السلام عليكم ورحمة الله وبركاته<br><br>انا محتاجة لدعمكم بعد ربنا سبحانه و تعالى.<br>زوجي مصر عالطلاق بيقولي انو انا خلفت البنت و حامل عشان اربطه شوفو كيف بيفكر شوفو كيف ظالم فتفكيرو. و لسانه هو اصلا زفر بضلني اتحمله و بعدين بنفجر و بيجي يقولي انت زوجة مش صالحة الوحدة مهما سوى فيها زوجها ما بتنفجر، كاني انا مش بشر و ما بحسش وهو الوحيد اللي بيحس. و شوي شوي بيقاوني بخواته مع اني مش مقصرة و الله مش مقصرة بيتهمني بالجحود و اني ضيعتله فلوسه و مش عارفة ايش و لا ايش و بيسب و بقزمني قدام الناس و لانه هو اللي بيسوي هيك فكلشي عنده عادي لانه هو اللي بيسوي فانا لازمني اخد عراسي واسكت و انضب. بالله عليكم هو الدين بيقول هيك اي ردت فعل بيقول انا راح اهجرك في المضاجع هذا هو اللي بيطبقو فالدين ما بيصلي ما بيصوم و انا اللي بضغطو عشان يطلع الزكاة كان بيتصدق بطل هلا. ما بيغسل حتى من الجنابة الوضوء الاكبر بيتشور عادي و بيطلع. محملني جميل انو بيشتغل. مستحملة كل هالشي و لا جزاءا و لا شكورا بتعب فالبيت طول اليوم و انا بمسح و بكنس و بنظف و في الاخر بيجي يقولي انت مبتسويش اشي بروح بسوي شوبينغ لحالي اذا نقص شي بالبيت بروح بلبس ملابسي و باخد البنت و بروح و في الاخر بيجي بيقولي اني انا ما بسوي شي. شوفو الجحود. و في الاخر بقولي و الله لجيبلك وحدة للبيت عشان ادمر انوثتك و بيحلف يمين انو راح يدمرني و راح يخليني اتمنى اني ما تزوجت. حسبي الله و نعم الوكيل. اللهم اكفنيه بما شئت و كيفما شئت انك على ما شئت قدير.&nbsp;<br>بيقولي انو هالارلاد اللي بدي اربطه بيهم راح يخنقني بيهم هو في حدا بيرتبط فهالزمن بالاولاد لكن عن تفكير نسوان و عواجيز كمان. تخلف مش طبيعي. ربنا مخلي حياته ضنك لانو بعيد عنه. لا حول و لا قوة الا بالله.<br>انا الصراحة غلبت معاه دايما بقول انه ربنا راح يهديه لكن الا ما بيبعد عن طريق ربنا. ادعولي انر ربنا يقويني عتربية اولادي تربية صالحة و حط فعينه حصوة ملح هو و عليته من كتر ما هما ناقصين من شاني.&nbsp;<br>ادعولي بالتوفيق و في سداد الخطاادعولي فظهر الغيب يمكن ربنا يستجيب منكم. ظلمني بكلامه و بقسوته. ما بدي اتعصب لانو اولادي ما عندهم حدا من بعدي.&nbsp;<br>برمي عليا اللوم ففشلو فعدم القدرة على تسيير امور حياته. هالشخص عنجد بيدعي انو سوي العقل لكنما بظن انو في حدا بعيد عربنا بيكون سوي.

وعليكم السلام و رحمة الله وبركاته

هوني عليك اختي ، اسال الله العظيم ان يفرج كربتك و يهدي لك زوجك

اتسائل لماذا لا تخبري اهلك او اي شخص تثقي فيه كي يتحدث مع زوجك

صعب جدا ان تكوني لوحدك وتتحملي كل هذه القسوه من شريك حياتك

ولماذا على امور لا تستحق ، الله يهديه و يصلح حاله و يسخره لك

اكثري من الإستغفار يا اختي و الدعاء و الصبر

وايضا حاولي ان تغيري من نمط حياتك معه يعني بردي اعصابك و لا تنفجري عليه

حاولي قدر المستطاع ان لا يعلو صوتك و لا تتعصبي من تصرفاته مهما قال

وبعد ان يذهب عنه الغضب تحدثي معه بالطريقه التي ترينها مناسبه

صدقيني مشكلتك مع زوجك ليست الوحيده في العالم ( الأبواب مغلقه و الهموم مفرقه )

الله المستعان ، طولي بالك و استعيني بالصبر و الصلاه و الدعاء

والله تعالى لن يضيع صبرك ، دعواتي ترافقك .