر ماديا تقبل ظروفي وانا رافضة فكرة زواج المسيار فوافق على اعلان الزواج ولظروف عمله وسفره المتكرر يرغب في اخفاء موضوع الزواج عن زوجته لرغبته ان ارافقه في سفراته ووضح لي لو علمت زوجته بموضوع الزواج لا أتمكن من السفر معه دائما واوضحت له انا ماعندي اي مشكلة فإذا قام التعدد على العدل لايوجد اي مشاكل

و عليكم السلام...نصيحه تزوجي لانه افضل مليار من عدمه...صلي الاستخاره لتطمئني اكثر و الله يوفقك...
بو احمد..

وعليكم السلام ورحمة الله وبركاته
وانتِ بخير وصحه وسعاده
"هالرجل تزوجك لسبب ربما لسفره المتكرر خاف ان يقع في الحرام "
عزيزتي طالما انه مقتدر مادياً وعارف ظروفك "وافق على اعلان الزواج "
فلم يتبقى ألا السؤال عنه والاستخارة مرة ,ثنتين ,ثلاث ,عشر .
والشرع محلل له ( مثنى وثلاث ورباع )حتى لو علمت زوجته بفترة بزواجكما فكل شيء شرعي ولا يقلق ..
وتذكري >> انك رضيتي بزواج المسيار من البدايه اتضح لك مابين قوسين( )
( ..انه يباخذك في سفرياته إذا سافر بياخذك معه وإذا رجعتو رجع لزوجته الاولى وعياله.. )
هالشيء انتِ موافقه عليه.. متنازله عن المبيت إذا رجعتو من السفر يرجع لزوجته الاولى وماينام عندك ولا ؟
وممكن يمنعك من الانجاب ويطلب منك تاخذي حبوب منع حمل !

* لتاكد من ما ذكرته اعلاه: (لتكوني على بينه )
يتكلم معه احد محارمك ويفهم منه ماهو المتنازل عنه غير اخفاء الزواج عن زوجته الاولى !!
هل منع الانجاب من ضمنها او لا .. وأنصحك إذا كان لايريد منك ابناء فلا توافقي ابداً
لانه لايريد تكوين اسرة (معاك) " أنتِ فقط لغرض محدد وهو المستفيد الاول .."

استخيري وادعي ربك وربك يكتب لك اللي فيه الخير
الله يكتب لك اللي فيه الخير ويرزقك بالزوج الصالح والذريه الصالحه يارب

صلي استخاره. .. وربي يستخيــر لك الخيـــر ..

استخيري والله الكريم ..

جزاكم الله خير على الردود الطيبة وصحيح الاستخارة اهم حاجة وكلام الأخت ناديا جزاها الله كل خير صحيح وفي البداية يجب ان يكون الاتفاق والتفاهم وموضوع الإنجاب انا بعد ولادة بناتي الاثنين عملت عملية لا أستطيع الحمل وانا سجلت بالمنتدى وشاركت بموضوعي لانه الطلاق ومرتين متعب نفسيا مايعلم بها الا الانسان الي جرب الطلاق الله يديم على الجميع الاستقرار والامان

لو كان كويس اتجوزيه.

الله يسر امورك

صلي صلاة الاستخارة وادعي ديما اللهم دبر لي امري فاني لا احسن التدبير وربي يكتب اللي فيه خير لك

مرحبا اختي
اولا صباح الخير ..
ثانيا وحشتوني كثيررررا
ثالثا اختي الغالية يسعدني ان اكون من ضمن الردود واحب اقولك اهم صفة لابد تتاكدي منها في المتقدم لك دينة واخلاقة
وباقي الامور تهون ,وش فيها لو تزوجتي للمره الثالثة مو عيب دام في الحلال هذا نصيبك اشكري الله علية وادعي لنفسك بالتوفيق والسداد
بارك الله فيك