بسم الله الرحمن الرحيم
السلام عليكم ورحمة الله وبركاته
أخواتى العزيزات أخباركم أيه ؟ .. وحشتونى كتير
حبيت أشرككم معى فى مشكلة صديقة عزيزة على قلبى جدا
قلت أنكم أكيد حتساعدوها بأفكاركم وخبراتكم ..

صديقتى متزوجة من زوج يحبها وهى تحبه جدا .. وكل من حولهم يحسدهم
على تقاربهم الواضح وعلاقتهم المتقاربة .. وتشاركهم بشكل كبير فى كل أمور حياتهم
وكأنهم أصدقاء أكثر من أزواج بشكل ملفت للنظر ..

تصوروا مثلا لوكنا خارجين سوا وشافت حاجة تعجبها ماتشتريهاش ألا أما تكون معاه
الخروج ماتخرجش ألا معاه .. هو كمان يشاركها فى أى شىء .. حتى خروجه مع الأصحاب قليل جدا لوحده ..
حتى الاكل معاهم يصعب عليه ياكل مع أصحابه علشان مش معاه

لدرجة أن فى الأجازات كلنا عارفين أنها خاصة بيهم .. لا يمكن تنزل من البيت معانا
ودايما خارجين فى رحلة أو سوا فى البيت ..

كلنا فعلا بنستغرب أرتباطهم ببعض بدرجة كبيرة .. وحتى أهتماماته أصبحت أهتماماتها


لكن تصوروا من فترة قريبة جدا .. كنت بكلمها ولقيتها منهارة .. وفى الآخر عرفت أنها
على خلاف مع زوجها .. وأما حاولت أهديها بأن الكل بيحسدها على قربهم من بعض..
وصداقتهم لبعض .. قالت (( صداقتنا هى سبب حزنى ))
وبكت اكثر .. وقالت أن اكتر شىء بيألمها احساسها بالحب بينهم كأصحاب أكتر من كونهم زوجين
وأن حتى علاقتهم ممكن تكون كأصحاب فى البيت لأكتر من شهر مع أنها بتحبه جدا ..
قلتلها يمكن انتى السبب .. وكل ما أقولها طريقة رومانسية فى المعاملة تقول عملتها ..
أقول لها أستنيه واتعشوا على ضوء الشموع يمكن تغيير ..
تقوللى تقريبا مرتين فى الأسبوع بنعمل كده .. ونفضل نتكلم سوا للصبح .. كأصحاااااااب !!!

وقالت أن كل اللى بتتمناه هى انهم يكونوا زوجين مش أصحاب ..
وأنها بتأجل فى الطلاق من حوالى سنتين وأكثر.. لأنها بتحبه .. ولأنها بتخجل
وطلبت منى رايى فى طلب الطلاق .. وسألتنى لو أنا فى مكانها حأكتفى بحياتى
مع زوجى كحياة ناجحة فى أطار صداقة ..

بصراحة أتصدمت .. سبحان الله كلنا بنغبطهم على قربهم الشديد .. ولا كنت أتخيل أنها بتفكر فى الطلاق

أنا محتارة .. وحزينة جدا علشانها .. وبصراحة خايفة أنقل لها رأيى بصراحة اكون
سبب فى هدم البيت
شاركونى بأرائكم يمكن نساعدها

sid sid sid

عذرا مشرفتنا تنقل للنافذة الاجتماعية .. سهوا منى

يالله نروح النافذة

اهلا بوسي ...وينك والله وحشتينا

عزيزتي ..افهم جيداً وضع صديقتك ...ومشكلتها واضحه ..وتتكرركثيراً

اعتقد ان زوجها يعاني من مشكله خاصه (ربما تكون جنسيه اونفسيه )...يحاول ان يتهرب منها او يتناسى وجودها وفي نفس الوقت هو يحب زوجته جداً ولا يريد التفريط فيها ..لذلك هو يحاول ان يعوضها عن هذا النقص بتعلقه واهتمامه الزائد بها ..وان يغمرها بالحب والحنان ..

ولكن كما حدث مع صديقتك لايمكن للحياة الزوجيه الأستمرار هكذا ...

لأن الهدف الرئيسي من الزواج قد اختل !!

عزيزتي.. كما يقال (آخر الدواء الكي !) لاحل لصديقتك الا بجلسة مصارحه مع زوجها ..فان كان السبب مشكلة جنسيه فليعرض نفسه على طبيب مختص لعل الله ان ييسر له العلاج ..

وان كانت نفسيه فالتحاول هي (بطريقتها الخاصه ) ان تشجعه وتؤكد له انها تفخربه ..وانه قوي وقادر ..

وان لم تستطع فلا مفر من ان يعرض نفسه على مختص نفسي ..اذا كان يريد لحياتهما الزوجيه الأستمرار ..

انا ابفى اعرف ليش كل ما شفنا زوجين متقاربين نحسبهم في قمت السعاده الاسريه دائما تخدعنا المظاهر واذا كانت الوحد ما تتكلم في شؤن حياتها الخاصه بنعتقد انها اسعد وحده في الوجود انا اعرف وحده الكل كان بيعتقد انها اسعد وحده في العائله واناه ماتتكلم خوفا من العين وما يستوعبون انه شرط اساسي يمثل احترامك لحياتك الخاصه وهو جعل حياتك الخاصه عالم بعيد عن متناول الغير ؟؟؟؟

احنا تخدعنا دائما المظاهر

وبالنسبه للزوجه فهذا شيء واظح انها راح تتعلق فيه لأنها يحاول انه يعوضها عن نقص فيه وهذي موجوده وفي كذا عائله انا اعرف وحده بعد زواجها بسنتين تغيرت نفسيتها جدا لأنها ما حملت وسوت تحاليل لكن سليمه وبعدها بسنها سوى الزوج التحليل وبان انه مافيه امل بعدها تغيرت معاملته معاه ميه وثمانين درجه لأنه يحاول انه ما يفقدها حطها في بيت لحاله (وهوكان رافظ هذي الفكره نهائيا) وبعدها هي تعلقت فيه مره مره وقررت انها تظل معه وتظحي بحلم الاولاد..والله يرزقها

عزيزتى .. أمنية أنتم كمان وحشتونى كتير
كلامك فعلا منطقى جدا ..
و أنا فعلا عرضت عليها نفس الحل أنها تتكلم بصراحة معاه وتعبر له عن مشاعرها
لكن للأسف واضح انها أتكلمت معاه وحاولت كتير لكن فترة قليلة بيتحسن وبعدها
نفس المشكلة ..
حتى أنهم يروحوا لدكتور فاتحتها فيه لكن هى بتقول أنه طبيعى جدا جدا ..
والمشكلة أكيد فيها هى طاما مش حاسس ناحيتها غير بصداقة معظم الوقت ..
بصراحة حسيت أن ثقتها فى نفسها أتهزت جدا sid ويمكن حل دكتور نفسى ده أسلم
لان واضح أن نفسيتها متأثرة وأصبحت حساسة فى علاقتهم .. خصوصا أنها بتقوللى
أن الموضوع ده هو السبب الأساسى فى خلافتهم لأكثر من 3 سنوات ..
وأكيد الضغط النفسى حيأثر عليهم بلاشك طالما المسألة فى تفكيرهم كمشكلة

عزيزتى .. ن ن ن ن

كلامك فعلا صح .. كلنا تخيلنا أنهم أسعد زوجين فى أصحابنا
لكن بصراحة لينا عذرنا .. ما شاء الله عليهم تشوفيهم تحسى أنهم متجوزين أمبارح
ربنا يهديهم لبعض .. ويتم نعمه عليهم بالسعادة

وفعلا الحياة الأسرية أهم شىء فيها الخصوصية وأحترامها .. لكن أما يكون فى مشكلة
أكيد بعد المحاولات لازم تلجأ لحد يحلها .. ويمكن دكتورة تساعدها فى المسألة دى
لأنى شايفة أن صعب كلامها عنها مع والدتها خصوصا لأنها بتحترم علاقتها بزوجها
ومساعدة طبية أكيد أفضل ليها

لكن فعلا أنت أثرتى نقطة مهمة .. يمكن يكون أسلوبه معاها نوع من التعويض
ويكون هو عارف ده لكن هى مش فاهمة .. أنا فعلا حلفت نظرها .. لأن حرام نفسيتها
تعبانه جدا وخايفة تصمم على الطلاق اكتر sid

معقول ياجماعة .. 80 زيارة ولا فيه غير ردين بس؟؟؟؟

هو الموضوع محرج ولا شائك ؟ ولا خطأ طرحه فى المنتدى ؟؟؟؟؟؟؟؟

عزيزتي بوسي
واحشاااااااني موت . فينك يا بوسي؟!!! حقيقي واحشاني كتير.
بالنسبة لصديقتك ....واضح جدا ان زوجها يعاني من مشكلة جنسية , لأن الصداقة و التفاهم يساعد على الانسجام الجنسي و ليس العكس . يعني هي غلطانة لما قالت ( صداقتنا هي سبب حزني)...... سبب حزنها عضوي او نفسي و لكل داء دواء باذن الله و طالما هم اصدقاء و باب الحوار مفتوح و مكشوف بينهما.....عليها بمساعدته على تجاوز هذه المشكلة بالمداومة على العلاج حتى تمام الشفاء باذن الله .
لا داعى للتفكير في الطلاق طالما هنالك حل للمشكلة......سؤالي هو: هل كان عادي اولا ثم ساءت حالته ام هو كذلك منذ البداية؟